MOONLIGHT VI (മാലാഖയുടെ കാമുകൻ) 821

അത് കൊണ്ട് നമ്മൾ അവരുടെ അനുവാദത്തോടെ അവിടേക്ക് കടക്കുന്നു.. അവരോട് മൂൺലൈറ്റിനെ മോചിപ്പിക്കാൻ പറയുന്നു.. പകരം എന്തെങ്കിലും അവർ ചോദിക്കും.. പറ്റുന്നത് ആണെങ്കിൽ കൊടുക്കുന്നു.. അല്ലെങ്കിൽ..”

ഡിസംബർ ഒന്ന് നിർത്തി..

“അല്ലെങ്കിൽ…?”

“യുദ്ധം.. അതല്ലാതെ വേറെ വഴി ഇല്ല..”

ഡിസംബർ പുഞ്ചിരിയോടെ ആണ് അത് പറഞ്ഞത് എങ്കിലും മരണം എന്നാണ് അവൾ പറഞ്ഞത് എന്ന് അവർക്ക് മനസ്സിലായി..

“എപ്പോഴാണ് നമ്മൾ പോകേണ്ടത്..?”

ജെയിംസ് ഡിസംബറിനെ നോക്കി..

“ഇന്ന് രാത്രി.. ഇതിൽ എത്ര പേർ വേണം എന്നുള്ളത് ആദ്യം തീരുമാനിക്കും.. എന്തായാലും അർച്ചനയുടെ ജീവൻ ഞാൻ ആപത്തിൽ പെടുത്താൻ ഉദ്ദേശിക്കുന്നില്ല..”

ഡിസംബർ അത് പറഞ്ഞപ്പോൾ അവളുടെ മുഖത്ത് ഒരു നിരാശ വന്നു.

“എന്നെ എവിടെയും കൊണ്ടുപോവില്ല..”

“അയ്യടാ.. ഇത് ഊട്ടിയിലേക്ക് ടൂർ പോകുന്നത് അല്ല കൊച്ചേ.. റോഷു തിരിച്ചു വരുമ്പോൾ നീ ഇവിടെ വേണം.. ഒരുപക്ഷെ ഞങ്ങൾ ഇല്ല എങ്കിലും..”

മീനാക്ഷി അവൾക്ക് മറുപടി കൊടുത്തപ്പോൾ അവൾ ഒന്ന് ചുണ്ട് കോട്ടി കാണിച്ചത് കണ്ടു ജെയിംസ് അവരുടെ ടീമിലെ പെണ്ണുങ്ങളെ നോക്കി. അതൊക്കെ കണ്ട് അവർ പുഞ്ചിരിയോടെ ഇരിക്കുക ആയിരുന്നു..

“ഈ റോഷു..? അയാൾ ആണോ നേരത്തെ പറഞ്ഞ..?”

ഒലിവർ ചോദിച്ചപ്പോൾ ഡിസംബർ തലയാട്ടി.

“സൂപ്പർമാൻ പോലെ ഒക്കെ ആണോ അയാൾ..?”

എമ്മ പെട്ടെന്ന് അത് ചോദിച്ചപ്പോൾ എല്ലാവർക്കും ചിരി വന്നു..

“സൂപ്പർമാൻ ഒന്നും അല്ല.. ഒരു പാവം മനുഷ്യൻ.. പക്ഷെ ഉള്ളിൽ ഓടുന്നത് കൃതിരിൻ രക്തം ആണ്..”

മീനു അത് പറഞ്ഞപ്പോൾ അവർക്ക് സത്യത്തിൽ അതൊന്നും മനസ്സിലായില്ല.

“ട്രിനിറ്റി ആണ് റോഷുവിനെ ഇങ്ങനെ ആക്കിയത്.. സത്യത്തിൽ ട്രിനിറ്റി അന്ന് റോഷുവിനെ പറഞ്ഞു പ്രതീക്ഷ കൊടുത്ത് അവരുടെ ശക്തി അടങ്ങിയ മരുന്ന് ബലമായി തന്നെ കൊടുത്തിട്ട് അവൾ അവിടെ നിന്നും പോയിരുന്നു.. കാരണം റോഷു മരിക്കും എന്ന് നൂറ് ശതമാനം അവൾക്ക് ഉറപ്പ് ആയിരുന്നു.. പക്ഷെ ആ മരുന്ന് അവന്റെ ശരീരം സ്വീകരിക്കുകയും അവൻ ജീവനോടെ എഴുന്നേൽക്കുകയും ചെയ്തു.. അന്ന് മാറിയതാണ് ഒരുപാട് പേരുടെ ജീവിതം..”

മീനാക്ഷി അത് കൂടെ കൂട്ടി ചേർത്തപ്പോൾ ട്രിനിറ്റി പുഞ്ചിരിച്ചു..

“സത്യമാണ് അവൾ പറഞ്ഞത്.. അവന് ഇവൾ മരിക്കരുത് എന്നുള്ള ചിന്ത ആകാം ജീവനോടെ വന്നത്.. എന്തായാലും…