MOONLIGHT VI (മാലാഖയുടെ കാമുകൻ) 821

അത് കണ്ടതും ജെയിംസ്, ഒലിവർ, ആലിസ്, എമ്മ, ജാക്ക് എന്നിവർ ഗൺ അവർക്ക് നേരെ നീട്ടി പിടിച്ചു..

“ക്ലിക്ക് ക്ലിക്ക്…”

അവരുടെ പുറകെ വന്ന ട്രിനിറ്റിയുടെ സ്പേസ് ഷിപ്പിൽ നിന്നും പത്തോളം കുഴലുകൾ പുറത്തേക്ക് വന്നു.. അതൊക്കെ ശക്തമായ തോക്കുകൾ ആണെന്ന് അവർക്ക് മനസ്സിലായി..

“ഹലോ ലേഡീസ്..”

അയാൾ അവരെ അഭിവാദ്യം ചെയ്തപ്പോൾ ട്രിനിറ്റി അവരെ നോക്കി..

“തോക്കുകൾ വേണ്ട.. ഞങ്ങൾ ശത്രുക്കൾ അല്ല..”

അയാൾ അത് പറഞ്ഞു തന്റെ പുറകിൽ നിന്ന ആളുകൾക്ക് സിഗ്നൽ കൊടുത്തപ്പോൾ അവർ തോക്ക് താഴ്ത്തി അവിടെ നിർത്തിയ വണ്ടികളിൽ കയറി ഇരുന്നു. അയാൾ മാത്രം അവിടെ നിന്നപ്പോൾ ജെയിംസും കൂട്ടരും ഗൺ താഴ്ത്തി..

“നിങ്ങൾ അന്വേഷിക്കുന്ന ആൾ അകത്തുണ്ട്.. പക്ഷെ അവളെ കാണാതെ തിരിച്ചു പോകുന്നത് അല്ലെ നിങ്ങൾക്ക് നല്ലത്..? ഇത് ഭൂമി ആണ്.. മനുഷ്യരുടെ സ്ഥലം.. അതിൽ ഒരു കൃതിരിൻ പെണ്ണിനും എൽഫിനും എന്ത് കാര്യം..? നാസയുടെ ജോലി സ്പേസ് റിസേർച് ആണ്.. അല്ലെ ജെയിംസ്..?”

എല്ലാം അറിയുന്ന ഒരാൾ തന്നെയാണ് അതെന്ന് അവർക്ക് മനസ്സിലായി..

“നിങ്ങൾ ആരാണ്..?”

ട്രിനിറ്റി അയാളോട് ചോദിച്ചു..

“ഞാൻ ഒരു മെസ്സഞ്ചർ ആണ്..”

“ആരാണ് ഞങ്ങളെ ആക്രമിച്ചത്..? നിങ്ങൾ ഇല്ലാതെ ആക്കാൻ ശ്രമിച്ച ഇവർ ആരാണെന്ന് അറിയാഞ്ഞിട്ട് ആണോ..?”

“അവർ ആരാണെന്ന് എനിക്ക് അറിയാം..ഞാൻ ഒന്നിലും ഇല്ല.. പക്ഷെ എതിർക്കാൻ ശ്രമിച്ചാൽ നിങ്ങൾ തോറ്റു പോകും.. അത് മാത്രം പറയാൻ പറഞ്ഞു എന്നോട്..

കൂടുതൽ ഒന്നും എനിക്ക് അറിയില്ല.. ചോദിക്കുകയും ചെയ്യണ്ട..

നിങ്ങൾ മുകളിൽ എത്തിയാൽ മാത്രം ഈ വിവരം നിങ്ങളെ അറിയിച്ച ശേഷം തിരികെ പോകാൻ ഞങ്ങളോട് അവർ പറഞ്ഞു..

ഞാൻ എല്ലാത്തിന്റെയും ഇടനിലയിൽ നിൽക്കുന്ന ഒരാൾ ആണ്.. നടന്ന അക്രമവും ആയി ഇവിടെ ഉള്ള ആർക്കും ഒരു ബന്ധവും ഇല്ല.. ഞങ്ങൾക്ക് പോകാമോ..?”

അയാൾ അത് പറഞ്ഞു പോകാൻ ഉള്ള അനുവാദം ചോദിച്ചപ്പോൾ ട്രിനിറ്റി തലയാട്ടി..