(പ്രിയ വായനക്കാരെ….

മയൂരി എന്ന ഈ കഥയുടെ ആദ്യഭാഗത്തിന് നിങ്ങള്‍ നല്‍കിയ പിന്തുണയ്ക്ക് നന്ദി… ചെറിയ ചെറിയ തെറ്റുകള്‍ ഉണ്ടാവും സാദരം ക്ഷമിക്കുക.

ഈ ഭാഗത്തോട് കൂടി ഈ ചെറിയ കഥ അവസാനിക്കും. ഇഷ്ടപ്പെടുമെന്ന് വിശ്വസിക്കുന്നു.)

◆ ━━━━━━━━ ◆ ❃  ◆━━━━━━━━◆

🦚മയൂരി🦚 {The Conclusion}

Mayoori | Author : Khalbinte Porali | Previous Part

◆ ━━━━━━━━ ◆ ❃  ◆━━━━━━━━◆

രണ്ട് വര്‍ഷത്തിനു ശേഷം നാട്ടിലെത്തിയതായിരുന്നു കാളി. പക്ഷേ വരവ് ഈ മെഡിക്കൽ കോളേജിലേക്കായി പോയി…
ഐ.സി.സി.യു അന്വേഷിച്ച് കണ്ടെത്തി അവിടെ എത്തുമ്പോൾ മൂന്ന്‌ വാടി തളര്‍ന്ന രൂപങ്ങള്‍ ഇരുമ്പ് കസേരയില്‍ ഇരിക്കുന്നുണ്ടായിരുന്നു. ഒരു നിമിഷം ആ കാഴ്‌ച കണ്ടു എന്ത് ചെയ്യണം എന്ന് അറിയാതെ കാളി നിന്നു. പക്ഷേ സിന്ധു എന്തോ ഉള്‍പ്രേരണ പോലെ അവന്‍ നിന്നിരുന്ന ഭാഗത്തേക്ക് നോക്കി. കാണാതായ ഒരു നിധി കണ്ട പോലെ സിന്ധു അങ്ങോട്ട് എണീറ്റു ഓടി. മറ്റു രണ്ട് പേരും സിന്ധു ഓടിയ ഭാഗത്തേക്ക് നോക്കി. അവിടെ നില്‍ക്കുന്ന അതിഥിയെ കണ്ട് മയൂരിയുടെ മുഖം വീണ്ടും കുനിഞ്ഞു. അവൾ കൈയിലിരിന്നു ഉറങ്ങുന്ന മകനെ നോക്കി ഇരുന്നു.

““എന്തിനാടാ ഞങ്ങളെ വേണ്ടാന്ന് വെച്ച് പോയത്…?”” കരഞ്ഞ കണ്ണുകളിലോടെ കാളിയുടെ കോളറിന് പിടിച്ചു  സിന്ധു ചോദിച്ചു. കരയുന്ന അമ്മയുടെ മുഖം കണ്ടപ്പോ അറിയാതെ കാളിയുടെ കണ്ണും നിറഞ്ഞിരുന്നു.