MOONLIGHT V (മാലാഖയുടെ കാമുകൻ) 953

“എന്നാൽ ഞങ്ങൾ തയ്യാർ..”

അവൾ അത് കേട്ടപ്പോൾ ചിരിച്ചു..

“ഒരു സംശയം ചോദിക്കട്ടെ..? ജൂഹിയുടെ ശബ്ദം ഈ പേടകം അനുസരിക്കുന്നുണ്ട്.. അതിന് കാരണം എന്താ..?”

ജെയിംസ് അവളെ നോക്കി ചോദിച്ചു..

“ഈ ഷിപ് രൂപകല്പ്പന ചെയ്തത് എൽവിഷ് കുമാരി മൂൺലൈറ്റിന് വേണ്ടിയാണ്.. മറ്റു ഇലവനുകൾക്കും ഇത് നിയന്ദ്രിക്കാൻ പറ്റും.. ജൂഹിക്ക് ഒരു പ്രേത്യേകത ഉള്ളത് കൊണ്ടാണ് അവളുടെ സ്വരം ഈ ഷിപ് സ്വീകരിച്ചത്..”

അവൾ അത് പറഞ്ഞപ്പോൾ എല്ലാവരും അമ്പരന്ന് ജൂഹിയെ നോക്കി. ജൂഹിയും അതിശയത്തോടെ അവളെ തന്നെ നോക്കി..

“അതെന്താ..? ജൂഹിക്ക്..? എന്ത് പ്രേത്യേകത..??”

എല്ലാവരും ഒരുമിച്ചാണ് ചോദിച്ചത്.. അവൾ ഒന്ന് ചിരിച്ചു..

“ജൂഹി ഒരു ഹാഫ് ബ്രീഡ് എൽഫ് ആണ്..”

“വാട്ട്‌..?????”

അത് കേട്ടതും എല്ലാവരുടെയും ഹൃദയം ഒരു നിമിഷം നിലച്ചത് പോലെ അവർക്ക് തോന്നി.. അവർ പരസ്പരം നോക്കി.. എല്ലാവരുടെ മുഖത്തും ഒരു ഞെട്ടൽ കാണാമായിരുന്നു…

“ഞാൻ എന്താണെന്ന്..?”

ജൂഹി ശ്വാസം പോലും വലിക്കാൻ മറന്ന് അവളെ നോക്കി.. അവളുടെ സ്വരം വിറച്ചിരുന്നു..

“ഹാഫ് ബ്രീഡ് എൽഫ്.. അതായത് നിന്റെ അമ്മ മനുഷ്യ സ്ത്രീയും പിതാവ് എൽഫും ആണ്..”

“നോ.. ഞാൻ ഇത് വിശ്വസിക്കില്ല..”

ജൂഹി തലയിൽ കൈ വച്ച് തിരിഞ്ഞു നിന്നു.. അവൾക്ക് ദേഹം വിറക്കാൻ തുടങ്ങി.. ബ്ലഡ്‌ പ്രഷർ നന്നായി കൂടി എന്ന് അവൾക്ക് തോന്നി.. ഗുളികകൾ കയ്യിൽ ഇല്ല..

“എനിക്ക് ഇതൊന്നും അറിയില്ല.. അതിനുള്ള കഴിവ് ഞങ്ങൾക്ക് ഇല്ല.. പക്ഷെ നിങ്ങളെ ഇവിടേക്ക് വിട്ട ഓർക്കിഡ്.. അവൾ വണ്ടർലാൻഡ് ലോകത്തിന്റെ രാജകുമാരി ആണ്.. അവൾക്ക് തെറ്റില്ല കുട്ടി.. അവർക്ക് ഒരാളെ കണ്ടാൽ അറിയാൻ ആകും..”

അവൾ അത് പറഞ്ഞപ്പോൾ ജൂഹി എന്തോ പോലെ ആയി. ഉടനെ ആലിസ് ചെന്ന് ജൂഹിയെ നെഞ്ചോട് ചേർത്ത് പിടിച്ചു..