LOVE ACTION DRAMA-13(Jeevan) 1367

വരുൺ കുളിച്ചു വന്നപ്പോൾ തന്നെ കഴിക്കാൻ എടുത്തു…

 

ആദ്യമായി അനു ഓരോന്നും അവന് വിളമ്പിക്കൊടുത്തു…

 

“ഇന്നെന്താ പതിവില്ലാതെ താൻ വിളമ്പുന്നത്… ഞാൻ തന്നെ എടുത്ത് കഴിച്ചോളാം… അതാ സൗകര്യം… ആവിശ്യാനുസരണം എടുത്ത് കഴിക്കാമല്ലോ… താനും ഇരുന്ന് കഴിക്ക്…”

 

അനുവിന് അത് ബോധിച്ചില്ല…

 

“വേണ്ട… ഞാൻ അമ്മയുടെ ഒപ്പം കഴിച്ചോളാം… എന്ത്‌ ആവിശ്യം ആണെന്ന് പറഞ്ഞാൽ മതി ഞാൻ വിളമ്പിത്തരാം…”

 

“മ്മ്…” അവൻ മറുപടിയായി ഒന്ന് മൂളി…

 

അവൾ ചോദിക്കാൻ ഒന്നും നിന്നില്ല… ഇലയിൽ തീരുന്നത് അനുസരിച്ചു ചോറും കറികളും ഇട്ടു കൊണ്ടിരുന്നു…

 

രണ്ട് തവണ ചോർ ഇട്ട് കഴിഞ്ഞ് പിന്നേം ഇടാൻ അവൾ തുടങ്ങിയപ്പോൾ അവൻ തടഞ്ഞു…

 

“അയ്യോ… മതി… വയറു പൊട്ടും ഇനി കഴിച്ചാൽ…” എന്ന് പറഞ്ഞു തടഞ്ഞു…

 

“പായസം തരട്ടെ…”

 

“അതൊഴിച്ചോ…”

 

“അപ്പോൾ അതിന് ഗ്യാപ് ഉണ്ടല്ലേ…” അവൾ കളിയാക്കി ചോദിച്ചു…

 

“അത് പിന്നെ… മധുരം ഉള്ളിൽ ചെല്ലുമ്പോൾ സ്പേസ് കൂടും എന്ന ശാസ്ത്രം…”

 

“ആണോ… എങ്കിൽ ഞാൻ ആയി ശാസ്ത്രം തെറ്റിക്കുന്നില്ല…”

 

അവൾ അത് പറഞ്ഞു ആദ്യം അട പ്രഥമൻ വിളമ്പി…

 

പഴവും പപ്പടവും ഒക്കെ പൊടിച്ചു കൂട്ടി അവൻ പായസം കുടിച്ചു…

 

അട കഴിച്ചു കഴിഞ്ഞു പാൽ പായസം വിളമ്പി…

 

വരുൺ കഴിച്ചു കൊണ്ടിരുന്നപ്പോൾ അച്ഛനും കഴിക്കാൻ വന്നു…

 

അമ്മ അച്ഛന് വിളമ്പാൻ വന്നു…