എന്റെ കുറുമ്പി ? 3 [വിജയ് ] 189

അവിടുത്തെ എല്ലാ കാര്യങ്ങൾക്കും ഞാൻ മുന്നിൽ ഉണ്ട്…അങ്ങനെ ഈ വക കാര്യങ്ങൾക്കു ഒക്കെ ഉള്ളത്കൊണ്ട് നാട്ടിൽ ഒക്കെ അത്യാവശ്യം നല്ല പേരാണ്… അത് കളഞ്ഞു പൊളികരുതല്ലോ..

അതുകൊണ്ട് തന്നെ വായ്നോട്ടം ഒക്കെ കുറച്ചു കുറവാ… ആഗ്രഹം ഇല്ലാട്ടല്ല… പിന്നെ കള്ളുകുടിയും.. രാത്രി ആകുമ്പോ ആരും കാണാതെ ഒരു രണ്ടെണ്ണം അത്ര തന്നെ… എന്നും ഒന്നും ഇല്ലാട്ടോ വല്ലപ്പോഴും…

അങ്ങനെ അമ്പലത്തിൽ വഴിപാട് കൗണ്ടറിൽ  മൊബൈൽ നോക്കി ഇരിക്കുമ്പോൾ ആണ്….

ഒരു പുഷ്പാഞ്ജലി…

നേരെ നോക്കിയ ഞാൻ മുന്നിലുള്ള ആളെ കണ്ടു ഒന്നു ഞെട്ടി… അവളും ഒന്നു ഞെട്ടുന്നത് ഞാൻ കണ്ടു….

ഞെട്ടലിൽ നിന്നും ഞാൻ മുക്തനായില്ലെങ്കിലും അവൾ വേഗം ഒരു ഭാവബേദവും ഇല്ലാതെ നിന്നു…

താൻ എന്താടോ പെണ്ണുങ്ങളെ കണ്ടിട്ടില്ലേ ഇങ്ങനെ നോക്കാൻ???

ആ ചോദ്യത്തിൽ ആണ് എന്റെ ഞെട്ടലിൽ നിന്നും ഞാൻ  മുക്തനായത്…

എ.. എന്താ…???  ഞാൻ ഒന്നു വിക്കി ചോദിച്ചു…

ഒരു പുഷ്പാഞ്ജലി….

അപ്പോഴേക്കും ഞാനും കുറച്ചു കലിപ്പിട്ടു…

പേരും നാളും പറ.. ഞാൻ ജ്വൽസ്യൻ ഒന്നും അല്ല ഗണിച്ചു കണ്ടുപിടിക്കാൻ….

ആഹാ ഞാനും വിട്ടുകൊടുത്തില്ല….

ലച്ചു… മകം..

അതും പറഞ്ഞു അവൾ പൈസ എടുത്ത് തന്നു…

ചില്ലറ ഇല്ലേ…??

ഇല്ല.. അവളും കലിപ്പിൽ തന്നെ….

ഇവിടെ ചില്ലറ ഇല്ല പോയി വാങ്ങിച്ചിട്ടു വാ….

ഇനി ചില്ലറക്ക് ഞാൻ എവിടെ പോകാനാ…

എവിടെ പോകണം എന്നതൊക്കെ തന്റെ ഇഷ്ടം.. ഇവിടെ എന്തായാലും ചില്ലറ ഇല്ല…..

കുറച്ചു ഉച്ചത്തിൽ ആണ് ഞങ്ങൾ സംസാരിച്ചത്…

അത് കേട്ടുകൊണ്ട്  മേനോൻ ചേട്ടൻ അങ്ങോട്ട്..
വന്നു…

എന്താ കണ്ണാ…???

ചില്ലറ ഇല്ലാന്ന് പറഞ്ഞതിനാ ചേട്ടാ… ഇവിടെകിടന്നു ബഹളം ഉണ്ടാകുന്നത്….

ലച്ചു : ഞാൻ ഇനി എവിടെ പോയി വാങ്ങാനാ ചേട്ടാ ചില്ലറ…

അവൾ മേനോൻ ചേട്ടനോട് പറഞ്ഞു…

ടാ എവിടെ മേശയിൽ ഉണ്ടല്ലോ ചില്ലറ…

നശിപ്പിച്ചു… നശിപ്പിച്ചു…. അവക്കിട്ടു ഒരു പണി കൊടുക്കാം എന്ന് വിചാരിച്ചപ്പോ ഇയാൾ അത് നശിപ്പിച്ചേ അടങ്ങു….

ഞാൻ ഇവിടെ കണ്ടില്ലല്ലോ….???

ഞാൻ നൈസ് ആയി എറിഞ്ഞു നോക്കി….