എന്റെ ഗീതൂട്ടി 2??[John Wick ] 210

ഗീതൂട്ടി എന്റെ അടുത്തൂടെ മുന്നിലേക്ക് പോയി….. ഞാനും അവളുടെ പിന്നാലെ നടന്നു….സ്കൂളിൽ നിന്നും വീട്ടിലേക്ക് കഷ്ടി പതിനഞ്ചു മിനുട്ട് നടത്തം മാത്രേ ഉള്ളു…..

 

ഞാൻ ഗീതൂട്ടിയുടെ അടുത്ത് എത്തിയപ്പോഴേക്കും സ്കൂളിന്റെ ഗേറ്റ് കടന്നിരുന്നു…..

 

സ്കൂൾ കുട്ടികൾ ഉണ്ടായിരുന്നത് കൊണ്ട് ഞങ്ങൾ ഒന്നും അങ്ങോട്ടും ഇങ്ങോട്ടും ഒന്നും മിണ്ടാതെ നടന്നു….

 

സ്കൂൾ കുട്ടികൾ ഒന്ന് കുറഞ്ഞപ്പോൾ ഗീതൂട്ടി എന്റെ നേരെ തിരിഞ്ഞു…..

 

“അഖിൽ പറഞ്ഞതൊക്കെ സത്യാണോടാ….”അവൾ എന്നോട് ചോദിച്ചു….

 

ആ കണ്ണുകളെ നേരിടാൻ കഴിയാതെ ഞാൻ തല കുനിച്ചു…

 

“അല്ല…”

 

“പിന്നെതിനാ അവൻ എന്നോട് കള്ളം പറയണേ….”അവൾ ചോദിച്ചു

 

“അവന് ലവ് അടിക്കണം….എന്നെകൊണ്ട് ലവ് അടിപ്പിക്കും എന്നവൻ പറഞ്ഞു….ഞങ്ങടെ ഒപ്പം ഉള്ള ആരെയും ഇഷ്ട്ടമല്ലാത്തോണ്ട് അവൻ ഗീതൂട്ടിയുടെ പേര് പറഞ്ഞു….. ഞാൻ എന്തേലും പറയണതിന്റെ മുന്നേ അവൻ ഗീതൂട്ടിയുടെ അടുത്ത് വന്ന് പറഞ്ഞു….. അല്ലാതെ ഞാൻ അങ്ങനെ ഒന്നും ഉദ്ദേശിച്ചില്ല….”ഞാൻ നിഷ്കളങ്കമായി പറഞ്ഞു….

 

ഇതൊക്കെ പറഞ്ഞു കഴിഞ്ഞപ്പോഴേക്കും എന്റെ കണ്ണൊക്കെ നിറഞ്ഞു കവിളിലൂടെ കണ്ണീർ ഒലിക്കാൻ തുടങ്ങി…..

 

“അയ്യേ….നീ എന്തിനാടാ കരയണേ….”അവൾ ചോദിച്ചു….

 

“ഗീതൂട്ടി ഇനി എന്നോട് മിണ്ടില്ലല്ലോ….പഴേ പോലെ കൂടില്ലല്ലോ….. ഞാൻ ഒന്നും ചെയ്തില്ല്യ….ഒക്കെ അവൻ പറഞ്ഞതല്ലേ….ഒന്നും സത്യല്ല….എന്നോട് പഴേ പോലെ കൂട്ടുകൂടുവോ ഗീതൂട്ടി…..”ഞാൻ കരഞ്ഞു കൊണ്ട് ഗീതൂട്ടിയോട് ചോദിച്ചു….

 

ഒന്നും പറയാതെ ഗീതൂട്ടി അവളുടെ തോള് വരെ ഉയരമുള്ള എന്നെ കെട്ടിപിടിച്ചു…..