എന്റെ കുറുമ്പി ? 3 [വിജയ് ] 189

ഇന്നും കുടിച്ചു അല്ലെ…

ഇല്ലടി  നിനക്ക് തോന്നുന്നതാ…

ഊതിക്കെ…

അത് കേട്ടപ്പോഴേക്കും ഞാൻ പതിയെ ഉള്ളിലേക്ക് നടക്കാൻ തുടങ്ങി…

അവൾ എന്നെ പിടിച്ചു അവിടെ നിർത്തി…

ഭാഗ്യം അമ്മ അടുക്കളയിൽ ആണ്….

നിനക്ക് എന്തിന്റെ കേടാ കണ്ണേട്ടാ…

ടി ഞാൻ അധികം ഒന്നും കുടിക്കാറില്ലല്ലോ.. ഇത്തിരി അതും വല്ലപ്പോഴും അല്ലെ ഉള്ളു…

എന്തെങ്കിലും കാണിക്ക്…

അതും പറഞ്ഞു അവൾ വീണ്ടും കസേരയിൽ പോയി ബുക്കും എടുത്തും ഇരുന്നു…

ഞാൻ അവളുടെ അടുത്തേക് ചെന്നു…

ഒന്ന് ക്ഷമിക്കടി ഐഷു… ഏട്ടന്റെ  ചക്കര അല്ലെ… അതും പറഞ്ഞു ഞാൻ അവളുടെ കവിളിൽ പിടിച്ചു വലിച്ചു…

അപ്പോഴേക്കും അമ്മ വന്നു…

കുളിച്ചിട്ട് വരാം എന്നും പറഞ്ഞു ഞാൻ വേഗം ഉള്ളിൽ കയറി….

കുളിയൊക്കെ കഴിഞ്ഞു… ഉമ്മറത്തു വന്നപ്പോ അമ്മയും ഐഷുവും ഉണ്ട്…

പിന്നെ അവരോട് നാട്ടിലെയും വീട്ടിലെയും വർത്തമാനം ഒക്കെ പറഞ്ഞു ഇരുന്നു….
അത്താഴവും കഴിച്ചിട്ടാണ് പിന്നെ റൂമിൽ പോയത്…

ചെന്ന് കിടന്നു കുറച്ചു നേരം ഫോണിൽ കുത്തി…
അപ്പോഴാ നമ്മുടെ ഭദ്രകാളിയുടെ മുഖം മനസിലേക്ക് വന്നത്…

പുല്ല്  എത്ര ഓർക്കണ്ടാന്നു വച്ചാലും കയറി വരും…

പെൺകുട്ടികൾ അയാൾ ഇത്രക്ക് അഹങ്കാരം പാടില്ല…
എന്നാലും ഞാനും അങ്ങനെയൊക്കെ കാണിച്ചതും പറഞ്ഞതും കൊണ്ടല്ലേ അവളും തിരിച്ചു അത്പോലെ കാണിച്ചത്….

മനസാക്ഷി തെണ്ടി രണ്ടു തട്ടിലും നിന്നു…

പക്ഷെ അവളെ കാണാൻ നല്ല ചന്തമാ.. ഇരു നിറം ആണെങ്കിലും നല്ല ഭംഗിയാ മുഖത്തിന്‌… ഒരു ഇഷ്ടം ഒക്കെ തോന്നുണ്ട്.. എന്നാലും സ്വഭാവം ഇത്തിരി നാഗവല്ലി ആണ്…

ഓ ഞാൻ എന്തൊക്കെയാ ഈ ആലോചിച്ചു കൂട്ടുന്നെ…

ഒരു തേപ്പിന്റെ വിഷമം തന്നെ മാറി വരുന്നതേ ഉള്ളു… അപ്പോഴേക്കും….
വേണ്ട രാമൻകുട്ടി വേണ്ട…. ഞാൻ മനസിനോട് പറഞ്ഞു…

അങ്ങനെ എന്തൊക്കെയോ ആലോചിച്ചു നിദ്ര ദേവി എന്നെ ഉറക്കി…..

കണ്ണേട്ടാ….

ലച്ചുവിന്റെ വിളി കേട്ടാണ് ഞാൻ ചിന്തയിൽ നിന്നും ഉണർന്നത്…

അതെ ഓഫീസ് എത്തി ഇറങ്ങുന്നില്ലേ….