MOONLIGHT VI (മാലാഖയുടെ കാമുകൻ) 813

എല്ലാവരും പിടിച്ച് നിന്നു..

അഘാതമായ കൊക്കയുടെ മുകളിൽ കൂടെ ശക്തമായ കാറ്റിൽ പാലം ആടി ഉലഞ്ഞു അവരെയും കൊണ്ട് മുൻപോട്ട് പൊയ്ക്കൊണ്ടിരുന്നു..

കനത്ത ഇരുട്ടിൽ കൂടെ മുൻപോട്ട് പോയ പാലം എവിടെയോ പോയി ഇടിച്ചു നിന്നപ്പോൾ ആദ്യം ഡിസംബർ മുൻപിലേക്ക് ഇറങ്ങി അവളുടെ വാൾ നീട്ടി പിടിച്ചു.. മുൻപിൽ വലിയ ഒരു പാറകെട്ട്. അതിന്റെ ഇടയിൽ വലിയ ഒരു ഗേറ്റ്.. ഒരുപാട് വലിപ്പം ഉണ്ട് അതിന്..

ഡിസംബറിന്റെ തോളിൽ ഇപ്പോൾ വില്ല് കാണുന്നില്ലല്ലോ എന്ന് ജൂഹി ഓർത്തു.. അവൾ അത് ഓർത്തതും ഡിസംബർ എന്ന എയ്ഞ്ജലിന് അത് ആവശ്യം വരുമ്പോൾ കയ്യിൽ വരും എന്നുള്ള ഉത്തരം അവൾക്ക് കിട്ടി..

അവൾ അത്ഭുതപ്പെട്ടു.. തനിക്ക് എന്തൊക്കെയോ പ്രെത്യകതകൾ ഉണ്ടെന്ന് അവൾ വിശ്വസിക്കാൻ തുടങ്ങിയിരുന്നു.. ശരിയാണ്.. താൻ ഒരു എൽഫ് ആണ്.. ഒരു ഹാഫ് ബ്രീഡ് ഇലവൻ..

“എന്താണ് ആഗമന ഉദ്ദേശം.. വെളുത്ത ചിറകുള്ളവൾക്ക് മറുപടി പറയാം..”

ഒരു കനമുള്ള സ്വരം കേട്ടപ്പോൾ കൂട്ടത്തിലെ മനുഷ്യർ എല്ലാവരും ഒന്ന് കിടുങ്ങി.. ആലോചനയോടെ നിന്ന ജൂഹി ഗേറ്റിലേക്ക് നോക്കി.. ആരെയും കാണാൻ ഇല്ല..

“ക്വീൻ ആർമെഡയെ കാണണം.. ഒരു സന്ധി സംഭാഷണത്തിന് വന്നതാണ് ഞങ്ങൾ..”

ഡിസംബർ മറുപടി കൊടുത്തു..

“കടന്നു വരൂ..”

അവരുടെ മുൻപിൽ ഗേറ്റ് തുറന്നപ്പോൾ ഇരുട്ട് മാറി പകരം വെളിച്ചം വന്നു.. ഇളം പച്ച പുല്ലുകൾ നിറഞ്ഞ ഒരിടം.. അവർ അകത്തേക്ക് കയറിയപ്പോൾ ഇരു വശത്തും വാൾ പിടിച്ചു നിൽക്കുന്ന വലിയ ചുവന്ന മനുഷ്യർ..

“ഇവരെ അല്ലെ നമ്മൾ എൽവിഷ് ലോകത്ത് കണ്ടത്..?”