ഓണത്തുമ്പി [രേഷ്മ] 139

അല്ല മോളെ അത് വായന ശാല ആണ്… എല്ലാദിവസവും വൈകുന്നേരം ഇവിടുള്ള ചെറുപ്പക്കാർ ഇവിടെ കൂടും.. ഇതൊരു ക്ലബ്‌ കൂടി ആണ്.. കാരംസ് കളിയും ചെസ്സും വോളി ബോളും അങ്ങനെ പല കളികളും ആയി രാത്രി ആവുന്നത് വരെ ഒരു ബഹളം ആയിരിക്കും..

ക്ലബിന് അടുത്ത് തന്നെ ഉള്ള ഒരു കടയുടെ അരികിൽ വിശ്വൻ വണ്ടി നിർത്തി..

മോളെ ഞാൻ കുറച്ചു സാധനങ്ങൾ വാങ്ങിക്കാം..എന്തേലും കഴിക്കണ്ടേ..
പിന്നെ പിസ്സയും kfc യും ഒന്നും ഇവിടെ കിട്ടില്ല കേട്ടോ അതൊക്കെ സ്വന്തം ഉണ്ടാക്കി കഴിച്ചോണം… ഡോർ തുറന്നു ഇറങ്ങുന്നതിനു മുൻപ് വിശ്വനാഥൻ ചന്ദനയെ നോക്കി പറഞ്ഞു

“” ഹോ എന്തൊരു പട്ടിക്കാട് ആണ് അച്ഛാ ഇതു “” ചന്ദന വീണ്ടും മുഖം വീർപ്പിച്ചു

“”ഹായ് വിശ്വട്ടാ… എങ്ങനെ ഉണ്ടായിരുന്നു യാത്രയൊക്കെ ” വിശ്വൻ കടയിലേക്ക് കയറിയപ്പോൾ ഉള്ളിൽ നിന്നും ഇറങ്ങി വന്ന സുമുഖനായ ഒരു ചെറുപ്പകാരൻ ചോദിച്ചു..

“”ങ്ങാ ഹരി.. നീ ഇവിടുണ്ടായിരുന്നോ “”

“” ഓണം വരുവല്ലേ ക്ലബ്ബിന്റെ നേതൃത്വത്തിൽ ചില പരിപാടികൾ അതിന്റെ തിരക്കിലാണ്… പിന്നെ ഇനി വീട്ടിൽ പോയിട്ട് ഒന്നും ഉണ്ടാക്കാൻ നിക്കണ്ട കേട്ടോ….നിങ്ങള് വൈകുന്നേരത്തേക് എത്തും എന്നു പറഞ്ഞോണ്ട് അമ്മ ഭക്ഷണം ഒക്കെ റെഡി ആകുന്നുണ്ട് “”

“”അയ്യോ അതു വേണ്ടായിരുന്നു…””

“”അതൊന്നും കുഴപ്പമില്ല… ചേച്ചിയേം മോളേം ഞാൻ വൈകുന്നേരം പരിചയപെടാം കേട്ടോ.. ടൗണിൽ പോയി കുറച്ചു സാധങ്ങൾ മേടിക്കാനുണ്ട്..””

“”എന്നാൽ ശെരി പോയിട്ട് വാ ഹരി “” വിശ്വൻ പറഞ്ഞു..

നെറ്റിയിലേക് വീണു കിടന്നിരുന്ന മുടിയിഴകൾ ഒരു കൈ കൊണ്ട് ഒതുക്കി വെട്ടി ഒതുക്കി നിർത്തിയിരുന്ന തന്റെ കട്ടി മീശയിൽ ഒന്ന് തടവി ധരിച്ചിരുന്ന വെളുത്ത ഷർട്ടിന്റെ കൈകൾ മുകളിലേക്കു കുറച്ചു കയറ്റി വെച്ചു ഉടുത്തിരുന്ന കാവി മുണ്ടിന്റെ ഒരറ്റം എടുത്തു കയ്യിലും പിടിച്ചു ഹരി തന്റെ ബുള്ളെറ്റിനു അടുത്തേക് നടന്നു..

നടക്കുന്നതിനിടയിൽ ഹരി കാറിനു നേർക് ഒന്ന് പാളി നോക്കി.. അവിടെ ഡോറിനു പുറത്തേക് നീളുന്ന രണ്ടു കണ്ണുകൾ ഹരി കണ്ടു.. ഒരു നോട്ടം.. വെളുത്ത മുഖത്തേക് പാറി കിടന്നിരുന്ന ചെമ്പൻ മുടികൾ.. വിടർന്ന മിഴികൾ…ചുവന്ന ചൊടികൾ..
ഹരിയുടെ നോട്ടം അവിടേക്കു എത്തിയതും ചന്ദന മുഖം തിരിച്ചു.. ഹരിയുടെ ചുണ്ടിൽ ഒരു ചിരി വിടർന്നു…

അവൻ ബുള്ളെറ്റിലേക് കയറി ഒരു കാൽ നിലത്തു കുത്തി തിരിച്ചെടുത്തു കാറിനു അരികിലൂടെ ഓടിച്ചു പോയി..

ഹരി കണ്ണിൽ നിന്നും മറയുന്നതു വരെ കാറിന്റെ പിൻ ഗ്ലാസ്സിലൂടെ ചന്ദന നോക്കി നിന്നു..

കടയിലേക്ക് കയറിയ അച്ഛനോട് ഒരാൾ സംസാരിക്കുന്നതു കണ്ടാണ് ശ്രദ്ധിച്ചത്… വെളുത്തു സുന്ദരനായ ഒരു ചേട്ടൻ..നെറ്റിയിലേക് ഇടയ്ക്കിടെ വീഴുന്ന മുടിയിഴകളും സംസാരിക്കുമ്പോൾ ഉള്ള ചിരിയും അതു കണ്ടപ്പോൾ തന്റെ ഹൃദയം കൂടുതൽ മിടിക്കുന്നതു പോലെ തോന്നി… ക്ലീൻ ഷേവ് ചെയ്ത മുഖത്തേക് വെയിൽ അടിച്ചപ്പോൾ നന്നായി തിളങ്ങി.. പിന്നെ വെട്ടി ഒതുക്കിയ കട്ടി മീശ താടിയിൽ ഉള്ള ചെറിയ ചുഴി.. ചന്ദന അയാളെ തന്നെ നോക്കി ഇരുന്നു.. ഹരിയുടെ നോട്ടം കാറിനുള്ളിലേക് പാളിയപ്പോൾ ആണ് ചന്ദന മുഖം തിരിച്ചത്..

“”ആരാ അച്ഛാ അത് “”

“” വിശ്വൻ തിരിച്ചു കാറിലേക് കയറിയതും ചന്ദന അന്വേഷിച്ചു., “”

“” ഏതാ മോളെ “‘