കുഞ്ഞുറുമ്പുകളുടെ ലോകം 2 [Fire blade] 104

” ചേട്ടോ…. നിങ്ങൾ പറയുന്നത് ഞങ്ങക്ക് മനസിലാകും, ഇങ്ങനെ അല്ലെങ്കിൽ കൂടി ഏതാണ്ട് ഇതുപോലെ അന്തം വിട്ടു കൊറേ കാലം ജീവിച്ചവനാണ് ഞാൻ…

നമ്മളാരും അത്ര പൂർണരല്ലല്ലോ…. അതോണ്ട് ഒരു കൊഴപ്പോം ഇല്ലെന്നു മനസ്സിലാവാൻ എനിക്ക് കൊറേ വർഷങ്ങൾ പിടിച്ചു…. ഇവന്റെ സഹായോം…

നിങ്ങക്കറിയുമോ ഇന്നത്തെ ഞാനും പണ്ടത്തെ ഞാനും തമ്മിൽ ഒരുപാട് ഒരുപാട് അന്തരമുണ്ട്….

ഞാൻ എന്നെത്തന്നെ സ്നേഹിക്കാൻ പഠിച്ചപ്പളാണ് എന്നെ സ്നേഹിക്കുന്നതാരൊക്കെയാണെന്നു എനിക്ക് മനസിലായത്….

നിങ്ങളോട് ഞങ്ങൾക്കുള്ളത് ഒരിക്കലും ഒരു സഹതാപമൊന്നും അല്ല…

അങ്ങനെ കാണാൻ മാത്രം ഒരു പ്രശ്നവും നിങ്ങക്കുണ്ടെന്നു ഞങ്ങൾ കരുതുന്നില്ല… അതാ പറഞ്ഞത്, ചെലപ്പോ നമുക്ക് ചില കാര്യങ്ങളൊക്കെ മനസ്സിലാവാൻ മറ്റു ചില ആളുകളുടെ സഹായം വേണ്ടിവരും…

ആ ആളുകളാണെങ്കിലോ അതിന്റെതായ സമയത്തു തന്നെ നമ്മുടെ മുൻപിൽ ണ്ടാവും…. അനുഭവം കൊണ്ട് പറഞ്ഞതാ.. ”

തികഞ്ഞ ആത്മവിശ്വാസത്തോടെ അവൻ പറഞ്ഞപ്പോൾ ശബരി അതേ എന്ന അർത്ഥത്തിൽ എന്റെ തോളിൽ അമർത്തിപ്പിടിച്ചു….

” ഇപ്പറഞ്ഞ കാര്യങ്ങളൊക്കെ ഈ നാറിക്ക് മനസ്സിലാവാൻ കാലം കൊറേ നോക്കിയിട്ടും എന്നെക്കൊണ്ട് ആയില്ല, അയ്നു അമ്മു തന്നെ വേണ്ടിവന്നു എന്ന് മാത്രം… ”

ശബരി ചിരിയോടെ കൂട്ടിച്ചേർത്തു….

” അമ്മു……. എങ്ങന്യാ അത് സംഭവിച്ചത്..? ”

ഞാൻ എന്റെ വിഷമം ചെറുതായി മറന്നു…. അല്ലെങ്കിലും ഒരു പ്രണയകഥ അറിയുന്നതിനേക്കാൾ മനോഹരമായ മറ്റൊന്ന് രാത്രിയിലുണ്ടോ…?

പ്രണയം ഉണ്ടാകുമായിരിക്കും അല്ലേ…. സംഭവിക്കുകയാണെങ്കിൽ മനോഹരമായേക്കാവുന്ന ഒന്ന്..!!

” ഓഹ്…. അതൊരു വല്ല്യേ കഥയാണ്….. പറഞ്ഞാൽ ബോറടിച്ചു ചാവുമോ..? ”

മനു മലർന്നു കിടന്ന് ആകാശത്തേക്ക് നോക്കികൊണ്ട്‌ എന്നോട് ചോദിച്ചു….

” ബോറാവുമ്പോൾ പറയാം… നീ തുടങ്ങിക്കോ.. ”

ഞാനും അവനെ അനുകരിച്ചു അതുപോലെ കിടന്നു…

അന്ന് ആ രാവിൽ വിരിഞ്ഞ മാനവും,പൊട്ടു പോലെ തെളിഞ്ഞ ചന്ദ്രനെയും