ഞാൻ ആദ്യമായി എഴുതിയ ഒരു ചെറുകഥ ആണിത്. എന്തെങ്കിലും തെറ്റുകുറ്റങ്ങൾ ഉണ്ടെങ്കിൽ തുറന്ന് പറയുക.അഭിപ്രായം നെഗറ്റീവ് ആയാലും പോസിറ്റീവ് ആയാലും 2 വരി കുറിച്ചതിന് ശേഷം പോകുക. അത് ഈ എളിയ കലാകാരന് തുടർന്ന് എഴുതാൻ ഉള്ള പ്രചോദനം നൽകും…..

***********************************

“ഏട്ടാ…നാളെ എപ്പോഴാ പോകുന്നത്?”

“നമുക്കൊരു ഒമ്പതര കഴിഞ്ഞു ഇവിടെ ഇറങ്ങാം പെണ്ണേ…”

“എനിക്കെന്തോ ഒരു പേടി പോലെ… കണ്ണടയ്ക്കാൻ തോന്നുന്നില്ല..”

“അതൊക്കെ നിന്റെ മനസ്സിന്റെ തോന്നലാണ്… നീ ഇങ്ങ് വാ ഇങ്ങോട്ട് കയറി കിടക്ക്”

അതോടെ അവൾ കട്ടിലിന്റെ അറ്റത്ത് നിന്ന് നിരങ്ങി എന്റെ നെഞ്ചിലേക്ക് തല വെച്ച് കിടന്നു.എന്നിട്ടും അവളുടെ ചിന്ത അവളെ വിട്ട് ഒഴിയുന്നില്ല എന്ന് അവളുടെ പ്രവർത്തികളിൽ നിന്ന് മനസ്സിലാകുന്നുണ്ട്.അവളുടെ ഒരു കൈ പെണ്ണിന്റെ തലയ്ക്ക് അടിയിൽ എന്റെ കയ്യോട് ചേർന്നാണ് വെച്ചത്. മറു കൈ കൊണ്ട് എന്റെ നെഞ്ചിലെ രോമങ്ങളിൽ കൂടെ വിരലുകൾ ഓടിക്കുകയാണ്.മുഖ ഭാവത്തിൽ നിന്ന് ചെയ്യുന്ന പ്രവർത്തിയിൽ ശ്രദ്ധ കേന്ദ്രീകരിക്കുന്നില്ല എന്ന് മനസ്സിലായി.കൂടാതെ അവളുടെ നെഞ്ചില് നിന്ന് വേഗത്തിലുള്ള ഹൃദയത്തിന്റെ താളം എന്റെ ശരീരത്തിൽ അറിയാൻ സാധിച്ചു.അവൾക്ക് എന്തോ മനസ്സിൽ ടെൻഷൻ ഉണ്ടെന്ന് എനിക്ക് മനസ്സിലായി. ഞാൻ അവളെ ചുറ്റി പിടിച്ച ഇടം കൈ താഴേക്ക് കൊണ്ടുപോയി അവളുടെ നിതംബത്തിൽ ഒരു ചെറിയ ഞുള്ള് കൊടുത്തു. നെറ്റി ചുളിച്ചു ചെറിയ വേദന ഉള്ള കണ്ണുകളോടെ ഒരു നോട്ടം ഉണ്ട്. ufff എന്റെ സാറേ കെട്ടിപിടിച്ച് ഒരു ഉമ്മ കൊടുക്കാൻ തോന്നും. കൊടുത്തു.എന്റെ ഉള്ളിലെ പ്രണയം മൊത്തം കലർത്തി നെറുകയിൽ ഒരു ചുംബനം.

“എന്താ.. ഏട്ടാ ചെയ്തത്.എനിക്ക് നൊന്തു കേട്ടോ”

“അതിനു ഞാൻ പതുക്കെ അല്ലേ നിന്നെ ഉമ്മ വെച്ചത്”

“പോ അവിടുന്ന്.അതൊന്നും അല്ല എന്നെ എന്തിനാ ഞുള്ളിയത്.എനിക്ക് വേദനിച്ചു കേട്ടോ”

“നീ എന്ത് ചിന്തിക്കുവാ എന്റെ പൊന്നു.ഇൗ ലോകത്ത് ഒന്നും അല്ലല്ലോ!”

“അത് ഏട്ടാ…നാളത്തെ കാര്യം ഞാൻ ആലോചിച്ചത് ആണ്”

“നാളത്തെ കാര്യം എന്താ. അത് അതിന്റേതായ രീതിയിൽ പോയ്ക്കൊളും.എല്ലാത്തിനും ദൈവം ഓരോ സമയം വിധിച്ചിട്ടില്ലെ.നമ്മുടെ സമയം ആയില്ല.അതുകൊണ്ട് നമുക്ക് ആഗ്രഹിച്ചത് കിട്ടുന്നില്ല.അങ്ങനെ കരുതിയാൽ മതിയെന്‍റെ പൊന്നൂട്ടി…”