ഹൃദയത്തിൽ സൂക്ഷിക്കാൻ 3

Hridayathil Sookshikkan Part 3 | Author : Vishnu🥰 | Previous Part

 

കഴിഞ്ഞ ഭാഗവും ഇഷ്ടമായി എന്ന് അറിഞ്ഞു..സ്നേഹം മാത്രം..പറഞ്ഞത് പോലെ തന്നെ അഭിപ്രായം ആണ് എനിക്ക് വലുത്..അത് പറയുക♥️

അടുത്ത ഫോട്ടോ കണ്ട എൻ്റെ കണ്ണ് തള്ളി പോയി.
അതേ….
ഇത് അവള് തന്നെ…
എൻ്റെ സ്വപ്നത്തില് വന്ന അവൾ… അന്ന് ചിന്നു വന്നു ഇല്ലാതാക്കി കളഞ്ഞ സ്വപ്നത്തിലേ എൻ്റെ ആരൊക്കെയോ ആയിരുന്ന അവൾ….

അപ്പോ അപ്പോ ഇവൾ ശെരിക്കും ഈ ഭൂമിയിൽ ഉണ്ടായിരുന്നോ…?ഇത്ര അടുത്ത് ഉണ്ടായിരുന്നോ….?
അൽഭുതവും..സന്തോഷവും എല്ലാം കൂടി വരുന്ന ഒരു നിമിഷം..ഉദാഹരണം പറഞാൽ ഇന്നസെൻ്റ് ഏട്ടന് ലോട്ടറി അടിച്ച അതേപോലെ…

പക്ഷേ..അതിനൊന്നും അധികം ആയുസ്സ് ഉണ്ടായിരുന്നില്ല……

തുടരുന്നു….

ഒരു നിമിഷം കൊണ്ട് ഞാൻ  നെയ്തുകൂട്ടിയ സ്വപ്നങ്ങൾക്ക് കണക്കില്ലായിരുന്നു…എൻ്റെ ജീവിതത്തിൽ ഇനി ഒരു പാതി ഉണ്ടെങ്കിൽ അത് ഇവൾ മാത്രമായിരിക്കും എന്ന് മനസ്സിൽ ഉറപ്പിച്ചിരുന്നു.അതിനൊക്കെ എനിക്ക് പറയാൻ എൻ്റെ സ്വപ്നം എന്ന കാരണം മാത്രേ ഉണ്ടായിരുന്നുള്ളൂ….

“അവൾ ഉറങ്ങിയോ മോനെ..?”

ഫോണിലെ പേരറിയാത്ത ആ ആളുടെ ഫോട്ടോ നോക്കി കിടന്ന എന്നെ അമ്മയാണ് വിളിച്ചത്.ഞാൻ ഫോൺ എടുത്ത ഫ്ലൈറ്റ് മൂഡ് ഓൺ ആക്കി മേശപ്പുറത്ത് വെച്ചിട്ട് ചിന്നുവിനെ നോക്കി..

ആള് നല്ല ഉറക്കം ആണ്..എൻ്റെ കൈക്കുള്ളിൽ എല്ലാം മറന്ന് കിടക്കുന്ന അവളുടെ മുഖത്ത് അപ്പോഴും ഒരു ചിരി ഉണ്ടായിരുന്നു.പക്ഷേ മുഖത്തെ ആ കൈയുടെ പാട് എനിക്ക് സഹിക്കാൻ പറ്റുന്നില്ല.എങ്കിലും അതിൻ്റെ കാഠിന്യം ഇത്തിരി കുറഞ്ഞിട്ടുണ്ട്.ഞാൻ പതിയെ അതിൽ ഒന്ന് ഊതി കൊടുത്തു.

ഉറങ്ങി എന്ന് ഞാൻ അമ്മയ്ക്ക് കൈ കൊണ്ട് കാണിച്ചു.അമ്മ അതേപോലെ തന്നെ എന്നോട് കഴിക്കാൻ എടുത്ത് വച്ചിട്ടുണ്ട് എന്നും കാണിച്ചു.പതിയെ എൻ്റെ കൈ ഒന്ന് മാറ്റാൻ ശ്രമിച്ചു..അപ്പോഴേക്കും ചിന്നു ഒന്ന് ഞെരുങ്ങി..ഒന്നൂടെ എന്നെ മുറുക്കെ പിടിച്ചു..ഞാൻ പതിയെ അവളുടെ കൈ എടുത്ത് മാറ്റി വച്ചിട്ട് എണീറ്റു.

അമ്മ ചോറും കറിയും എല്ലാം വിളമ്പി വച്ചിട്ടുണ്ടായിരുന്നു.ഞാൻ കൈ കഴുകി കഴിക്കാൻ ഇരുന്നു.

“അമ്മ ഇരിക്ക്…”

അമ്മയും കഴിച്ച് കാണില്ല എന്ന് ഉറപ്പാണല്ലോ.

“വേണ്ട മോനെ…ഞാൻ കഴിച്ചോളാം..”