Lucifer : The Fallen Angel [ 9 ] 155

ദൈവം നേരിട്ട് യുദ്ധം ചെയ്യില്ല. അയ്യാൾക്കും സ്വന്തം മകനോട് യുദ്ധം ചെയ്യുന്നതിൽ താല്പര്യം തോന്നിയില്ല. ഗബ്രിയേലും അമനും മിഖായേലും മാത്രമാണ് ദൈവത്തിനായി അണി നിരന്നത്. അവരുടെ ഉള്ളിലും സഹോദരനോട് യുദ്ധം ചെയ്യുന്നതിലുള്ള വിഷമം ഉണ്ടായിരുന്നു. മിഖായേലിന്റെ മുഖത്തൊഴികെ മറ്റ് രണ്ടുപേരുടെ മുഖത്തും അത് പ്രകടമായിരുന്നു.

ദേവിക്ക് അതൊന്നും കണ്ടു നിൽക്കാൻ കഴിയാത്തതുകൊണ്ട് തന്നെ അവിടേക്ക് വന്നില്ല മറ്റ് മാലാഖമാരും ദേവിയോടൊപ്പമായിരുന്നു.

അല്പ സമയം കൂടി കഴിഞ്ഞു ലൂസിഫർ തന്റെ വാൾ ഉയർത്തി നെറ്റിയോട്‌ ചേർത്തു. ഒരു നിമിഷം അവൻ കണ്ണടച്ചു.

സ്വർഗ്ഗത്തിലെ മണി ശക്തിയോടെ മുഴങ്ങി. അതുവരെ ഇല്ലാതിരുന്ന രീതിയിൽ ആയിരുന്നു അതിന്റെ മുഴക്കം. മാലാഖമാർ മുഴുവൻ അതിന്റെ നിസ്സഹായതയോടെ കേട്ടു. ദേവിയുടെയും ഡാനിയുടെയും മെയ്‌സിന്റെയും ഉള്ളിൽ ആ മുഴക്കം ഭീതി സൃഷ്ടിച്ചു. ഭൂമിയിലെ മനുഷ്യരെ പോലും ആ മുഴക്കം വിറപ്പിച്ചു.

ലൂസിഫർ മെല്ലെ കണ്ണുകൾ തുറന്നു തനിക്ക് നേരെ ഓടിയടുക്കുന്ന തന്റെ ജ്യേഷ്ഠന്മാരെ അവൻ ഒരിക്കൽ കൂടി നോക്കി.

ശേഷം അവനും അവർക്കു നേരെ അലറിക്കൊണ്ട് അടുത്തു.

മനുഷ്യർ ഭൂമിയിൽ നിന്നും ആകാശത്തേക്ക് തല ഉയർത്തി നോക്കി. ആകാശം മുഴുവൻ ഇരുണ്ടു മൂടിയിരുന്നു. മിന്നൽ പിണരുകൾ ഭൂമിയിൽ ശക്തിയായി വന്നു പതിച്ചു. അവ ഭൂമിയിൽ വലിയ ഗർത്തങ്ങൾ സൃഷ്ടിച്ചു.

ശക്തമായ പേമാരിയും അവിടെ പെയ്യാൻ ആരഭിച്ചു. ജീവജാലങ്ങൾ മുഴുവൻ അലറിക്കൊണ്ട് തങ്ങളുടെ രക്ഷയ്ക്കായി പലയിടത്തേക്കും ചിതറിയോടി.

മനുഷ്യർ മാത്രം അത് തങ്ങളുടെ രക്ഷയായ മരണം ആണെന്ന് വിശ്വസിച്ചു.

പക്ഷെ അത് സ്വർഗ്ഗത്തിൽ ദൈവത്തെ എതിർത്ത ലൂസിഫറിനെ നരകത്തിന്റെ അധിപനായ ചെകുത്താനാക്കി മാറ്റിയ യുദ്ധത്തിന് ആരംഭമായിരുന്നു.

തുടരും…