രണ്ടു പിരീഡ് കഴിഞ്ഞുള്ള ഇന്റർവെൽ ടൈമിൽ ബുക്കെടുത്തു ബാഗിലേക്ക് തിരുകി തിരിഞ്ഞു കൊണ്ടു എണീറ്റതും തൊട്ടു മുൻപിൽ ഋതു..

“കഴ്ഞാ കോമെഴ്സിലേക്ക് ഒള്ള വായ്നോട്ടം?? ”

എന്ത് ചെയ്യണം എന്നറിയാതെ ഞാൻ നിൽകുമ്പോൾ എന്റെ ഹാർട്ട്ബീറ്റ് ഉയർത്തികൊണ്ട് എന്റെ അരികിൽ ഇരിക്കാനുള്ള ശ്രമത്തിലാണ് അവൾ

നിർമാല്യം 3

Nirmallyam Part 3 | Author : Pravasi

[ Previous Part ]

“അയ്ന്ന്…. ഞാന്…. അങ്ട് നോക്കാന്ന് ആരാ പർഞ്ഞെ??”

അവളെന്നെ നോക്കാതെ നിർമലിനെ നോക്കി പറഞ്ഞു..

“ഡാ ഒന്ന് മാറി രിക്ക്യോ?? ഒര് സീക്രട്ട് ചോയ്ക്ക്യാനാ..”

റിതൂനെ പോലെ ഗ്ലാമർ ഉള്ള ഒരു പെണ്ണ് റിക്വസ്റ്റ് ചെയ്താ ഏത് പയ്യനാ കേൾക്കാത്തേ.. അവൻ ആ നിമിഷം മാറി.

എനിക്കാണേൽ ഇന്നലത്തെ അവളുടെ സ്വഭാവം ഓർക്കുമ്പോൾ ചെറിയ പേടി ഒക്കെ ഉണ്ട്താനും… അത് പുറമെ കാണിക്കാതെ ഞാൻ അവൾക്കായി അല്പം സ്ഥലം ഒതുങ്ങി നീങ്ങിയപ്പോൾ അവളെന്റെ അടുത്ത് ഇരുന്നു..

“അന്ന്ട്ട്?? എന്ത് പർഞ്ഞു അഞ്ജന??”

“എന്ത്??”

“നിന്റട്ത്ത് ഉച്ചക്ക് വന്ന അഞ്ജന?? അന്നട്ട് എന്താ പർഞേന്ന്??”

“അയ്ന് നിൻക്ക് എങ്ങന്യാ മൻസിലായെ??”

“ഞാൻ കാല്ത്തെ ഇന്റർവെല്ലിന് എങ്ടാ പോയെന്നാ കര്ത്യേ?? ഞാനവ്ളോട് സംസാര്ച്ചോണ്ടാ അവ്ള് ഉച്ചക്ക് നിന്റട്ത്ത് വന്നേ.. അത് അർയാവ്ന്നോണ്ടാ നിന്നെ ഉച്ചക്ക് കൊണ്ടോവാഞ്ഞേ.. മൻസ്ലായോടാ പൊട്ടാ…”

അപ്പോൾ വിഷമം തോന്നി എങ്കിലും അവളോട് പറയാൻ അപ്പോൾ തോന്നിയത് അതല്ല….

“നീയാ… പക്ഷെ ഞാങ്കരുതീ…”

“എന്തൂറ്റ്?? നിന്നോട് പ്രേമാന്നാ??..”

അവളെന്റെ നേരെ തിരിഞ്ഞു കണ്ണിലേക്കു നോക്കിയാണ് ചോദിച്ചത്.. ആ കണ്ണുകളിൽ നോക്കാനാവാതെ എന്റെ മുഖം കുനിഞ്ഞു..

എന്റെ എല്ലാ പ്രശ്നങ്ങൾക്കും സൊല്യൂഷ്യൻ ആയി അഞ്ജന ഉണ്ടായിട്ട് കൂടി അത് കേട്ടപ്പോൾ എനിക്ക് സങ്കടമായി.. സങ്കടമായി എന്ന് പറഞ്ഞാൽ പോരാ… കണ്ണു നനയാനും മാത്രം സങ്കടം…

ഭാഗ്യം പോലെ അപ്പൊ ബെല്ലടിച്ചു.. ബെഞ്ചിലെ കുട്ടികൾ വന്നതോടെ അവളവളുടെ സീറ്റിലേക്ക് പോയി…

പക്ഷെ ആ പിരീഡ് ടീച്ചേഴ്സ് ആരും വന്നില്ല.. പകരം വീട്ടിലേക്ക് പോകാനുള്ള പെർമിഷൻ തന്നു..

പിള്ളേരൊക്കെ ഇറങ്ങാൻ നേരം ഋതു അടുത്ത് വന്നു മറ്റെന്തോ ശ്രദ്ധിക്കുന്നത് പോലെ നിന്ന് എന്നോട് മന്ത്രിച്ചു..

“പോവ്ല്ലേട്ടാ.. വേണേ ഒന്ന് ബാത്ത് റൂമീ പോണ പോലെ പോയി തിര്ച്ച് വാ..

ഞാനല്പം കൺഫ്യുസ്ഡ് ആയി ആലോചിച്ചു ഇരുന്നു.. അപ്പോളേക്കും മിക്കവാറും കുട്ടികൾ പോയി കഴിഞ്ഞു.. ആരോ വന്നു ചോദിക്കുന്നുണ്ട്…

“ഇറ്ങ്ണ്ല്യേടാ..”

“ഒന്ന് മുള്ളീട്ട് വരാടാ..”