മാലാഖ [Hyder Marakkar] 893

ഛെ   വെറുതെ   തെറ്റിധരിച്ചു….. പാവം   അടുക്കളയിൽ   ഒറ്റയ്ക്ക്   നിന്ന്   എന്തോ   സ്വപ്നം   കാണുകയാണ്… കള്ളി…… പാവം   മത്തായിച്ചൻ   വയസാം  കാലത്  ഒറ്റയ്ക്ക്  ആവോ  എന്തോ…. ഒരു   കള്ള  ചിരിയൊക്കെയുണ്ട്, ഞാൻ   വന്നതും  തമ്പുരാട്ടി   അറിഞ്ഞിട്ടില്ല….

“””ഹേലോ   എന്താണ്   മേരി  പെണ്ണെ….. കാര്യമായിട്ട്   ചിന്തിച്ചു  കൂട്ടുന്നത്??”””

ഞാൻ   പിന്നിലൂടെ   പോയി  കെട്ടിപ്പിടിച്ചുകൊണ്ട്   ചോദിച്ചപ്പോൾ   അമ്മ  മഹാരാണി   ഒന്ന്  ഞെട്ടി…..

“””ഏയ്   ഒന്നൂല്ല….”””

“”ഏയ്  എന്നാലും….പറ  പറ  പറ…..”””

“””ഒന്നൂല്ലടാ  ആ   വനജ    പറഞ്ഞതൊക്കെ   ആലോചിച്ച്   നിന്നതാ….”””

“””എന്റെ   മേരിയെ,  ഞാൻ   എത്ര  തവണ  പറഞ്ഞിട്ടുണ്ട്  ആ   പെണ്ണുമ്പിളെന്റെ   പരദൂഷണം   കേൾക്കാൻ   പോവണ്ടാന്ന്”””

പിന്നിലൂടെയുള്ള   പിടുത്തം  മുറുക്കി  കൊണ്ട്   ഞാൻ   പറഞ്ഞു…..

“””എല്ലാർക്കും   നിന്നെ  പോലെ   അയല്പക്കത്  ഉള്ളോരോട്   ഒന്നും  മിണ്ടാതെ  നടക്കാൻ   പറ്റോ??”””

“””എന്നിട്ട്   എന്ത്   പറഞ്ഞു   മിസ്സ്‌   വനജ  കുട്ടികൃഷ്ണൻ”””

“””നമ്മുടെ   നാട്ടുകാരെ   ഓരോരോ   കാര്യങ്ങളെ….. മീനൂട്ടിക്ക്   കൊറോണ  ആണെന്ന്   ആരോ  പറഞ്ഞ്   പരത്തിയിട്ടുണ്ട്….. അതാണ്   രണ്ടുദിവസം   ആയിട്ട്    പാൽക്കാരനും   പത്രകാരനും  ഒന്നും  ഈ   പരിസരത്തേക്ക്   വരാത്തത്””””

നേരത്തെ   ദിവാകരന്റെ   കടയിൽ  വെച്ച്   ചെറിയ  ഒരു  സൂചന   കിട്ടിയിരുന്നു  എങ്കിലും   മേരി  പറഞ്ഞത്  കേട്ടപ്പോൾ  ശരിക്കും  ചിരി  വന്നു…… ഇത്രയും   ജാഗ്രത   പുലർത്തുന്ന   എന്റെ   നാട്ടുക്കാരെ  കുറിച്ച്   ഓർത്തപ്പോൾ   രോമങ്ങൾ  പോലും   എഴുന്നേറ്റ്   നിന്ന്   സല്യൂട്ട്   അടിച്ചു……