MOONLIGHT VI (മാലാഖയുടെ കാമുകൻ) 821

മെറിൻ അത് പറഞ്ഞപ്പോൾ ഡിസംബർ തല കുലുക്കി..

“തൽക്കാലം നമ്മൾ പോകുന്നത് ആരും അറിയില്ല.. ഓർക്കിഡ് വരുമോ എന്ന് അറിയില്ല.. എന്നാലും നമ്മൾ ജീവൻ വെടിഞ്ഞും ശ്രമിക്കും. എൽവിഷ് ലോകം അത്രക്ക് പ്രധാനപ്പെട്ടത് ആണ്.. ഞാൻ സമയം ആകുമ്പോൾ വരാം..”

ഡിസംബർ അത് പറഞ്ഞു ബാൽക്കണിയിലേക്ക് നടന്നു.. ചിറകുകൾ അടിക്കുന്ന ശബ്ദം അകന്ന് പോയി..

“എല്ലാവരും ഒന്ന് വിശ്രമിച്ചോളൂ.. ഒരു കാര്യം ചെയ്യാം. അനാബെൽ നമ്മുടെ ഒപ്പം വരണ്ട.. അവൾ അർച്ചനയുടെ കൂടെ നിൽക്കട്ടെ.. അതല്ലേ ട്രിനിറ്റി നല്ലത്..?”

മെറിൻ പറഞ്ഞത് നല്ലൊരു ആശയം ആണെന്ന് അവർക്ക് തോന്നി.. എല്ലാവരും അതിനോട് യോജിച്ചു..

“നിനക്ക് ഒരു അഭിപ്രായവും ഇല്ലേ..?”

മെറിൻ ലിസയെ നോക്കി..

“ഡൈ ഹാർഡ് ഓർ ലിവ് ഫ്രീ ബെബ്..”

അവൾ അത് പറഞ്ഞപ്പോൾ എല്ലാവരും ചിരിച്ചു.. അതാണ്‌ ലിസ.. എന്തിനും തയാറാണ്..

•••

രാത്രി ആയപ്പോൾ ജെയിംസും കൂട്ടരും കുളിച്ച് തയാറായി.. അവർ 12 മണി ആയപ്പോൾ അവർ അടുത്ത ഫ്ലാറ്റിലേക്ക് ചെന്നു..

“വാ ജെയിംസ്..”

ലിസ അവരെ അകത്തേക്ക് കയറ്റി.. കതക് അടച്ചു.. എല്ലാവരും തയാറായി നിന്നിരുന്നു..

“ഇപ്പോൾ ധരിച്ച വേഷം മാറി ഇത് ധരിക്കുക ജെയിംസ്..”

ലിസ എല്ലാവർക്കും കറുത്ത ഒരു വേഷം കൊടുത്തു.. ശരീരത്തിനോട് ചേർന്ന് കിടക്കുന്ന ഒരു തരം വേഷം.. അവർ അത് ഇട്ടു വന്നു..

“അതിന്റെ മുകളിൽ ഇതുകൂടെ..”

ട്രിനിറ്റി എല്ലാവർക്കും കറുത്ത ഒരു വേസ്റ്റ് എടുത്ത് കൊടുത്തു..