MOONLIGHT VI (മാലാഖയുടെ കാമുകൻ) 813

“പറയൂ.. എന്താണ് അഗമന ഉദ്ദേശം..?”

റാണി അവരെ നോക്കി..

“മൂൺലൈറ്റ്.. കുമാരി ഇലവൻ ലോകത്തിന് ഏറ്റവും പ്രധാനപ്പെട്ട ഒരാൾ ആണ്..
കൂടാതെ റാണിയുടെ ചുവന്ന മനുഷ്യൻ ഇപ്പോൾ ഇലവൻ ലോകത്ത് ഉണ്ട്.. അവർ ആപത്തിൽ ആണ്.. കുമാരിയെ വിട്ടു തരണം എന്ന് അപേക്ഷിക്കാൻ ആണ് ഞങ്ങൾ വന്നത്.. ഒപ്പം റാണിയുടെ ആളുകളെ അവിടെ നിന്നും പിൻവലിക്കണം എന്നും കൂടെ ഓർമിപ്പിക്കുന്നു..”

ഡിസംബർ അത് പറഞ്ഞപ്പോൾ റാണി ചിരിച്ചു..

“മറ്റൊന്നും ഇല്ലേ..?”

“ഇത് മാത്രം..”

ഡിസംബർ അത് പറഞ്ഞു മുൻപോട്ട് നോക്കിയപ്പോൾ എല്ലാവർക്കും ഹൃദയം ഇപ്പോൾ പൊട്ടി പോകും എന്ന് തോന്നി.. അത്രക്ക് സമ്മർദ്ദം..

“ഇലവൻ ലോകം ആർക്കും ഒരു ഉപദ്രവവും ചെയ്യുന്നില്ല.. ശരിയാണ്. പക്ഷെ ഇനിയുള്ള യുദ്ധങ്ങൾ നിയന്ദ്രിക്കാൻ ശക്തിയുള്ള മായജാലക്കാരികൾ വേണം..

അതിന് വേണ്ടി ഞങ്ങൾ വയലിനോട്‌ സംസാരിച്ചിരുന്നു.. പക്ഷെ അവൾ തയാറായില്ല.. അപ്പോൾ ഇത് മാത്രമേ മാർഗ്ഗം ഉണ്ടായിരുന്നുള്ളു.. അതിൽ ഇനി ഒരു മാറ്റം വരില്ല.. പിന്നെ എന്റെ ചുവന്ന മനുഷ്യരെ പിൻവലിച്ചാലും കാര്യം ഒന്നും ഇല്ല.. ഇലവൻ യുവതികളെ എല്ലാം ഉടനെ കൊണ്ടുപോകും.. അടിമകൾ ആക്കി യുദ്ധത്തിൽ ഇറക്കാൻ ആണ് തീരുമാനം..”

ആർമെഡ അത് പറഞ്ഞപ്പോൾ ഡിസംബർ അവളെ സംശയ രൂപത്തിൽ നോക്കി.

“ഡിസംബർ.. ലോകത്തിലെ എല്ലാവരും ബഹുമാനിക്കുന്ന ഒരു എയ്ഞ്ചൽ ആണ് നീ.. അത് കൊണ്ട് ഞാൻ സത്യം പറയാം..”

അവൾ ഒന്ന് നിർത്തി..