കുഞ്ഞുറുമ്പുകളുടെ ലോകം 2

Kuyunurumbukalude Lokan Part 2 | Author : Fire blade

Previous Parts

അന്നും പതിവ് പോലെ ഒരുപാട് പേര് കളിക്കുന്നുണ്ട്….

പല പ്രായത്തിലുള്ള ഒട്ടേറെ പേർ പന്തുകളിക്കാനായി ദിവസവും ഇവിടെ ഉണ്ടാവും, അച്ഛനും മകനും വരെ ഓരോ ടീമിലുണ്ട്….

ഗ്രൗണ്ടിനും കളിക്കുമുള്ള വലിയൊരു പ്രത്യേകതയും അതുതന്നെയാണ്, ഇവിടെ ജാതിയോ മതമോ രാഷ്ട്രീയമോ പ്രായമോ ഒന്നും പ്രശ്നമില്ല..

ബാക്കിയുള്ള ഏതിനും പരസ്പരം കടിച്ചുക്കീറുന്നവർ ഇവിടെ ഒരു ടീമിൽ പരസ്പരം സഹകരിച്ചും സഹായിച്ചും ജയിക്കാൻ നോക്കുന്നു…

അച്ഛനും മകനും വരെ തോളോട് തോൾ ചേർന്ന് കളിക്കുന്ന കാഴ്ച ശെരിക്കും പോസിറ്റീവ് എനർജി തരുന്നതല്ലേ,

അതുകൊണ്ടാണ് കളിക്കില്ലെങ്കിലും സമയം കിട്ടുമ്പോളെല്ലാം ഞാൻ ഇങ്ങോട്ട് വന്നിരിക്കുന്നത്…

അതുപോലെ വല്ലാത്തൊരു സന്തോഷം തരുന്ന ഒന്നാണ് കുഞ്ഞു കുട്ടികളുടെ കളികൾ,

അവർക്ക് വേറൊന്നിനെ കുറിച്ചുമുള്ള ആവലാതികൾ ഇല്ല, എന്റെ കുട്ടിക്കാലമൊക്കെ കണക്കായിരുന്നു,

എന്തൊക്കെയോ കാരണങ്ങൾ കൊണ്ട് അതൊരു ആസ്വാദനയോഗ്യമായ ഒന്നല്ലായിരുന്നു, ഇന്നും ഓർക്കുമ്പോൾ ഒരു ഇരുട്ട് മാത്രമേ ഓർക്കാനുള്ളൂ…..