MOONLIGHT VI (മാലാഖയുടെ കാമുകൻ) 821

“ബും..”

നിമിഷ നേരം കൊണ്ടാണ് അയാൾ വല്ലാത്തൊരു ശബ്ദത്തോടെ പൊട്ടി ചിതറി നൂറ് ഭാഗങ്ങൾ ആയി വീണത്.. അയാളുടെ കയ്യിൽ ഇരുന്ന അസ്ത്രങ്ങളും വില്ലും എല്ലാം ചിതറി നിലത്ത് വീണു..

അത് നോക്കി നിന്ന എല്ലാവരും ഞെട്ടി മുകളിലേക്ക് നോക്കി..

മുകളിൽ മറ്റൊരു മെയ് വൂൺ സ്പേസ് ഷിപ്പ്.. അതിന്റെ രൂപം വേറെയാണ് എന്ന് ജെയിംസ് ശ്രദ്ധിച്ചു..

“അതാരാ..”

ആലിസ് അത്ഭുധത്തോടെ മുകളിലേക്ക് നോക്കി ചോദിച്ചപ്പോൾ അത് അവരുടെ തൊട്ട് മുകളിലേക്ക് വന്നു. അതിന് ഒരു ചെറിയ ശബ്ദം പോലും ഇല്ലായിരുന്നു..

അതിന്റെ ഡോർ തുറന്ന് അതിൽ നിന്നും നിലത്തേക്ക് എടുത്ത് ചാടി അവരുടെ നടുക്ക് വന്നു നിന്നു.. അവരുടെ കണ്ണുകൾ ഒന്ന് വിടർന്നു..

“ട്രിനിറ്റി…”

അർച്ചനയും മീനാക്ഷിയും സന്തോഷത്തോടെ വിളിച്ചു.. അവൾ ആദ്യം ജൂഹിയെ ആണ് നോക്കിയത്…

“ഇപ്പോൾ നിനക്ക് അറിയാം നീയരാണ് എന്ന്.. അല്ലെ ജൂഹി..?”

ട്രിനിറ്റി അത് പറഞ്ഞപ്പോൾ ആണ് അവൾ അത് ആലോജിച്ചത്.. അവൾ അപ്പോഴും എന്തോ ഒരു മയക്കത്തിൽ പോലെ ആയിരുന്നു.

“ഞാൻ ഒന്നും ചെയ്തില്ല.. കൈ നീട്ടിയെ ഉള്ളു..”

“അതാണ് ഒരു എൽഫിന്റെ പ്രേത്യേകത ജൂഹി.. മീനാക്ഷി.. അർച്ചന..? നിങ്ങൾക്ക് കുഴപ്പം ഒന്നും ഇല്ലല്ലോ..?”

ട്രിനിറ്റി അവരെ ചേർത്ത് പിടിച്ചപ്പോൾ അവർ തലകുലുക്കി.

“അപ്പോൾ പോയില്ലായിരുന്നു അല്ലെ..? ഞങ്ങൾ വിചാരിച്ചു പോയെന്ന്..”

ഒലിവർ ട്രിനിറ്റിയെ നോക്കി പറഞ്ഞപ്പോൾ അവൾ പുഞ്ചിരിച്ചു..

“പോകേണ്ടത് ആണ്.. പക്ഷെ.. പോയില്ല..”

“നിങ്ങൾക്ക് എല്ലാം പരസ്പരം അറിയാമോ..?”

ജെയിംസ് അതിശയത്തോടെ മീനാക്ഷിയും അർച്ചനയും ട്രിനിറ്റിയുടെ കൈകൾ പിടിച്ച് നിൽക്കുന്നത് നോക്കി ചോദിച്ചു…