മരുതെന് മല 1 👹👹💀💀[നൗഫു] 3670

ഞാൻ വിദേശത്ത് നിന്നും കൊണ്ട് വന്ന bright ലൈറ്റ് ടോർച്ചും കയ്യിൽ കരുതി… (ഇത് ചട്ടി കൊണ്ട് വരാൻ പറഞ്ഞപ്പോൾ കൊണ്ട് വന്നതാണ്‌ട്ടോ.. ഞങ്ങൾക്ക് രാത്രി ഞണ്ടിനെ പിടിക്കാൻ..)

ഞങൾ മുന്നിലേക് നടക്കാൻ തുടങ്ങി….

നല്ല തണുപ്പുണ്ട് ബാഗുകളിൽ ഉണ്ടായിരുന്ന ഓരോരോ ജാക്കറ്റ് കൾ എടുത്തു ഞങ്ങളെല്ലാം ധരിച്ചു…

കൈകൾ മെല്ലെ കൂട്ടി ഒരധി മെല്ലെ മെല്ലെ നടക്കാൻ തുടങ്ങി…

വളരെ സൂക്ഷിച്ചും മുന്നിലുള്ള ആൾ ടോർച് ഒന്ന് ദൂരേക്കും പിന്നെ ഞങളുടെ കാലുകൾക്കിടിയിലേക്ക് തെളിച്ചും നടന്നു കൊണ്ടിരുന്നു….

ഇടക്കിടെ ആ പാറകൾക്കും ഉരുളൻ കല്ലുകൾക്കുമിടയിൽ നിരങ്ങി ഓരോരുത്തരായി വേച്ച് വേച്ച് പോവുന്നുണ്ടായിരുന്നു….

സമയം മൂന്നു കയിഞ്ഞ് നാലു മണിയിലേക് അടുത്തു കൊണ്ടിരിക്കുന്നു …

കുറച്ച് മുന്നോട്ട് പോയപ്പോൾ എവിടെ നിന്നോ വന്ന ഒരു ചെറു കാറ്റിൽ ഞങൾ വാഹനത്തിൽ നിന്നും അനുഭവിച്ച അതെ രൂക്ഷ ഗന്ധം മൂക്കിലേക് അടിച്ചു കേറാൻ തുടങ്ങി….

കുറച്ച് പേര് ചർധിക്കാൻ തുടങ്ങി… ,

ആഹാ… കുറച്ച് മുമ്പ് കഴിച്ച.. ബിരിയാണിയും, ചപ്പാത്തിയും… പൊറാട്ടയുമൊക്കെ ഉണ്ട്….

കൂടെ കോഴിയും ഇറച്ചിയും മെല്ലാം…

ചട്ടിയും, ആബിദും, അഷ്റഫുമൊക്കെ ഛർദിച്ചു നല്ല വണ്ണം ക്ഷീണിതമാവാൻ തുടങ്ങി… കൂടെ മറ്റുള്ളവരും.

അവിടെ തന്നെ കുറച്ച് നേരം ഇരുന്നു…

നമുക്ക് തിരിച്ചു പോവാമെന്ന് ചിലർ പറഞ്ഞു  തുടങ്ങി…

എന്നാലും അവർക്ക  അറിയാം നമ്മളെല്ലാം വലിയ അപകടത്തിൽ ആണെന്ന്… പറയുന്ന പോലെ എളുപ്പമല്ല തിരിച്ചു പോക്കെന്ന്….

അവർക്ക് വേണ്ട ധൈര്യവും കൂടെ ഉണ്ടാവുമെന്ന ഉറപ്പും മാത്രമേ ബാക്കി ഉള്ളവർക്കു  കൊടുക്കാൻ ഉണ്ടായിരുന്നുള്ളു….

കുറച്ച് വെള്ളവും കുടിച്ചു ഞങൾ ആ മല വീണ്ടും കയറി തുടങ്ങി,…..

അതെ

“”മരുതെന് മല “”

മുന്നിലുള്ള അപകടങ്ങൾ ഒന്നും അറിയാതെ…..

ഇനിയുള്ള നിമിഷങ്ങളിൽ ഓരോ ചെറിയ സെക്കന്റുകൾ പോലും വിലപ്പെട്ടതാണ്…

ഞങളുടെ ചെറിയ അശ്രദ്ധക് വലിയ വില നൽകേണ്ടി വരും… ചിലപ്പോൾ ഒരു ജീവൻ തന്നെ…

പിന്നെ കുറച്ചു നേരത്തേക്ക് ഒന്നിന്റെയും ശല്ല്യമില്ല….

എല്ലാം ശാന്തം….

ചെറു കാറ്റ് ഞങ്ങളെ തൊട്ട് തലോടി പോയി…

ജാക്കറ്റ് ധരിച്ചിട്ടും അതിൽ ഞങൾ കുളിരണിഞ്ഞു….

ആ കാറ്റിൽ നല്ല സുഗന്ധം മൂക്കിലേക് അടിച്ചു കയറാൻ തുടങ്ങി… ഏതോ കാട്ടു ചെടിയുടെ പൂവിൻ സുഗന്ധം…

എല്ലാം അവസാനിച്ചത് പോലെ….