ഓണത്തുമ്പി [രേഷ്മ] 139

“”മ്മ്‌ടെ ഹരി കുട്ടന് നല്ല ചേർച്ച ഉണ്ടല്ലേ ആ കുട്ടി…”” മാല കെട്ടി കൊണ്ടിരുന്ന വാരസ്യാർ അവരുടെ അടുത്തിരുന്ന ഒരു മുത്തശ്ശിയോട് പറയുന്ന കേട്ട ചന്ദനയുടെ ചുണ്ടിൽ ഒരു ചിരിയൂറി..

ക്ഷേത്രത്തിനു ചുറ്റും മൂന്നു വട്ടം ശയന പ്രദക്ഷിണം വെച്ചപ്പോളേക്കും ഹരി തളർന്നിരുന്നു…

“”ഹോ ഇനി ഇങ്ങനത്തെ നേർച്ചകൾ നേരണ്ടാന്നു അമ്മയോട് പറയണേ ചേച്ചി.. “”
ഹരി മൂന്നാം പ്രദക്ഷിണവും പൂർത്തിയാക്കി ശ്രീകോവിലിനു അടുത്തേക് തൊഴാനായി നടക്കുമ്പോൾ ഹരിതയോട് പറഞ്ഞു..

“”ഹരി കുട്ടനെ കൊണ്ട് വഴിപാട് കഴിപ്പിച്ചു കേട്ടോ അമ്മേ “” വീട്ടിലേക്കു കയറിയതും ഹരിത അമ്മയോട് പറഞ്ഞു..

“”എന്ത് വഴിപാട്… സരസ്വതി അമ്മ അത്ഭുതത്തോടെ തിരക്കി “”

“” ശയന പ്രദക്ഷിണം…!!! അമ്മയല്ലേ ചന്ദനയെ വിളിച്ചു പറഞ്ഞത് അമ്മ എന്തോ ദു: സ്വപ്നം കണ്ടു.. ഹരിയെ കൊണ്ടു മൂന്നു വട്ടം ശയന പ്രദക്ഷിണം ചെയ്യിപ്പിക്കണം എന്നു.. “”

“”ഞാനോ.. “”സരസ്വതി അമ്മ ചന്ദനയെ നോക്കിയപ്പോൾ അവൾ പതിയെ പരുങ്ങുന്നതു കണ്ടതും അവർക്കു കാര്യം മനസ്സിലായി… ഹ..ഹ..ഹ.. സരസ്വതി അമ്മ ഉറക്കെ ചിരിച്ചു കൊണ്ടു ചന്ദനയുടെ ചെവിയിൽ മെല്ലെ പിടിച്ചു…

“”എടീ കുറുമ്പി… എന്നാലും മൂന്ന് വട്ടം ഒക്കെ… “”

അപ്പോളാണ് ഹരിക്കും ഹരിതയ്ക്കും കാര്യം മനസ്സിലായത്.. ഹരിതയ്ക്കും നടന്ന കാര്യങ്ങളും ഹരിയുടെ നിൽപ്പും കണ്ടതും ചിരി അടക്കാൻ പറ്റിയില്ല… അവൾ ചിരിച്ചു സെറ്റിയിലേക് ഇരുന്നു പോയി..

ചന്ദന ഹരിയെ ഏറു കണ്ണിട്ടു നോക്കികൊണ്ടു സരസ്വതി അമ്മയുടെ പുറകിലേക്ക് പതുങ്ങി…

എടീ.. ഹരി ചന്ദനയുടെ അടുത്തേക് എത്തിയതും ഹരിയെ വെട്ടി ഒഴിഞ്ഞു വീട്ടിലേക്കു ഓടി..

“”കുറുമ്പീ.. “”ഓടി പോകുന്ന ചന്ദനയെ നോക്കി ഹരി മനസ്സിൽ പറഞ്ഞു..

സരസ്വതി അമ്മയ്ക്കും ഹരിതയ്ക്കും അപ്പോളും ചിരി അടക്കാൻ ആവുന്നുണ്ടായിരുന്നില്ല…
അതു കണ്ടതും ചമ്മൽ മറച്ചു ഹരി പതിയെ റൂമിലേക്കു കയറി പോയി..
♦️♦️♦️♦️♦️♦️♦️♦️♦️♦️♦️♦️♦️♦️

“”ആണ്പിള്ളേര് നോക്കണ്ട ..””ഉടുത്തു കഴിഞ്ഞു ഒരു വശത്തൂടെ തെളിഞ്ഞു കണ്ട അവളുടെ നഗ്നമായ വെളുത്ത വയറിനെ മറച്ചു സാരിയുടെ തുമ്പു ബ്ലൗസിന്റെ അരികിലേക്കു പിൻ ചെയ്തു ചിരിച്ചു കൊണ്ട് ഹരിത പറഞ്ഞു..

തിരുവോണ പരിപാടികൾക്ക് ക്ലബിന് അടുത്തേക് പോകാൻ വേണ്ടി ചന്ദനയ്ക് സാരി ഉടുപ്പിച്ചു കൊടുക്കുക ആയിരുന്നു ഹരിത

“”ഒന്ന് പോ ചേച്ചി കളിയാക്കാതെ “” നാണത്തോടെ ചന്ദന ഹരിതയുടെ കയ്യ്ക് കൊട്ടി..

ഹരിതയുടെ കൂടെ തന്നെ ആണ് ചന്ദന ക്ലബിലേക് പോയത്.. അവർ എത്തുമ്പോളേക്കും പ്രോഗ്രാം തുടങ്ങിയിരുന്നു… സ്റ്റേജിൽ ഹരിയുടെ പ്രസംഗം ഉറച്ചതും സ്പുടവും ആയ ശബ്ദത്തിൽ പുറത്തേക് ഒഴുകി..

ചന്ദന സെലക്ട്‌ ചെയ്ത ചന്ദന നിറമുള്ള ഷർട്ടും കസവു കരയുള്ള മുണ്ടും ആയിരുന്നു ഹരി ധരിച്ചിരുന്നത്…അവൾ അവനെ നോക്കി കസേരയിൽ പോയി ഇരുന്നത് പോലും അറിയുന്നുണ്ടായിരുന്നില്ല… അവൾ അവന്റെ ശബ്ദത്തിനു കാതോർത്തു

“”ഓരോ ഓണവും നമ്മൾ മലയാളികൾക്ക് ആഘോഷമാണ്….ഓരോ