ഹൃദയത്തിൽ സൂക്ഷിക്കാൻ 3 [വിഷ്ണു?] 304

എന്ന് ഒരു മരത്തിൽ കൊത്തിയ ബോർഡ് കണ്ടൂ.. ആ പേര് വായിച്ചപ്പോൾ തന്നെ ചിന്നു വണ്ടിയിൽ നിന്ന് ചാടിയിരുന്നു.ഞാൻ ഇങ്ങനെയുള്ള വീടുകൾ ഒക്കെ സിനിമയിലെ കണ്ടിരുന്നുള്ളൂ..

“അതേ ചേട്ടായി..ഇത് തന്നെ ചേച്ചിടെ വീട്…വാ…വേഗം വാ…”

“എൻ്റെ ചിന്നു നീ ഒരു ഡിഗ്രി പഠിക്കുന്ന പെണ്ണല്ലേ…വരാണ് ഇങ്ങനെ ചാടാതെ… ഈ വണ്ടി ഒന്ന് വെക്കട്ടെ ഞാൻ…”

അത് കെട്ടപോഴെ ആ മുഖം ഒരു കുട്ട പോലെ ആയിട്ടുണ്ട്..അപ്പോഴേക്കും ചുണ്ട് ഒക്കെ ഒരു വശത്തേക്ക്  കോടിയിരുന്നു…അത് കണ്ടപ്പോ എനിക്ക് ചിരിയും വന്നു.പക്ഷേ അത് ഞാൻ കണ്ടില്ല എന്ന് നടിച് നിന്നു.ഞാൻ വണ്ടി ഒതുക്കി പടിപ്പുര കിടന്നു അകത്തേക്ക് നടന്നു..തിരിഞ്ഞു നോക്കിയപ്പൊ ആള് അവിടെ തന്നെ നൽകുന്നുണ്ട്..കൈയും കെട്ടി ആ പടിപ്പുരയുടെ ഓടിൻ്റെ എണ്ണം എടുക്കുന്ന പോലെ എന്നെ ശ്രദ്ധിക്കാതെ നികുന്നത് കണ്ടൂ..കലിപ്പ് വിട്ടു പോയിട്ടില്ല എന്നെനിക്ക് മനസ്സിലായി…

“ചിന്നു..ഇങ്ങനെ  നിക്കാന് ആണേൽ ഞാൻ ഇപ്പൊതന്നെ തിരിച്ച് വീട്ടിൽ പോവും..പിന്നെ അവിടെ കിടന്ന് ചേച്ചിയെ കാണണം.. കൊണ്ടൊവോ..?? എന്നും പറഞ്ഞു എൻ്റെടുത് വന്നേക്കല്ല്…കേട്ടല്ലോ…”

അത് കേട്ടപ്പോ..പതിയെ പതിയെ എൻ്റെ അടുത്തേക്ക് വരാൻ തുടങ്ങി..അങ്ങനെ വീടിൻ്റെ മുന്നിൽ വന്നു..അവിടെ ഒരു മണി തൂങ്ങി കിടപ്പുണ്ട്..അതിൻ്റെ അടിയിൽ നിന്ന് ഒരു കയറും നീണ്ടു കിടപ്പുണ്ട്..ഞാൻ അതിലേക്ക് കൈ നീട്ടുന്നതിന് മുന്നേ അത് അവള് കൈവശപ്പെടുത്തി കഴിഞ്ഞിരുന്നു.

ണിം…ണിം…

കൈയ്യിൽ കിട്ടിയതും ശബ്ദം ഞാൻ കേട്ടു..അകത്ത് നിന്നും ഒരു കാൽപേരുമാറ്റം കേട്ടു..അപ്പോഴേക്കും ഒരു സ്ത്രീ അകത്ത് നിന്നും ഇറങ്ങി വരുന്നത് കണ്ടൂ.ഏകദേശം എൻ്റെ ദേവിയമ്മയുടെ അതേ പ്രായം ആണ്.ഒരു സെറ്റ് സാരിയാണ് വേഷം.

“ആരാ…? മനസ്സിലായില്യാല്ലോ..?എവിടുന്നാ മക്കളേ..?”

വന്ന അമ്മ ഒരു പാവം ആണെന്ന് നമ്മുക്ക് കാണുമ്പോൾ തന്നെ മനസ്സിലാവും..പക്ഷേ ആരാണ് എന്ന് ചോദിക്കുമ്പോൾ ഒരു തരം ഭയം ആ മുഖത്ത് ഞാൻ കണ്ടൂ..എന്തോ മറക്കാൻ ശ്രമിക്കുന്നത് പോലെ..

“അമ്മേ.. ഞാൻ ചിന്നു.. ആരാധ്യ ചേച്ചിയെ കാണാൻ വന്നതാ..ചേച്ചി ഇല്ലെ ഇവിടെ..?”

അമ്മയുടെ ചോദ്യത്തിന് ചിന്നുവാണ് മറുപടി പറഞ്ഞത്.

“അത്…മോൾ…മോൾക്ക് എങ്ങനെ അറിയാം ആരുവിനെ…?”

അമ്മയുടെ കണ്ണ് രണ്ടും നിറഞ്ഞു വരുന്നത് ഞാൻ കണ്ടു.പക്ഷേ അത് വേഗം തന്നെ അവർ തുടച്ച് മാറ്റിയിരുന്നു.ചിന്നുവിൻ്റെ നോട്ടം മുഴുവൻ അകത്തേയ്ക്ക് ആയത്കൊണ്ട് അവൾ അത് കണ്ടിരിക്കാൻ വഴിയില്ല.

“ചേച്ചി എൻ്റെ കൂടെയാണ് പഠിക്കുന്നത്..ചേച്ചിയെ കണ്ടിട്ട് ഇപ്പൊ ഒരുപാട് ആയി..അതാമ്മെ ഞാൻ ഇങ്ങ് വന്നെ..ചേച്ചി അകത്ത് ഉണ്ടോ അമ്മെ..?””

ചിന്നു ഇപ്പൊ തന്നെ ഓടി അകത്തേക്ക് കയറും എന്നെനിക്ക് തോന്നിപോയി.

“അത് മോളെ..ആരുവിന് നല്ല സുഖം ഇല്ല അതാണ്…
അയ്യോ.. വന്നിട്ട് അകത്തേക്ക് പോലും വിളിച്ചില്ലലോ ഞാൻ..കയറി ഇരിക്ക് മോളെ..മോനും വാ..”
പെട്ടെന്ന് എന്നെയും ചിന്നുവിനേയും അവർ അകത്തേയ്ക്ക് ക്ഷണിച്ചു.

ഞാനും ചിന്നുവും കയറി അകത്ത് കിടന്ന  കസേരയിൽ ഇരുന്നു.

“അമ്മേ.. എനിക്ക് ചേച്ചിയെ കാണണം..അതിനാ ഞാൻ ഇവിടെ വരെ വന്നത്…ചേച്ചി അകത്തില്ലെ..ചിന്നു വന്നിട്ടുണ്ട് എന്ന് പറഞാൽ മതി…”

ചിന്നു ആണെങ്കിൽ എങ്ങനെ എങ്കിലും കണ്ടാൽ മതി എന്ന അവസ്ഥയിൽ ആണ്…

“മോളെ അവൾക്ക് നല്ല സുഖമില്ല..അതാണ് ഇപ്പൊ കോളേജിൽ പോലും വരാതിരികുന്നത്…”