ആളെ കണ്ടതും ഞാൻ ഞെട്ടിപ്പോയി …

ഹർഷൻ …ഇവൻ ….ഇവനെന്താ ഇവിടെ ….

അപ്രതീക്ഷിതമായുള്ള വീഴ്ചയായത് കൊണ്ട് അവന്റെ മുഖത്തും ഒരന്താളിപ്പ് ഉണ്ട് …

അറിയാതെ തന്നെ കണ്ണുകൾ പരസ്പരം കഥകൾ കൈമാറുന്നത് പോലെ …

പെട്ടെന്ന് അവന്റെ മുഖത്തെ ഭാവവ്യത്യാസം ആണ് എന്നിൽ ബോധോദയം ഉണ്ടാക്കിയത് …

എഴുന്നേറ്റു ഡ്രെസ്സൊക്കെ ശരിയാക്കി അവന്റെ മുഖത്തു എന്റെ പുച്ഛം ഞാൻ വെളിവാക്കി …

“നിനക്കെന്താടീ മുഖത്തു കണ്ണില്ലേ …?

ന്താ …ഇത്രനേരമായിട്ടും തിരുവായ തുറക്കാത്തത് എന്നാലോചിച്ചു നിൽക്കുവായിരുന്നു ഞാൻ ….

“സോറി കണ്ടില്ല ..ഇപ്പോൾ കാലിനോട് പറയാൻ പറ്റില്ലാലോ അവിടെ ഒരദ്ധ്യേഹം ഉണ്ട് ..ആ വഴി പോവണ്ട എന്നു…പറ്റിപോയി …”

” നീ എന്താ കളിയാക്കുവാ ..”

“ശെടാ …ഇപ്പോൾ അങ്ങനെ ആയി…സോറി പറഞ്ഞപ്പോൾ ഇങ്ങനെ .. .”

അപ്രദീക്ഷിതമായിട്ടാണ് പോകാൻ ഒരുങ്ങിയ എന്നെ അവൻ പിടിച്ചുവലിച്ചു അവന്റെ നെഞ്ചോട് ചേർത്തത് ..

“കളിയാക്കുവാണോടീ നീ … പുല്ലേ ….”

“എന്താ …എന്താ അവിടെ …” ശബ്ദം കേട്ട ഭാഗത്തു തിരിഞ്ഞുനോക്കുമ്പോൾ അഖിലേട്ടൻ …

“ഈശ്വരാ ……ഇവര് എന്നെയും കൊണ്ടല്ലേ പൊകൂ …”