MOONLIGHT V (മാലാഖയുടെ കാമുകൻ) 953

“നിങ്ങൾ കാലുകൾ നന്നായി തിരുമ്മി കൊടുക്ക്.. ആർച്ചു ഇവളുടെ ചെവി ഒന്ന് അടച്ചു വച്ചേ..”

മീനാക്ഷി അവളുടെ കൈകൾ ഒന്ന് തിരുമ്മി.. അതിന് ശേഷം കണ്ണുകൾ അടച്ചു അവളുടെ അധരം വഴി അകത്തേക്ക് ഊതി..

തന്നിൽ നിന്നും ചൂട് അവളിലേക്ക് പോകുന്നത് മീനു അറിയുന്നുണ്ടായിരുന്നു.. രണ്ടോ മൂന്നോ തവണ അവൾ അത് ചെയ്തപ്പോൾ ഒരു അലർച്ചയോടെ അവൾ എഴുന്നേറ്റ് ഇരുന്നപ്പോൾ മറ്റു യുവതികൾ രണ്ടുപേരും അവളെ കെട്ടിപിടിച്ചു കരഞ്ഞു..

“ഇതാരാ..?”

അവൾ പകപ്പോടെ മീനാക്ഷിയെ നോക്കി. മൂന്ന് പേരും നല്ല സുന്ദരികൾ ആണല്ലോ എന്ന് മീനാക്ഷി ഓർത്തു..

“അറിയില്ല.. പക്ഷെ ഇവർ ഇല്ലായിരുന്നു എങ്കിൽ.. നീ മരിച്ചു എന്ന് വിചാരിച്ചു..”

“അതിന് ഞാൻ ഒന്നും ചെയ്തില്ല.. ദേഹം ചൂടാക്കി എന്ന് മാത്രം..”

അതിൽ ഒരാൾ കരഞ്ഞുകൊണ്ട് അത് പറഞ്ഞപ്പോൾ മറുപടി കൊടുത്തു മീനാക്ഷി എഴുന്നേറ്റു.. അർച്ചന അവരോട് സംസാരിച്ചപ്പോൾ വണ്ടിക്ക് എന്തോ ഇഷ്യൂ ആയി അത് നോക്കുമ്പോൾ വെള്ളത്തിൽ വീണത് ആണെന്ന് അവർ പറഞ്ഞത് മീനാക്ഷി കേട്ടു..

“ഈ വണ്ടിക്ക് എന്താ കുഴപ്പം..?”

അവൾ വെള്ളത്തിൽ ഇറങ്ങി നടന്ന് ചെന്ന് ആ വണ്ടിയുടെ ബോണറ്റ് തുറന്ന് നോക്കി.. ബാറ്ററി പോയി എന്ന് അവർക്ക് തോന്നി.. അവൾ ഒരു വയറിൽ കൈ വച്ചു.. അവളുടെ കയ്യിൽ നിന്നും ഒരു സ്പർക്ക് അതിലേക്ക് കയറിയപ്പോൾ അവൾ ബോണറ്റ് അടച്ചു വണ്ടിയിൽ കയറി അത് സ്റ്റാർട്ട്‌ ആക്കി ഓടിച്ചു കൊണ്ടുവന്നു കരയിൽ കയറ്റി നിർത്തി..

“ഓക്കേ ആണ്.. ബാറ്ററി ഒന്ന് മാറ്റേണ്ടി വരും.. കാണിക്കാൻ മറക്കണ്ട..”

മീനാക്ഷി അതും പറഞ്ഞു വണ്ടിയിൽ നിന്നും ഇറങ്ങി.. അവർ യാത്ര വന്നതാണ് എന്നൊക്കെ അർച്ചന ചോദിച്ചു മനസ്സിലാക്കി. കുറച്ചു നേരം സംസാരിച്ച ശേഷം അവർ വണ്ടിയിൽ കയറി ഒരു ഫ്ലാസ്കിൽ ഉള്ള ചൂട് വെള്ളം കൂടെ അവർക്ക് കൊടുത്ത ശേഷം മീനാക്ഷി തന്നെ വണ്ടി മുൻപോട്ട് എടുത്തു..

“നല്ല സുന്ദരി കുട്ടികൾ അല്ലെ..?”

മീനു അർച്ചനയെ നോക്കി..

“അതെ.. ഞാൻ അത് ആലോചിക്കാതെ ഇരുന്നില്ല.. ഇവരെ കണ്ടാൽ മറ്റു ലോകത്തെ ആണുങ്ങൾ നോട്ടം ഇടും കേട്ടോ..”

അവൾ അത് പറഞ്ഞപ്പോൾ അർച്ചന ചിരിച്ചു…