MOONLIGHT VI (മാലാഖയുടെ കാമുകൻ) 821

ശോഭ അപാർട്മെന്റിന്റെ ബാൽക്കണിയിൽ കൂടെ ആണ് അവർ സ്പേസ് ഷിപ്പിൽ നിന്നും ഫ്ലാറ്റിലേക്ക് കയറിയത്..

രണ്ട് സ്പേസ് ഷിപ്പും അവരെ ഇറക്കിയ ശേഷം മുകളിലേക്ക് ഉയർന്നു കണ്ണിൽ നിന്നും മറഞ്ഞു..

മെറിനും ലിസയും അകത്ത് ഉണ്ടായിരുന്നു.. അവർ എല്ലാവർക്കും കുടിക്കാനും കഴിക്കാനും കൊടുത്തു..

ജൂഹി പുറത്തേക്ക് നോക്കി നിൽക്കുക ആയിരുന്നു.. അവൾക്ക് അമ്മയെ ഒന്ന് കാണണം എന്ന് തോന്നി..

“ജൂഹി..?”

പുറകിൽ നിന്നും വിളി കേട്ടപ്പോൾ ജൂഹി തിരിഞ്ഞു നോക്കി.. മീനാക്ഷി ആണ്..

“ജൂഹിക്ക് ഒരുപാട് മനസീക സമ്മർദ്ദം ഉണ്ട്.. നീ ഇപ്പോൾ ചിന്തിക്കുന്നത് നിന്റെ അമ്മയെപ്പറ്റി ആണ് അല്ലെ..? അമ്മക്ക് വിവാഹത്തിന് മുൻപേ മറ്റൊരു ബന്ധം ഉണ്ടായിരുന്നോ എന്ന് നീ ചിന്തിക്കുന്നു.. ഈ നിലയിൽ ആണെങ്കിൽ നിനക്ക് ഒന്നിലും ശ്രദ്ധിക്കാൻ കഴിയില്ല..”

മീനാക്ഷി പറഞ്ഞത് സത്യം ആണെന്ന് ജൂഹിക്ക് തോന്നി.

“ശരിയാണ്.. പോകും മുൻപേ എനിക്ക് സത്യം അറിയണം മീനാക്ഷി..”

അവൾ അത് പറഞ്ഞപ്പോൾ മീനാക്ഷി തല കുലുക്കി.

“അതിനാണ് ഞാൻ വന്നതും.. ട്രിനിറ്റി..?”

അവൾ വിളിച്ചപ്പോൾ ട്രിനിറ്റി ബാൽക്കണിയിലേക്ക് വന്നു.. അവൾ അവളുടെ കയ്യിൽ പിടിപ്പിച്ച ഉപകരണത്തിൽ ഒന്ന് അമർത്തി.. അത് ചുവപ്പ് നിറത്തിൽ ഒന്ന് മിന്നി..

“പോകാം..?”

അവൾ ജൂഹിയെ നോക്കിയപ്പോൾ അവൾ തലകുലുക്കി.

“പോയി വാ ജൂഹി..”

ജെയിംസും കൂട്ടരും അത് പറഞ്ഞപ്പോൾ ബാൽക്കണിയുടെ മുകളിൽ ഒരു ഡോർ തുറന്നു.

സ്പേസ് ഷിപ്പിന്റ അകം കാണാം.. അതിലേക്ക് ആദ്യം ജൂഹിയെ കയറ്റി ട്രിനിറ്റിയും മീനാക്ഷിയും പുറകെ കയറി..

ഡോർ അടഞ്ഞു സ്പേസ് ഷിപ് ആകാശത്തേക്ക് ഉയർന്നു.. അല്പ നേരം സഞ്ചരിച്ച സ്പേസ് ഷിപ് എവിടെയോ നിന്നപ്പോൾ ജൂഹി മീനാക്ഷിനെ നോക്കി..

“നിങ്ങൾ പോയി വാ.. ഞാൻ ഇവിടെ ഉണ്ടാകും..”

ട്രിനിറ്റി അകത്ത് നിന്നും പറഞ്ഞപ്പോൾ അവർ ഡോർ തുറന്ന് പുറത്തേക്ക് ഇറങ്ങി.. ജൂഹിക്ക് പെട്ടെന്ന് ഒരുപാട് സന്തോഷം തോന്നി.. അവളുടെ വീടിന്റെ അടുത്തുള്ള ഒരു കൊച്ച് മൈതാനത്തിൽ ആണ് അവർ.. കേരളത്തിലെ ഒരു കൊച്ച് ഗ്രാമം..