MOONLIGHT VI (മാലാഖയുടെ കാമുകൻ) 821

“വുശ്ഷ്..”

വല്ലാത്തൊരു ശബ്ദത്തോടെ അവൾ ആ അസ്ത്രം ദൂരേക്ക് അയച്ചപ്പോൾ അത് ഇരുട്ടിനെ കീറി മുറിച്ചു ദൂരേക്ക് പോകുന്നത് അവർ കണ്ടു..

അസ്ത്രം ചീറി പാഞ്ഞു ചെന്ന് എവിടെയോ തറച്ചത് കൊണ്ടാകാം ദൂരെ വല്ലാത്ത ഒരു സ്വർണ വെളിച്ചം തെളിഞ്ഞത് അവർ കണ്ടു..

അല്പം കഴിഞ്ഞപ്പോൾ എന്തോ മരങ്ങൾ ഉരയുന്ന സ്വരം കേട്ട് തുടങ്ങി.. അത് അടുത്ത് അടുത്ത് വരുന്നു.. ജൂഹിയും എമ്മയും ആലിസും കൈകൾ മുറുക്കെ പിടിച്ച് നിന്നു..

മീനാക്ഷി ഡിസംബറിന്റെ പുറകിൽ നിന്നു.. അതിന് പുറകിൽ മെറിനും ലിസയും. ഏറ്റവും പുറകിൽ ട്രിനിറ്റി…

ശബ്ദം അടുത്ത് വന്നതും ഡിസംബർ അവളുടെ പുറകിൽ നിന്നും വെട്ടി തിളങ്ങുന്ന വലിയ വാൾ വലിച്ചു എടുത്തു.

അത് വജ്രാ ശോഭയിൽ തിളങ്ങാൻ തുടങ്ങി.. അവൾ അത് നീട്ടി പിടിച്ചു..

അപ്പോൾ അവർ കണ്ടു.. മുൻപിൽ ഒരു തൂക്ക് പാലം അടുത്ത് വരുന്നു.. അത് അവർ നിന്ന ഭാഗത്ത് വന്നു പാറയിൽ തട്ടി നിന്നു.. അത് കാറ്റിൽ ആടുന്നുണ്ടായിരുന്നു.. മരം ഉരയുന്ന വല്ലാത്ത ഒരു ശബ്ദവും..

“ഇതിലേക്ക് കാൽ എടുത്ത് വച്ചാൽ പിന്നെ ഒരു മടക്കം ഇല്ല.. ഇപ്പോൾ തീരുമാനിക്കാം.. പോകണോ അതോ വേണ്ടയോ..?”

ഡിസംബർ വളരെ ശാന്തമായിട്ട് ആണ് എല്ലാവരോടും കൂടെ അത് ചോദിച്ചത്..

“പോകണം..”

ആർക്കും ആലോചിക്കേണ്ടി വന്നില്ല…

അത് കേട്ടതും ആദ്യം ഡിസംബർ കയറി.. പിന്നെ മീനാക്ഷി.. ജൂഹി, ജെയിംസ്, എമ്മ, ആലിസ്, ഒലിവർ, ജാക്ക്, മെറിൻ, ലിസ..

ഏറ്റവും അവസാനം ട്രിനിറ്റി..

അവൾ കൂടെ കയറിയതും പാലം എവിടേക്കോ അവരെയും കൊണ്ട് നീങ്ങി.. അവർക്ക് നടക്കേണ്ടി വന്നില്ല.. പകരം പാലം മുൻപോട്ട് പോകുന്നു..