ഓണത്തുമ്പി [രേഷ്മ] 139

“”ഹ്മ്മ് എനിക്ക് മനസ്സിലാവുന്നുണ്ട് കേട്ടോ… “”പ്രേത്യക ഭാവത്തിൽ ഹരിയെ നോക്കി ചിരിച്ചു കൊണ്ട് ഹരിത പറഞ്ഞു

“”എടാ ആ കൊച്ചിനെ ഇഷ്ടാണെങ്കിൽ പോയി പറ എനിക്കും അമ്മയ്ക്കും ഇഷ്ടാനുട്ടോ ..””

“””അയ്യേ ചേച്ചിക്കെന്താ വട്ടുണ്ടോ.. എനിക്ക് ആ കുട്ടി പിശാചിനോട് ഇഷ്ടം ഒന്നുമില്ല..

“”ഹ്മ്മ് ഞാൻ വിശ്വസിച്ചു “” അതും പറഞ്ഞു തല കുലുക്കി കൊണ്ട് ഹരിത വഴിപാട് കൗണ്ടറിലേക് നടന്നു..

“” ഹലോ അമ്മേ ങ്ങാ പറ കേൾക്കുന്നുണ്ട് “”
ഹരിത വഴിപാട് കൗണ്ടറിൽ ചെല്ലുമ്പോൾ ചന്ദന ആർക്കോ ഫോൺ ചെയ്യുക ആണെന്ന് മനസ്സിലായി..

ഹരിതേച്ചി ചേച്ചിയുടെ ഫോൺ ഓഫ്‌ ആണോ.. തന്റെ മൊബൈൽ മാറ്റി പിടിച്ചു കൊണ്ട് ചന്ദന അന്വേഷിച്ചു

“””നോക്കട്ടെ മോളെ… “”ഹരിത തന്റെ കയ്യിലെ ചെറിയ ബാഗ് തുറന്നു ഫോൺ കയ്യിലെടുത്തു ഓൺ ചെയ്തു നോക്കി..

“”അല്ലല്ലോ.. ഓഫ്‌ അല്ല “”ഫോൺ ചന്ദനയെ കാണിച്ചു കൊണ്ട് ഹരിത പറഞ്ഞു..

“”അമ്മ ചേച്ചിയെ വിളിച്ചിട്ട് കിട്ടിയില്ല അതോണ്ട് എന്റെ നമ്പറിൽ വിളിച്ചേ..””

“””അമ്മയാണോ.. താ ഞാൻ സംസാരിക്കാം”” ഹരിത കൈ നീട്ടി..

“””ങ്ങാ എന്താ അമ്മേ… ഹരിതേച്ചിയുടെ കയ്യിൽ കൊടുക്കട്ടെ .””

“”ആണോ ഞാൻ പറഞ്ഞാൽ മതിയോ.. “”

“”ഞാൻ പറഞ്ഞേക്കാം അമ്മേ.. അതല്ലേ ഉള്ളു.. ‘”

“”എന്താ മോളെ അമ്മ എന്താ പറഞ്ഞത് വല്ല വഴിപാടും ഉണ്ടോ.. “”

“””ങ്ങാ ഹരിയേട്ടന്റെ പേരിൽ ഒരു വഴിപാട് ഉണ്ടെന്നു മൂന്നുവട്ടം ശയന പ്രദക്ഷിണം.. അമ്മ എന്തോ ദു:സ്വപ്നം കണ്ടത്രേ.. അതോണ്ട് നേർന്നതാണെന്നു.. ഹരിയേട്ടൻ ഇവിടുണ്ടേൽ ഇന്ന് തന്നെ കഴിപ്പിക്കണം എന്നു.. പറഞ്ഞു “””

“”അയ്യോ ആണോ.. എന്തായാലും അവനിവിടെ ഉണ്ടല്ലോ.. ഞാൻ അവനെ വിളിച്ചോണ്ട് വരാം മോളു കൗണ്ടറിൽ പറഞ്ഞേക്.. ങ്ങാ ഒരു പുഷ്പാഞ്ജലി കൂടെ വേണം.. ഹരി.. പൂരം നക്ഷത്രം.. പിന്നെ കുട്ട്യോളുടെ പേരിലും. “”

“””അവരുടെ നക്ഷത്രം എനിക്കറിയാം ചേച്ചി…ചേച്ചി പോയി ഹരിയേട്ടനെ കൂട്ടിയിട്ടു വാ…”””

“എന്നിട്ട് അമ്മ എന്നോട് പറഞ്ഞില്ലല്ലോ ചേച്ചി.. “”അമ്മ വിളിച്ചു നേർച്ചയുടെ കാര്യം പറഞ്ഞ കാര്യം ഹരിത ഹരിയോട് പറഞ്ഞപ്പോൾ അവൻ സംശയത്തോടെ ചോദിച്ചു….

“””എന്തായാലും അമ്മ നേർന്നതല്ലേ നീ ക്ഷേത്ര കുളത്തിൽ പോയി ഒന്ന് മുങ്ങി വാ…നേർച്ച മുടക്കേണ്ട.. “””

“””ശെരി ചേച്ചി…, “”ഹരി ധരിച്ചിരുന്ന ഷർട്ട്‌ അഴിച്ചു കൈത്തണ്ടയിൽ ഇട്ടു കൊണ്ട് ക്ഷേത്ര കുളത്തിലേക്കു പോയി…

ക്ഷേത്ര കുളത്തിൽ മുങ്ങി നിവർന്നു ഈറനോടെ ഹരി വരുന്നതും നോക്കി ചന്ദന നിന്നു… അവൻറെ നീളൻ മുടിയിഴകൾ നെറ്റിയിലേക് വീണു കിടന്നിരുന്നു… സ്വര്ണമാലയിൽ കൊരുത്ത രുദ്രാഷം നെഞ്ചിലെ രോമ രാജികൾക്കിടയിൽ പറ്റി ചേർന്നു കിടന്നിരുന്നു… തൊഴാൻ വന്ന പെൺ കുട്ടികളിൽ ചിലർ ഹരിയെ നോക്കുന്നത് ചന്ദന കണ്ടു..

“”വാ ഹരിതേച്ചി.. “”അവൾ ഹരിതയെയും വിളിച്ചു കൊണ്ട് ഹരിയുടെ അരികിലേക്കു നീങ്ങി..