MOONLIGHT VI (മാലാഖയുടെ കാമുകൻ) 821

“ഞങ്ങൾ മൂന്ന് പേർക്കും ഒരു പ്രേത്യേകത ഉണ്ട് ജെയിംസ്..”

ട്രിനിറ്റി അത് പറഞ്ഞപ്പോൾ അയാൾ സംശയത്തോടെ അവരെ നോക്കി..

“ഞങ്ങൾ മൂന്ന് പേരും ഒരാളുടെ ഭാര്യമാർ ആണ്..”

“ങേ..?”

എല്ലാവരും അതിശയിച്ചു പോയി.. അതാരാണ് എന്ന ചിന്ത അവരിൽ വന്നു..

“ഏതാ ആ ഭാഗ്യവാൻ..? നാലാമത്തെ ഭാര്യക്ക് ഒഴിവ് ഉണ്ടേൽ ആളുണ്ട് എന്ന് പറയാമോ..?”

എമ്മ ആണ് അത് പറഞ്ഞത്.. അവളുടെ ആ സംസാരം കേട്ടപ്പോൾ അവർ ചിരിച്ചു..

“അത് ഒരാൾ.. ഇപ്പോൾ ദൂരത്തു ആണ്. നമുക്ക് അധികം സമയം ഇല്ല.. മുൻപോട്ട് പോകണം.. ആയുധം ഉപയോഗിക്കാൻ അറിയുന്നവർ ആണെങ്കിൽ ഷിപ്പിൽ ഗൺസ് ഉണ്ട്.. എടുത്തോളൂ.. മുകളിൽ ചിലപ്പോൾ ആളുകൾ ഉണ്ടാകും..”

ട്രിനിറ്റി അത് പറഞ്ഞതും അവർ എല്ലാവരും ഷിപ്പിലേക്ക് ഓടി. ജൂഹി ഒഴികെ..

“മീനു.. നിനക്ക് ഒപ്പം വരാൻ പറ്റുമോ..?”

ട്രിനിറ്റി അവളെ നോക്കി ചോദിച്ചു.

“ഞാൻ വരാം..”

അപ്പോഴേക്കും അവർ എല്ലാം കൈകളിൽ ഒരു തോക്കും ആയി വന്നിരുന്നു..

“മലയുടെ മുകളിൽ ആണ് അവൾ ഉള്ളത്.. നമ്മൾ വൈകി പോയോ എന്ന് പോലും അറിയില്ല.. വരൂ.. കണ്ണുകളും ചെവികളും തുറന്ന് പിടിക്കുക.. ഒപ്പം വരൂ..”

ട്രിനിറ്റി മുൻപേ കയറിയപ്പോൾ എല്ലാവരും അവളെ അനുഗമിച്ചു.. ട്രിനിറ്റി വന്ന സ്പേസ് ഷിപ്പ് ഒരു ശബ്ദം പോലും ഇല്ലാതെ വളരെ താഴ്ന്ന് അവരെ അനുഗമിച്ചു..

അല്പ ദൂരം കയറിയപ്പോൾ തന്നെ വണ്ടികൾ ചിലത് നിരന്നു കിടക്കുന്നുണ്ടായിരുന്നു..

“നമ്മൾ വൈകി പോയെന്ന് തോന്നുന്നു..”

ട്രിനിറ്റി അത് പറഞ്ഞു വീണ്ടും മുൻപോട്ട് നടന്നതും ഒരാൾ എതിരെ വന്നു.. കറുത്ത കോട്ടും ഗ്ലാസും എല്ലാം ധരിച്ച ഒരാൾ.. അയാളുടെ പുറകിൽ തോക്കുകൾ പിടിച്ച ഒരുപാട് പേർ..