MOONLIGHT VI (മാലാഖയുടെ കാമുകൻ) 821

“എൽവേടർ… അതി ശക്തമായ ഒരിടം ആണ് എൽവേടർ.. ഒന്നര ആൾ പൊക്കം ഉള്ള ചുവന്ന മനുഷ്യർ ജീവിക്കുന്ന ഇടം.. അവിടെ അവരെ ഭരിക്കുന്ന മറ്റു ശക്തികളും ഉണ്ട്..

അവിടെ ആണ് അവർ അവളെ തളച്ചിരിക്കുന്നത്.. ഭൂമിയിൽ കൂടെയാണ് അവിടേക്ക് ഉള്ള വഴി.. പക്ഷെ നമ്മൾ വിചാരിക്കുന്നത് പോലെ എളുപ്പം ആകില്ല നമ്മൾ പോയാൽ ഉണ്ടാകുന്ന യുദ്ധം..”

ഡിസംബർ പറഞ്ഞു നിർത്തിപ്പോൾ എല്ലാവരിലും ഒരു ഭയം വന്നിരുന്നു..

“അവിടെ ഭരിക്കുന്നത് ആരാണ്..”

അത് കേട്ടപ്പോൾ ഡിസംബർ ഒന്ന് പുഞ്ചിരിച്ചു..

“ക്വീൻ ആർമേഡ.. അവൾ ആണ് നിലവിൽ അവിടം ഭരിക്കുന്നത്. കണ്ടാൽ മനുഷ്യ രൂപം ആണെങ്കിലും അവൾ മനുഷ്യൻ അല്ല. വ്യാതി എന്നറിയപ്പെടുന്ന ഗ്രഹത്തിലെ അവസാന കണ്ണികളിൽ ഒരുവൾ ആണ് അവൾ.. അവളുടെ ശക്തിക്ക് മുൻപിൽ നമ്മൾ ആരും നിൽക്കില്ല..”

ഡിസംബർ അത് പറഞ്ഞപ്പോൾ പിന്നെ എങ്ങനെ കാര്യങ്ങൾ നടക്കും എന്നുള്ള ചിന്ത അവരിൽ വന്നു..

“അവൾക്ക് ഒരു വീക്നെസ് ഉണ്ടാകില്ലേ..?”

മെറിൻ സംശയത്തോടെ ചോദിച്ചു..

“ഉണ്ട്.. മായാജാലം..”

അത് കേട്ടപ്പോൾ എല്ലാവരും ജൂഹിയെ ആണ് നോക്കിയത്.. അവൾ പതറി..

“എനിക്ക് ഒന്നും അറിയില്ല..”

അവൾ കൈ മലർത്തി..

“ജൂഹി എങ്ങനെ ആണ് മീനാക്ഷിക്ക് നേരെ വന്ന അസ്ത്രം തടുത്തത്..?”

ട്രിനിറ്റി ആണ് അത് ചോദിച്ചത്..

“എനിക്ക് അറിയില്ല.. കൈ നീട്ടിയപ്പോൾ അത് തന്നെ നിന്നത് ആണ്..”

അവളുടെ മുഖത്തു ആകുലത വന്നു..

“ജൂഹിയെ ഇപ്പോൾ ആരും നോക്കണ്ട..

നേരിട്ട് ഒരു യുദ്ധം നമ്മൾ ജയിക്കില്ല.. നമുക്ക് ആൾ ബലം നിലവിൽ ഇല്ല.. ബുദ്ധിപൂർവ്വം പ്രവർത്തിക്കണം..