“”ഇനിയും കുറെ ദൂരം ഉണ്ടോ അച്ഛാ ..”” കാറിന്റെ പിൻ സീറ്റിൽ ഇരിക്കുക ആയിരുന്ന ചന്ദന നേരിയ അമർഷത്തോടെ ചോദിച്ചു…അവൾക് തീരെ ഇഷ്ടം അല്ലായിരുന്നു നഗരത്തിൽ നിന്നും ഗ്രാമത്തിലേക്കു ഉള്ള ഈ പോക്ക്.. മദ്യപ്രദേശിലേക് വളരെ ചെറുപ്പത്തിൽ തന്നെ ജോലി തേടി പോയ ആളാണ് വിശ്വനാഥൻ.. അവിടെ ഭോപ്പാൽ നഗരത്തിൽ കല്ലെക്ടറേറ്റിൽ ഒരു ക്ലർക്കായി ജോലി ചെയ്യുക ആയിരുന്നു
വിശ്വനാഥൻ..
അയാളുടെ ഏറ്റവും വല്ല്യ ആഗ്രഹം ആയിരുന്നു സെർവിസിൽ നിന്നു വിരമിച്ചാൽ താൻ ജനിച്ചു വളർന്ന നാട്ടിലേക്കു പോയി സെറ്റിൽ ആവുക എന്നത്..

അങ്ങനെ ജോലിയിൽ നിന്നും റിട്ടയർ ആയപ്പോൾ വിശ്വനാധൻ താൻ ജനിച്ചു വളർന്ന നാട്ടിൽ തന്നെ ഒരു പഴയ വീടും കുറച്ചു സ്ഥലവും വാങ്ങി..
പഴയ വീട് ചുറ്റും കാടു കയറി കിടക്കുക ആയിരുന്നു അതൊക്കെ വൃത്തിയാക്കി പെയിന്റും അടിച്ചതിനു ശേഷം ആണ് വിശ്വനാഥൻ ഭോപ്പാലിൽ നിന്നും ഭാര്യ പ്രമീളയെയും മകൾ ചന്ദനയെയും യെയും കൂട്ടി നാട്ടിലേക്കു തിരിച്ചത് എയർപോർട്ടിൽ വന്നിറങ്ങിയ ശേഷം അടുത്ത് ഒരു പരിചയക്കാരന്റെ വീട്ടിൽ പാർക്ക്‌ ചെയ്തിരുന്ന സ്വന്തം കാറിൽ ആയിരുന്നു അവരുടെ യാത്ര…

തിരക്കേറിയ റോഡെല്ലാം വിട്ടു.. കാർ വീതി കുറഞ്ഞ ഒരു റോഡിലേക്കു കയറി … പ്രമീള മുൻസീറ്റിൽ നല്ല ഉറക്കത്തിൽ ആണ്.. വിശ്വനാഥൻ കാർ പതിയെ ആണ് ഓടിച്ചു കൊണ്ടിരുന്നത്..

“” മോളെ നോക്കു ഇവിടെ ഈ കാറ്റിന് പോലും ഒരു സുഗന്ധം ഉണ്ട്‌ നമ്മള് നിത്യവും ശ്വസിച്ചു കൊണ്ടിരുന്ന പുക മണക്കുന്ന കാറ്റല്ല ഇവിടെ.. “” വിന്ഡോ ഗ്ലാസ്‌ പതിയെ താഴ്ത്തി കൊടുത്തു കൊണ്ടു വിശ്വനാഥൻ ചന്ദനയോടു പറഞ്ഞു..

“”ഹ്മ്മ് അച്ഛന് നൊസ്റ്റാൾജിയ അല്ലേ “”
അങ്ങനെ പറഞ്ഞെങ്കിലും പുറത്തു നിന്നു വീശിയെത്തിയ തണുത്ത കാറ്റിന്റെ കുളിരിലും ഗന്ധത്തിലും അവളുടെ മുഖത്തു ഒരു ചിരി വിടർന്നു..

റോഡിനു ഇരു വശവും കണ്ണെത്താ ദൂരത്തോളം വയൽ പോലെ പരന്നു കിടക്കുന്ന സ്ഥലം ചിങ്ങ മാസം ആയ കൊണ്ടു മുഴുവൻ പച്ചപ്പും പിന്നെ കൃഷ്ണ വർണ്ണത്തിലുള്ള കാക്ക പൂവും.. അതു പറിക്കാൻ കുട്ടികൾ അവിടവിടെ ആയി കൂട്ടം കൂടി ഇരിക്കുന്നു…

”’ ആ കുട്ടികള്‍ എന്തു ചെയ്യുവാ അച്ഛാ അവിടെ..'” പുറത്തെ കാഴ്ച കണ്ട അവൾ ആകാംഷയോടെ വിശ്വനാഥനോടു ചോദിച്ചു

“‘അതു പൂക്കളം ഒരുക്കാൻ കുട്ടികൾ പൂ പറിക്കുന്നതാണ് “”

കാർ ചെറിയൊരു കവലയിലേക് എത്തിയിരുന്നു… ചന്ദന പുറത്തേക് നോക്കി.. റോഡിനു ഇരു വശവും ആയി ചില കടകൾ…ഒരു വശത്തു ചുവന്ന പെയിന്റ് അടിച്ച ചെറിയൊരു ബിൽഡിങ് അവിടെ കുറച്ചു ചെറുപ്പക്കാർ കൂട്ടം കൂടി നിന്നിരുന്നു… അവർ ആ കെട്ടിടത്തിന് ചുറ്റും വൃത്തിയാക്കുകയും അതു അലങ്കരിക്കുകയും ചെയ്യുന്നത് കണ്ടു..

“”ഇതെന്താ അച്ഛാ പാർട്ടി ഓഫിസ് ആണോ.. “”