LOVE ACTION DRAMA-2 [Jeevan] 418

വൗ… നേരത്തെ ക്യാമറ ഓൺ ചെയ്തോണ്ട് ആ ബൂം ചിക്കാ വാവാ മൊമെന്റ് ഒട്ടും മിസ്സ്‌ ആകാതെ ഷൂട്ട്‌ ചെയ്യാനായി…

ഭാഗ്യത്തിന് കാട്ടിലിന് അടുത്ത് വേറെ ഒന്നുമില്ലാരുന്നത് കൊണ്ട് നേരെ താഴേക്കാണ് വീണത്…

നടുവും തിരുമ്മിയെണിറ്റ് കൊണ്ട് വിനു,

“ഡാ മൂങ്ങ തെണ്ടി…എന്തിനാടാ പുല്ലേ ആസനത്തിൽ പിടിച്ചുതള്ളിയത്…(മൂങ്ങ എന്നത് അർജുവിന്റെ ഇരട്ടപ്പേരാണ്.. രാത്രി ഉറങ്ങാതെ ഇരുന്നുള്ള ഗെയിം കളിയും പകൽ ഫുൾ ഉറക്കവും… അങ്ങനെ കിട്ടിയ പേരാണ്…)

“നീ എന്തിനാടാ നാറി ആസനം പൊക്കിപിടിച്ചോണ്ട് എന്റെ കാലേൽ പിടിച്ചു ഞെക്കിയത്… ഞാനറിഞ്ഞോ അത് നിന്റെ മൂലസ്ഥന്മാണെന്ന്…”

“അത് ലവന് ചെറുതായിട്ടൊന്നു പാളിയതാണ്…ഉറക്കത്തിൽ യക്ഷി കഴുത്തിൽ ഞെക്കുന്ന പോലെ ഞെക്കി പേടിപ്പിക്കാനാരുന്നു പ്ലാൻ… പക്ഷെ മൂടി പുതച്ചു കിടന്നോണ്ട് പിടലിക്ക് പകരം കാലായിപ്പോയി… അതിത്രവലിയ കുറ്റമാണോ… എന്തായാലും നീ പേടിച്ചു നിലവിളിക്കുന്നത് പിടിക്കാൻ വീഡിയോ എടുത്തോണ്ട് ലവന്റെ മലക്കം മറിഞ്ഞുള്ള വീഴ്ച്ച കിട്ടി ?…”

” ഡാ നീ രണ്ടും എന്നെ കൊല്ലാൻ വേണ്ടിയാണോ രാവിലെ കെട്ടിയെടുത്തത്… “

” രാവിലെയോ… ഞങ്ങൾ സാധാരണ മനുഷ്യർക്ക് ഇപ്പോൾ നേരം ഉച്ചയാണ് മിച്ചർ… താങ്കളെ പോലെ മൂങ്ങൾക്ക് മാത്രമാണ് രാവിലെ… “

“മൂങ്ങ നിന്റെ അപ്പൻ…എന്തിനാ കെട്ടിയെടുത്തോണ്ട് വന്നേ എന്ന് പറയടാ പുല്ലേ…”

“ഓഹ്… അങ്ങനെയായോ..

തന്നെ കാണാൻ ആവിശ്യമുണ്ടെങ്കിൽ മാത്രമേ ഞങ്ങൾ ഇങ്ങോട്ട് വരാറുള്ളൂ അല്ലേ… അങ്ങനെയൊക്കെയായി… ആയിക്കോട്ടെ ഞങ്ങൾ പോകുന്നു…”

” അയ്യടാ… സൈകളോടിക്കൽ മൂവ്… കൊല്ലം കുറെയായില്ലെ നിന്നെയൊക്കെ കാണാൻ തുടങ്ങിട്ടു… വന്ന കാര്യം പറയെടാ…മൈ*@#”

“അങ്ങനെ ചോയിക്ക്…അത് പിന്നെ ഏതാടാ നിന്റെ അപ്പുറത്തെ വീട്ടിൽ ഇത് വരെ കാണാത്ത രണ്ട് കിളികൾ…”

“അതാണ്‌ കാര്യം… പ്രേമ രോഗിക്ക് വീണ്ടും അസുഖം തുടങ്ങിയോ വിനു…”

“അതെ… വീണ്ടും പഴയ സ്പാർക്കും പൊക്കി ഇറങ്ങിട്ടുണ്ട്…”