ഒടിയൻ [അപ്പു] 244

ഭാർഗവൻ തിരുതയുടെ വയറുമൂടി. ഞൊടിയിടയിൽ അവളുടെ വയറിന്റെ മുറിവ് അപ്രത്യക്ഷമായി. അവൾ എഴുന്നേറ്റ് വസ്ത്രം ധരിക്കാതെ തന്നെ തിരിഞ്ഞ് നടന്നു. പിന്നീട് പൂക്കുലയും പിള്ളയെയും താഴെയിറക്കി പൂക്കുല മണ്ണിൽ കുത്തിവെച്ച് പിള്ളയെ തലകീഴായി അയാൾ അതിന് മുകളിൽ കെട്ടിതൂക്കി പല പച്ചമരുന്നുകൾ തേച്ച് പുരട്ടി… കെട്ടിതൂക്കിയ ഭ്രൂണത്തിൽ നിന്ന് തുള്ളികളായി വീണ് പൂക്കുല നനഞ്ഞപ്പോൾ അയാൾ അത് കത്തിച്ചു.. പൂക്കുലയിൽ നിന്ന് ഭ്രൂണത്തിലേക്ക് തീ പടർന്നു. തീ ആളിയ നേരം അതിനഭിമുഖമായിരുന്ന് നഗ്നനായി അയാൾ താലിയോലകളിലെ 101 മന്ത്രങ്ങൾ ഉച്ചത്തിൽ ഉരുവിട്ടു. അവസാന മന്ത്രവും കഴിഞ്ഞപ്പോൾ തീയണഞ്ഞു. പിള്ളയിൽ നിന്നും ഇരുണ്ടുകൊഴുത്ത ദ്രാവകം ഊർന്ന് വരാൻ തുടങ്ങി.അയാൾ അത് ഒരു ഓട്ടുപാത്രത്തിൽ ശേഖരിച്ചു. രണ്ട് ജീവൻ കൊണ്ട് നേടിയ ഇനിയും എത്രയെന്നറിയാത്ത ജീവനുകൾ എടുക്കാൻ സഹായിക്കുന്ന ഒടിയന്റെ രഹസ്യക്കൂട്ട്. പുറത്തെ മുറിവുണങ്ങിയെങ്കിലും അകത്ത് കീറിയ ഗർഭപാത്രവുമായി വീട്ടിലേക്ക് പോയ തിരുത നേരം വെളുപ്പിച്ചില്ല. ഭാർഗവൻ അപ്പോഴേക്കും തന്റെ അടുത്ത ഇരയെ തേടിയിറങ്ങിയിരുന്നു.

രാത്രികാലങ്ങളിൽ ഇരുട്ടിന്റെ മറ പറ്റിയാണ് ഭാർഗവന്റെ ഒടിവിദ്യ അരങ്ങേറിയിരുന്നത്. മുൻനിശ്ചയിക്കപ്പെട്ട ഇരയെ പതിയിരുന്ന് തലക്ക് പിന്നിൽ വടികൊണ്ട് അടിച്ച് വീഴ്ത്തും. ശേഷം ഇരയുടെ കഴുത്തിൽ വടി വെച്ച് വടിയിൽ കയറി നിന്ന് നട്ടെല്ല് പൊട്ടും വിധം വടിയിൽ ചവിട്ടും. മിക്കവാറും വീട്ട് മുറ്റത്ത് തന്നെ ആക്രമിക്കപ്പെടുന്ന ആൾ പൂമുഖത്ത് ഇഴഞ്ഞ് കയറി രക്തം ശര്ധിച്ച് മരിക്കും. യാത്രക്കാരാണെങ്കിൽ മരുന്ന് മണപ്പിച്ച് മയക്കി മരത്തിന്റെ വേരിനിടയിലോ ചില്ലകളുടെ ഇടയിലൊ തല കയറ്റി പിടലി ഒടിക്കും. ചില സമയങ്ങളിൽ മയക്കിയ ശേഷം ഉരുളൻ കല്ലോ വടിയോ മലദ്വാരത്തിനുള്ളിൽ അടിച്ച് കയറ്റും ഒരാഴ്ചക്കുള്ളിൽ ഇവർ ചോര വിസർജിച്ച് മരിക്കും.പക്ഷെ ഇതൊക്കെ ചെയ്യാൻ പിള്ളതൈലം ആവശ്യമായിരുന്നില്ല..പിള്ള തൈലം ചെവിയിൽ പുരട്ടി വേഷം മാറിയാൽ മാനും മുയലും മുതൽ പാമ്പും വ്യാളിയും വരെ ആയി മാറും ഭാർഗവൻ. മന്ത്രങ്ങൾ അറിഞ്ഞിരുന്നവരും മറു ഒടി ചെയ്തിരുന്നവരും പോലും ഭാർഗവന്റെ കയ്യിൽ നിന്ന് രക്ഷപെട്ടില്ല.

കേശവൻ നായർ വീണ്ടും പലരെയും ഒടിവെക്കാൻ ഭാർഗവനേ വരുത്തി. സ്ഥലത്തിനും അധികാരത്തിനും പെണ്ണിനും വേണ്ടി അയാൾ ഭാർഗവനെ ഉപയോഗിച്ചു.

അങ്ങനെയിരിക്കെയാണ് നാട്ടിലെ ഒരു പ്രമാണിയായ ഗോവിന്ദൻ നായരുടെ അമ്മ മരിക്കുന്നത്. കേശവൻ നായരും കാര്യസ്ഥൻ കുഞ്ചുവും കൂടി ചടങ്ങുകൾ തുടങ്ങുന്നതിനു മുന്നേ അവിടെ എത്തി. എല്ലാവരുടെയും ആദരവ് വേണ്ടുവോളം ഏറ്റുവാങ്ങി മൃതശരീരം കിടക്കുന്ന ഇറയത്തേക്ക് കയറിയപ്പോൾ ആദ്യം നോട്ടം പോയത് മൃതശരീരത്തിന് അടുത്തിരുന്ന് കരയുന്ന ഒരു പെണ്ണിലേക്കാണ്. ഗോവിന്ദൻ നായരുടെ ഇളയ മകൾ ലക്ഷ്മി. കണ്ണെടുക്കാൻ തോന്നിയില്ല അയാൾക്ക്. വിണ്ണിലെ അപ്സരസിനെ കണ്ട പ്രതീതി. കരഞ്ഞ് കലങ്ങിയ മുഖം പോലും അയാളിൽ വികാരം ഉണർത്തി. നനഞ്ഞ് ഒട്ടിയ കൺപീലികളും വിടർന്ന കണ്ണുകളും തുടുത്ത കവിൾത്തടങ്ങളും. കൊഴുത്ത ശരീര പ്രകൃതിയും ഒട്ടും ഉടഞ്ഞിട്ടില്ലാത്ത മാറിടങ്ങളും വെണ്ണ തോൽക്കും നിറവും എല്ലാമെല്ലാം അയാളിൽ ഒരു കുളിര് പകർന്നു.

ഇതാണ് പെണ്ണ്…. അയാൾ അറിയാതെ പറഞ്ഞുപോയി.

ഇല്ലത്ത് എത്തിയിട്ടും ആ സുന്ദരിയുടെ മുഖം അയാളുടെ മനസ്സിൽ നിന്ന്