ഓണത്തുമ്പി [രേഷ്മ] 139

“”അതിനെന്താ ഇതല്ലേ ഇവിടെ ഇഷ്ടം പോലെ കുട്ടികൾ… അല്ലേൽ ദേ ഈ കുട്ടി പോരെ ചന്ദനയെ ചൂണ്ടി ഹരി പറഞ്ഞു..

“”അയ്യോ എനിക്കൊന്നും അറിയൂല… “”

“” ഒന്നും അറിയാൻ ഇല്ല മോളെ… മോള് നടുക്ക് ഒരു പൂവും പിടിച്ചു ഇരുന്നാൽ മതി ഞങ്ങൾ ചുറ്റും നിന്നു പാട്ടു പാടും അത്രേ ഉള്ളു…

“” ങ്ങാ എന്നാൽ ഞാൻ ഒക്കെ… “” ചന്ദന സമ്മതിച്ചു..

നീ ആ കൊച്ചിന് ഒരു പണി കൊടുത്തത് അല്ലെടാ… സദ്യ വിളമ്പാൻ ഉള്ള ഒരുക്കങ്ങൾക്കായി കലവറയിലേക് നടക്കുന്നതിനിടയിൽ ശ്രീക്കുട്ടൻ ഹരിയോട് ചോദിച്ചു

“”ഹ ഹ.. പണിയൊന്നും അല്ല.. പെണ്ണ് തുള്ളുമോ എന്നു നോക്കാം.. “”

സദ്യ എല്ലാവരുടെയും പങ്കാളിത്തം കൊണ്ടു തന്നെ ഗംഭീരം ആയിരുന്നു…. സദ്യ ഒക്കെ കഴിഞ്ഞായിരുന്നു ഓണക്കളികൾ… ഓണ തല്ലും.. കസേര കളിയും കുട്ടികൾക്കു സ്പൂൺ റെയ്സും, സൂചിയിൽ നൂൽ കോർക്കലും അങ്ങനെ വിവിധ മത്സരങ്ങൾ ഉണ്ടായിരുന്നു…എല്ലാ മല്സര വിജയികൾക്കും ചെറിയ സമ്മാനവും ഉണ്ടായിരുന്നു..

ഏറ്റവും അവസാനം ആയിരുന്നു തുമ്പി തുള്ളൽ.. അതിനായി ചന്ദനയെ ഒരു വൃത്തത്തിനു നടുക്ക് ഇരുത്തി കൊടി ഇലയ്ക്ക് നടുവിൽ തുമ്പ പൂവും വെച്ചു മുഖം പൊത്തി ഇരുത്തിച്ചു .. അതിനു പുറത്തു അമ്മമാരും നിരന്നു അവർ ചുറ്റും നിന്നു പാട്ടു പാടി തുടങ്ങി…

“”ഒന്നാം തുമ്പിയുമവർ പെറ്റ മക്കളും
പോയീ നടപ്പറ തുമ്പി തുള്ളാൻ
തുമ്പിയിരുമ്പല്ല – ചെമ്പല്ല – ഓടല്ല
തുമ്പിത്തുടർമാല – പൊൻമാല

തുമ്പിയിരുമ്പല്ല – ചെമ്പല്ല – ഓടല്ല
എന്തെന്റെ തുമ്പി തുള്ളാത്തെ
പന്തലിൽ പൂക്കുല പോരാഞ്ഞിട്ടോ
എന്തെന്റെ തുമ്പീ തുള്ളാത്തേ?

തുമ്പീ തുള്ള് തുള്ള്

ഒന്നാം ശ്രീകടലിന്നക്കരെച്ചെന്നപ്പോൾ
ഒന്നല്ലോ മണിനാഗൻ മുട്ടയിട്ടു
പതിനെട്ടു മുട്ടയും പാ‍മ്പും തടം പിടിച്ചോടിവാ തുമ്പീ
ഒളിച്ചു വാ തുമ്പീ, ആടിവാ തുമ്പീ, അലഞ്ഞുവാ തുമ്പീ…

എന്തേ തുമ്പീ നീ തുള്ളാതിരിക്കുന്നു?
ആളു പോരയോ, അലങ്കാരം പോരയോ
കൊട്ടു പോരയോ, കുരവ പോരയോ
പൂ പോരയോ, പൂപ്പട പോരയോ
എന്തു തുമ്പി നീ തുള്ളാതിരിക്കുന്നു?
എച്ചി തുമ്പീ തുള്ള് തുള്ള്
എക്കറ തുമ്പീ തുള്ള് തുള്ള്
പറയന്റെ മാടത്തിൽ കേറും തുമ്പീ
പറയനടിച്ചു പറത്തും തുമ്പീ
എച്ചി തുമ്പീ തുള്ള് തുള്ള്
എക്കറ തുമ്പീ തുള്ള് തുള്ള്”””

അമ്മമാർ പാടുന്നതിനു അനുസരിച്ചു അവർ താളത്തിൽ കൈ കൊട്ടുകയും കുരവ ഇടുകയും ചെയ്തു കൊണ്ടിരുന്നു..ചുറ്റും നിന്നിരുന്ന ആണുങ്ങൾ ആർപ്പു വിളിച്ചു കൊണ്ടും ഇരുന്നു.. താളത്തിലുള്ള പാട്ടുകൾ ഒന്നിന് പുറകെ അമ്മമാർ പാടി തുടങ്ങിയതും നടുവിൽ ഇരുന്ന ചന്ദന പതിയെ തല അനക്കി തുടങ്ങി അതിനു അനുസരിച്ചു പാട്ടിന്റെ താളവും വേഗതയും മുറുക്കി അതിനു അനുസരിച്ചു ..ചന്ദന മുടിയഴിച്ചു ഇളകി ആടി …ഒടുവിൽ നിലത്തേക് തളർന്നു വീണു…