MOONLIGHT V (മാലാഖയുടെ കാമുകൻ) 953

ജാക്ക് ജെയിംസിന്റെ ചെവിയിൽ ചോദിച്ചു.. ഉരുകി കിടക്കുന്ന റോബോട്ടിൽ ആയിരുന്നു അയാളുടെ കണ്ണുകൾ.. മീനാക്ഷിയെ നോക്കിയപ്പോൾ അവളുടെ ദേഹത്ത് ഇപ്പോഴും ഒരു തീ പോലെ എന്തോ ഓടി നടക്കുന്നു..

“ഇവൾ അന്യഗ്രഹജീവി ആണോ..”

എമ്മ അത് കണ്ടു ആലിസിനെ നോക്കി ചോദിച്ചു..

“എനിക്ക് അറിയില്ല.. സത്യം പറഞ്ഞാൽ ഒപ്പം നടക്കുന്ന ജൂഹി വരെ എന്താണ് എനിക്ക് അറിയില്ല..”

അത്രയും പറഞ്ഞു ആലിസ് അവിടെ നിർത്തിയപ്പോൾ ഒരു നിശബ്ദ വന്നു..

“ഈ റോബോട്ടുകൾ മനുഷ്യ നിർമിതം ആണെന്ന് തോന്നുന്നു അർച്ചന.. നിങ്ങൾ ഇവിടേക്ക് വന്നത് ഒരാളെ കാണാൻ ആണ്..

അത് അറിഞ്ഞ ആരോ നിങ്ങളെ തടയാൻ നോക്കുന്നു.. അതിന്റെ അർത്ഥം ഇതൊക്കെ നിങ്ങളുടെ അടുത്തേക്ക് അയച്ച ആളുകളുടെ തടവിൽ ആണ് മൂൺലൈറ്റ്..”

അത്ര നേരം മിണ്ടാതെ നിന്ന ജൂഹി അത് പറഞ്ഞപ്പോൾ മീനാക്ഷി അവളെ നോക്കി.. അവൾ സാധാരണ അവസ്ഥയിലേക്ക് വന്നിരുന്നു.. അവൾ എഴുന്നേറ്റ് നിന്നു.

“ജൂഹി പറഞ്ഞത് ശരിയാണ്..ആരോ നമ്മളെ വീക്ഷിക്കുന്നുണ്ട്.. എനിക്ക് അത് അറിയാൻ പറ്റുന്നുണ്ട്.. ഉടനെ അവളെ പോയി കാണണം..”

മീനാക്ഷി അത് പറഞ്ഞപ്പോൾ അവർക്ക് പേടി തോന്നി.. അല്പം മാറി ഒരു മലയുടെ മുകളിൽ അവരെ നോക്കി ഒരാൾ നിന്നിരുന്നു..

അയാൾ ഒന്ന് പുഞ്ചിരിച്ച ശേഷം ഒരു വലിയ വില്ലിൽ ഒരു തരം കല്ല് കൊണ്ട് അഗ്രം ഉണ്ടാക്കിയ അസ്ത്രം കുടുക്കി അയാൾ അത് സർവ്വ ശക്തിയും എടുത്ത് വലിച്ചു പിടിച്ചു..

“നീയില്ലെങ്കിൽ അവരെ എനിക്ക് കിട്ടും..”

അയാൾ അത് പറഞ്ഞ് ഉന്നം പിടിച്ചു…
അതിന്റെ ഉന്നം മീനാക്ഷിയുടെ തലക്ക് നേരെ ആയിരുന്നു..