MOONLIGHT VI (മാലാഖയുടെ കാമുകൻ) 821

“നിന്നെപ്പോലെ ആയിരുന്നു അവൾ.. എപ്പോഴും സ്പേസ് റിസർച്ച് എന്ന് പറഞ്ഞു നടക്കും.. കാണാൻ അതി സുന്ദരി.. ഒരിക്കൽ അവൾ ആരെയോ കണ്ടുമുട്ടി ഭൂമിയിലെ പല ചരിത്രവും തിരുത്തേണ്ടി വരും എന്നൊക്കെ അവൾ എന്നോട് പറഞ്ഞു.. ഞാൻ അത് കാര്യം ആക്കിയില്ല..

എന്റെ വിവാഹം കഴിഞ്ഞ ഇടക്ക് ആണ് അവൾ ഒരുപാട് നാളിന് വീട്ടിലേക്ക് വന്നത്.. അന്ന് അവൾ ഏഴ് മാസം പ്രെഗ്നന്റ് ആയിരുന്നു.. ഒരാളെ പ്രണയിച്ചിരുന്നു എന്നും അയാൾ പോയി എന്നും പറഞ്ഞാണ് വന്നത്.. എന്നെങ്കിലും അയാൾ തിരികെ വരും എന്നും അവൾ പറഞ്ഞിരുന്നു.. പ്രസവത്തോടെ അവൾ മരിച്ചപ്പോൾ ഞാൻ ആണ് നിന്നെ എടുത്തത്.. അന്ന് മുതൽ നീ എന്റെ കുട്ടി ആണ്.. ഇനി അല്ല എന്ന് പറയരുത്.. ഒരുപാട് തവണ ഞാൻ നിന്നോട് ഇത് പറയാൻ വന്നതാണ് പക്ഷെ നീ എന്നെ വിട്ടു പോയാലോ എന്ന് ആലോചിച്ചിട്ട് ആണ് മോളെ..”

അത് പറഞ്ഞു പൊട്ടി കരഞ്ഞ അമ്മയെ അവൾ ചേർത്തു പിടിച്ച് ഉമ്മ വച്ചു..

“എന്റെ അമ്മ അമ്മ തന്നെയാണ്.. ഒരു മാറ്റവും ഇല്ല.. അറിയാൻ വേണ്ടി മാത്രം ആണ് ചോദിച്ചത്.. ലവ് യു മോം.. അപ്പോൾ എന്റെ പിതാവിനെ പറ്റി ഒന്നും പറഞ്ഞില്ലേ..?”

“ഇല്ല മോളെ.. ഒരുപാട് ചോദിച്ചിട്ടും അത് ആരാണെന്നോ എങ്ങനെ ആണെന്നോ അവൾ പറഞ്ഞിട്ടില്ല.. ഒറ്റക്ക് ഇരുന്ന് സംസാരിക്കുന്നത് വരെ കണ്ടിട്ടുണ്ട്.. വേറെ വിവരം ഒന്നും ഇല്ല.. കൂടുതൽ ഒന്നും ചോദിക്കരുത് മോളെ..”

“ഇല്ല അമ്മേ.. ഇട്സ് ഓക്കേ.. എന്റെ അമ്മ ഈ അമ്മ തന്നെയാണ്..”

അവൾ അവരെ കെട്ടിപിടിച്ച് കരയുന്നത് കണ്ടപ്പോൾ മീനാക്ഷി പുറത്തേക്ക് ഇറങ്ങി. ഇനി ജൂഹിക്ക് അവളുടെ ശക്തികളിൽ ശ്രദ്ധിക്കാൻ കഴിയും എന്ന് അവൾക്ക് തോന്നി..