MOONLIGHT VI (മാലാഖയുടെ കാമുകൻ) 821

“എന്റെ നാട്..”

അവൾ ആഗ്ലാദത്തോടെ ചുറ്റിനും നോക്കി.. അത്ര നേരം തന്നെ മൂടി നിന്ന സങ്കടം എല്ലാം മാറുന്നത് അവൾ അറിഞ്ഞു..

അവൾ മീനുവിന്റെ കൈ പിടിച്ച് വേഗം വീട്ടിലേക്ക് നടന്നു..

•••

“എൽവേടർ… അത് എവിടെ ആണെന്ന് അർച്ചനക്ക് അറിയാമോ..? ആ പേരു കണ്ടപ്പോൾ മീനാക്ഷിയും ട്രിനിറ്റിയും വല്ലാതെ ആയല്ലോ..?”

ജെയിംസ് ചോദിച്ചപ്പോൾ അവൾ തല കുലുക്കി.. അറിയില്ല എന്നുള്ള അർത്ഥത്തിൽ..

“ഇല്ല ജെയിംസ്.. ഞാൻ ഇതുവരെ കേട്ടിട്ടില്ല..”

ഫ്ലാറ്റിൽ എല്ലാവരും ഹാളിൽ ഇരിക്കുക ആയിരുന്നു.. മെറിനും ലിസയും അവരുടെ ഒപ്പം തന്നെ ഉണ്ട്..

“ഞാനും കേട്ടിട്ടില്ല.. പക്ഷെ ആ പെൺകുട്ടി അത്രക്ക് മുന്നറിയിപ്പ് തരണം എങ്കിൽ അത് ഒരിക്കലും ഒരു മോശ സ്ഥലം ആകില്ല.. അപകടം പിടിച്ച ഒരു സ്ഥലം ആകണം..”

മെറിൻ അത് പറഞ്ഞപ്പോൾ അവർക്ക് അത് ശരിയാണ് എന്ന് തോന്നി..

“അവിടെ പോയാൽ എങ്ങനെ ആണോ അതൊരു യുദ്ധം ആയി മാറുന്നത്.. എല്ലാത്തിനും ഉത്തരം വേണം എങ്കിൽ ലോകം മുഴുവൻ അറിവുള്ള ആരെങ്കിലും തന്നെ വേണം..”

അതും ശരിയാണ് എന്ന് അവർക്ക് തോന്നി.. ഒരുപക്ഷെ എടുത്ത തീരുമാനം തെറ്റാണോ എന്ന് വരെ അവർ ചിന്തിച്ചു പോയിരുന്നു..

അവർ എല്ലാവരും ആലോചനയോടെ ഇരുന്നു..

•••

“ഞാൻ അമ്മയുടെ മോൾ അല്ലെ..? സത്യം പറ അമ്മേ.”

ജൂഹി അത് ചോദിച്ചപ്പോൾ അവളുടെ അമ്മ മുഖം പൊത്തി കരഞ്ഞു.. അത് കണ്ടപ്പോൾ ജൂഹിക്ക് വല്ലാത്ത വിഷമം തോന്നി.. പക്ഷെ സത്യം അറിയാതെ വയ്യ..