MOONLIGHT VI (മാലാഖയുടെ കാമുകൻ) 821

അപ്പോഴേക്കും ജൂഹി പുറത്തേക്ക് ഇറങ്ങി വന്നിരുന്നു..

“ഞാൻ ഇപ്പോൾ ഓക്കേ ആണ്..”

ജൂഹി പുഞ്ചിരിയോടെ അത് പറഞ്ഞപ്പോൾ മീനാക്ഷി പുഞ്ചിരിയോടെ അവളെ ചേർത്തു പിടിച്ചു..

ട്രിനിറ്റി പേടകം താഴെ ഇറക്കിയിരുന്നു.. അവർ അതിൽ കയറി.. അത് മുകളിലേക്ക് ഉയർന്ന് ശോഭയിലേക്ക് പറന്നു..

ശോഭയുടെ ബാൽക്കണിയിലേക്ക് ഇറങ്ങിയപ്പോൾ അവിടെ അവരെ കാത്ത് നിന്ന ആളെ കണ്ടപ്പോൾ അവർക്ക് അത്ഭുതം തോന്നി..

“ഡിസംബർ…!”

മീനു ഓടി ചെന്ന് അവളെ കെട്ടിപിടിച്ചു നിന്നു.. ട്രിനിറ്റിയും ചെന്ന് അവളോട് കുശലം പറഞ്ഞപ്പോൾ ജൂഹി പരിഭ്രമിച്ചു നോക്കി നിൽക്കുക ആയിരുന്നു.. അവൾക്ക് അതാരാണ് എന്ന് മനസ്സിലായില്ല.

“അപ്പോൾ ഇതാണ് നമ്മുടെ ഹാഫ് ബ്ലഡ്‌ എൽഫ്.. ഞാൻ ഡിസംബർ…”

ഡിസംബർ അവളുടെ അടുത്തേക്ക് ചെന്ന് പരിചയപ്പെടുത്തി..

“നല്ല പേര് ആണ്.. സുന്ദരി.. എന്തായാലും മനുഷ്യ സ്ത്രീ അല്ല എന്നുറപ്പാണ്..”

ജൂഹി അത് പറഞ്ഞപ്പോൾ അവൾ ചിരിച്ചു..അവളുടെ കൈ പിടിച്ചപ്പോൾ അവൾ ചിറക് വിരിച്ചു നിൽക്കുന്ന രൂപം ജൂഹിയുടെ മനസ്സിൽ തെളിഞ്ഞു.. അവൾക്ക് അതിശയം തോന്നി..

“വാ.. കുറച്ചു കാര്യങ്ങൾ പറയാൻ ഉണ്ട്..”

ഡിസംബർ അവളെ വിളിച്ചു അകത്തേക്ക് കയറി.. എല്ലാവരും അവിടെ ഉണ്ടായിരുന്നു.

“ജൂഹി.. യു ഓക്കേ നൗ..?”

അവളെ കണ്ടപ്പോൾ ആലിസും എമ്മയും അവളുടെ ചുറ്റിനും കൂടി..

“ഞാൻ ഓക്കേ ആണ്.. എന്റെ അമ്മയല്ല എന്നെ പ്രസവിച്ചത്.. അമ്മയുടെ സഹോദരി ആണ്.. അവർ ജീവനോടെ ഇല്ല..”

ജൂഹി അത് പറഞ്ഞപ്പോൾ എല്ലാവർക്കും അതിശയം തോന്നി.