ഓണത്തുമ്പി [രേഷ്മ] 139

“”കണ്ണാ…കണ്ണാ…കണ്ണാ…കണ്ണാ…കണ്ണാ…
തുളസിക്കതിര്‍ നുള്ളിയെടുത്തു-
കണ്ണനൊരു മാലക്കായി…
പൊട്ടാത്ത നൂലില്‍ കെട്ടി…
എന്നെന്നും ചാര്‍ത്താം ഞാന്‍…””

ചന്ദനയുടെ പാട്ടിൽ അവൾ അപ്പോൾ രാധയും ഹരി.. കൃഷ്ണനും ആയിരുന്നു…അർദ്ധ നിമീലിത നേത്രങ്ങളിൽ തെളിഞ്ഞ കണ്ണന്റെ രൂപത്തിന് ഹരിയുടെ മുഖം ആയിരുന്നു…

പാട്ടു തീർന്നതും നീണ്ട കര ഘോഷം മുഴങ്ങി… ഹരിക് അവളെ അഭിനന്ദിക്കണം എന്നുണ്ടായിരുന്നു.. അപ്പോളേക്കും അവൾ സരസ്വതി അമ്മ നിക്കുന്നിടത്തേക് പോയി… സരസ്വതി അമ്മ ചന്ദനയുടെ നെറ്റിയിൽ ഉമ്മ വെച്ചു….
“”ഇതിനാണ് അമ്മേ ഹരി കാളരാഗം എന്നു പറഞ്ഞത് “” ഹരിത സരസ്വതി അമ്മയോട് പറഞ്ഞു

“”ഹ്മ്മ് അവനിങ്ങോട്ടു വരട്ടെ ഞാൻ ചോദിക്കാം.. ചെറുക്കന് രണ്ടു തല്ലിന്റെ കുറവുണ്ട് കലാ ബോധമില്ലാത്ത ചെറുക്കൻ “”

“”വേണ്ടമ്മേ…. അതെന്റെ കുഴപ്പം ആണ് ഞാൻ ആണ് പറഞ്ഞത് ഹരിയേട്ടൻ സംഘടിപ്പിക്കുന്നത് ഊച്ചാളി പരുപാടി ആണെന്ന് എനിക്കറിയില്ലാരുന്നു…ഹരിയേട്ടൻ ഇങ്ങനെ നല്ല കാര്യങ്ങൾ… അതും ആരും ഇല്ലാത്ത ഈ അമ്മമാർക്ക് വേണ്ടി… ഞാൻ ആണ് ഹരിയേട്ടനോട് സോറി പറയേണ്ടത്.. “” ചന്ദന പറഞ്ഞു

“”അമ്മേ ഓണം അല്ലേ പഴയ എന്തേലും കളികൾ നടത്തിയാലോ എന്നു ഹരിയുടെ അഭിപ്രായം… അമ്മ പറ എന്തേലും അമ്മയ്ക്ക് അറിയാമോ “” അവിടേക്കു ഹരിയുടെ കൂടെ നടന്നു വന്ന ശ്രീക്കുട്ടൻ ചോദിച്ചു

“” ഈ വയസ്സാം കാലത്തു ഞാൻ എന്ത് ഓണ കളി നടത്താനാ ശ്രീ കുട്ടാ.. വാ നമുക്ക് എല്ലാ അമ്മമാരോടും ചോദിക്കാം..

“”ചന്ദനെ പാട്ടു സൂപ്പർ… ആയിരുന്നു കേട്ടോ “”

“”താങ്ക്യു ശ്രീ ഏട്ടാ.. “”ചന്ദന നന്ദി അറിയിച്ചു

“”എന്നാലും ചിലർക്ക് അതൊക്കെ കാള രാഗം ആണ് കേട്ടോ ശ്രീ കുട്ടാ.. “”
കൂടെ ഉണ്ടായിരുന്ന ഹരിത പറഞ്ഞു..

ഹരി കലിപ്പോടെ ഹരിതയെ നോക്കി “”ഛെ ചേച്ചി നശിപ്പിച്ചു പെണ്ണിനെ ഒന്ന് അഭിനന്ദിക്കണം എന്നു വിചാരിച്ചതാണ്… ചേച്ചി എന്നെ കളിയാക്കിയ സ്ഥിധിക് ഇപ്പൊ അഭിനന്ദിച്ചാൽ പെണ്ണ് പൊങ്ങി പോകും… എനിക്കതു ഷീണവും ആണ് “” ഹരി ചിന്തിച്ചു..

“”അതല്ലേലും അങ്ങനാ അല്ലേ ഹരിതേച്ചി നല്ലത്… നായക്ക് പിടിക്കൂല എന്നല്ലേ..”

ശ്രീക്കുട്ടന്റെ കളിയാക്കിയുള്ള പറച്ചിൽ കേട്ടതും ചന്ദനയും ഹരിതയും പൊട്ടി ചിരിച്ചു..

“”എടാ ദരിദ്രവാസി ചോറിവിടെയും കൂറ് അവിടെയും ആണല്ലേ…”” ശ്രീകുട്ടന്റെ പുറത്തു ഒരടിയും കൊടുത്തു ഹരി പറഞ്ഞു..

“”അമ്മമാരേ നമുക്ക് എന്തേലും ഓണക്കളി കളിക്കണ്ടേ. …നിങ്ങളുടെ ഒക്കെ ഓർമയിൽ ഉള്ള ഏതേലും ഒരു കളി.. “”

“”അതിനെന്താ ഹരി കുട്ടാ.. നമുക്ക് തുമ്പി തുള്ളൽ ആയാലോ… “”കൂട്ടത്തിൽ നിന്നും ഏകദേശം ഒരു 75 വയസ്സോളം പ്രായമുള്ള അമ്മ പറഞ്ഞു…

“”ങാ അതു മതി..”” അമ്മമാർ എല്ലാം അനുകൂലിച്ചതോടെ അതു നടത്താൻ തീരുമാനം ആയി….

“”എന്നാൽ എല്ലാവരും ഭക്ഷണം കഴിച്ച ശേഷം ആവാം അല്ലേ അമ്മ കുട്ടീസ്… “”‘ഹരി ചിരിച്ചു കൊണ്ട് എല്ലാവരോടും ആയി ചോദിച്ചു..

“”ങ്ങാ മോനെ തുമ്പി ആവാൻ ഒരു കുട്ടി വേണം… “”