MOONLIGHT – l (മാലാഖയുടെ കാമുകൻ) 1356

MOONLIGHT -I
മാലാഖയുടെ കാമുകൻ

ഹേയ് ഓൾ.. വീണ്ടും ഒരു ഫാന്റസി സ്റ്റോറിയും ആയി ഞാൻ..

നിയോഗം എഴുതിയ ടൈമിൽ മനസ്സിൽ ഉണ്ടായിരുന്ന സ്റ്റോറി ആണ്‌ ഇത്.. ഇപ്പോഴാണ് എഴുതാൻ സാഹചര്യം കിട്ടിയതും..

ഈ സൈറ്റിൽ ഇപ്പോൾ എത്ര പേർ വായിക്കാൻ ഉണ്ടാകും എന്നറിയില്ല.. എന്നാലും ഒരാൾ എങ്കിലും വായിച്ചാൽ സന്തോഷം.. ഞാൻ എഴുതിയ മറ്റൊരു സ്റ്റോറിയും ആയി ബന്ധം ഇതിനുണ്ട്.. അടുത്ത ഭാഗം ആകുമ്പോൾ ഇടുന്നത് ആയിരിക്കും..

സ്നേഹത്തോടെ എംകെ

Bangalore City 7 AM

അലാറം അടിച്ചപ്പോൾ ഒരു നിമിഷം കൂടെ കണ്ണുകൾ അടച്ചു കിടന്ന ശേഷം ജൂഹി ചാടി എഴുന്നേറ്റ് കൈ കാലുകൾ ഒന്ന് തിരുമ്മി ഫ്ലാസ്കിൽ വച്ചിരുന്ന വെള്ളം മുഴുവൻ എടുത്ത് കുടിച്ച ശേഷം ബാത്ത് റൂമിലേക്ക് നടന്നു..

വേഗം കുളിച്ച് ഒരുങ്ങി ആവശ്യത്തിന് മേക് അപ് ഇട്ട ശേഷം അവൾ പാന്റും ഷർട്ടും അതിന് മുകളിൽ കറുത്ത ബ്രാൻഡഡ് കോട്ടും ഇട്ട ശേഷം മുടി പോണി ടെയിൽ കെട്ടി വച്ചു.. ഒന്ന് കണ്ണാടിയിൽ നോക്കി..

അലമാര തുറന്ന ശേഷം അതിൽ നിന്നും ഒരു പ്ലെയിൻ ഗ്ലാസ്‌ കൂടെ മുഖത്ത് വച്ച ശേഷം കണ്ണാടിയിൽ ഒന്ന് നോക്കി.

“കൊള്ളാം അല്ലെടീ..?”

സ്വയം ഒന്ന് ചോദിച്ചു ഫയൽ കേസ് എടുത്ത് വച്ചു ഒന്നുകൂടെ അതിൽ തലേ ദിവസം എടുത്തു വച്ച എല്ലാം ഉണ്ടെന്ന് ഉറപ്പ് വരുത്തി..

“ടേക്ക് യുവർ പിൽസ് ഓൺ ടൈം..”

അലക്സാ അത് ഓർമപ്പെടുത്തിയപ്പോൾ അവൾ വേഗം ബിപിക്ക് ഉള്ള ഗുളിക കൂടെ എടുത്തു കഴിച്ചു..

ഇറങ്ങി വരുന്നതിന് മുൻപേ നല്ലൊരു ഹൈ ഹീൽ കൂടെ ഇട്ട ശേഷം അവൾ പുറത്തേക്ക് ഇറങ്ങി.. ഡോർ ലോക്ക് ചെയ്തു തിരിഞ്ഞതും മുൻപിൽ ഒരാൾ..