⚔️ദേവാസുരൻ⚒️ 3 (Demon king) 2271

അത് എടുത്തുനോക്കിയപ്പോൾ വിളിച്ചിരിക്കുന്നത് കോളേജ് പ്രിൻസിപ്പാൾ ആണെന്ന് അയാൾക്ക് മനസ്സിലായി…
അപ്പോഴാണ് ഇന്ദ്രനെയും പാറുവിനേയും പുറത്താക്കാനുള്ള കാര്യം പറഞ്ഞ വിവരം അയാളുടെ ഓർമയിൽ ഓടിയെത്തിയത്…

അതൊരു തെറ്റായ തീരുമാനമാണെന്ന് ഫിലിപ്പിന് മനസ്സിലായി… ഡിസ്മിസ്സൽ കൊടുത്തോ അതോ ഇല്ലയോ എന്നയാൾക്ക് അറിയില്ല… അഥവാ ഡിസമിസ്സൽ കിട്ടി ഇന്ദ്രൻ ആ കോളേജിൽ നിന്നും പോയാൽ തന്റെ മകളിൽ നിന്നും ഉണ്ടാവുന്ന പ്രതികരണങ്ങൾ ഫിലിപ്പ് ഒരു നിമിഷം ഓർത്തുപോയി… അത് കഴിഞ്ഞ ചില വർഷം മുമ്പ് നടന്ന കാര്യങ്ങളെ  പറ്റി അയാൾ ഓർക്കാൻ ഇടയായി.. …

10 വർഷം മുന്നേ ഒരു ഗ്യാങ് വാറിൽ അയാളുടെ ഭാര്യ ക്രിസ്റ്റീന മരണമടഞ്ഞിരുന്നു….  അതും നെഞ്ചിൽ ബുള്ളറ്റ് കൊണ്ട്…

പിന്നെ  മക്കളെ വളർത്തിയത് ഫിലിപ് ഒറ്റക്കായിരുന്നു…. അമിത സ്നേഹവും അമിത സ്വാതന്ത്ര്യവും വേണ്ടുവോളം കൊടുത്തു….

റോഷൻ വളരുന്നതിന് അനുസരിച്ച് തന്റെ പപ്പയുടെ സ്വഭാവത്തിലേക്ക് വന്നു….
എന്നാൽ സോഫി മാറ്റ് ചില വഴിയിലൂടെ സഞ്ചരിച്ചു…
അവൾ ആശിച്ചതെല്ലാം നേടാൻ തുടങ്ങി…
കിട്ടാത്തത് നശിപ്പിക്കാനും… ഇടയിൽ എപ്പോഴോ മായക്കുമരുന്നുകൾക്ക് അവൾ അടിക്റ്റഡായി…
അതും തന്റെ 16 ആം വയസ്സിൽ….

പിടിവാശിയുടെ കൂടെ ചില മാനസിക മാറ്റങ്ങളും അവളിൽ കാണാൻ തുടങ്ങി… അമിതമായി ദേഷ്യപ്പെടൽ.. അമിതമായ ആഗ്രഹം ,വാശി , അഹങ്കാരം എല്ലാം ഉടലെടുത്തു….

കൂടെ തന്റെ സ്വന്തം ബുദ്ധികൊണ്ട് നേടുന്ന പണത്തിൽ അവൾ ഹരം കണ്ടെത്തി… പക്ഷെ നേടുന്ന വഴി ശരിയായത് ആയിരുന്നില്ല…
ചില കോളേജ് പെണ്ണുങ്ങളെ ട്രാപ്പിൽ കുടുക്കി സെക്സ് റാക്കറ്റിന് വിൽക്കുക , ചിലരെ ചതിച്ചു പണം നേടുക അങ്ങനെ പല പല വഴികൾ…

ഉപയോഗിക്കുന്ന ലഹരി അവളെ പണത്തിന് കീഴിലെ ഒരു അടിമയാക്കി… അതിന്റെ മണം ആവോളം ആസ്വദിച്ചു….

ഇടക്കെപ്പോഴോ തന്റെ മകൾ ലഹരിക്ക് അടിമയായെന്ന വിവരം ഫിലിപ് അറിയാൻ ഇടയായി…

അന്നാദ്യമായി അയാളുടെ കൈകൾ അവളുടെ കരണത്ത് പതിച്ചു… സോഫിക്ക് പണം വരുന്ന എല്ലാ മാർഗ്ഗവും ബ്ലോക്ക് ചെയ്തു… ഡ്രഗ്സ് കിട്ടാനുള്ള എല്ലാ മാർഗവും അടച്ചു….

അവളൊരു ഭ്രാന്തിയെ പോലെ അലറി… പിടിവാശി പിടിച്ചു… എന്നാൽ ഫിലിപ് അതൊന്നും കേട്ടില്ല… അവളെ മുറിയിൽ അടച്ചിട്ടു…. ഒരുനാൾ മാത്രമാണ് അവൾക്ക് പിടിച്ചു നിൽക്കാൻ സാധിച്ചള്ളൂ…

ലഹരിയുടെ പവർ അവളിൽ പ്രവർത്തിക്കാൻ തുടങ്ങി… തല വീണ്ടു കീറാൻ തുടങ്ങി… അവൾ തന്റെ ശരീരത്തിൽ സ്വയം മുറിവ് സൃഷ്ട്ടിച്ചു…. ഒരു ഭ്രാന്തിയെ പോലെ തലങ്ങും വിലങ്ങും ഓടി…

അവസാനം കൈ ഞരമ്പും മുറിച്ചു…ഭക്ഷണം കൊടുക്കാൻ ചെന്ന വേലക്കാരി ഇത് കാണുകയും അവളെ വേഗം ഹോസ്പിറ്റലിൽ എത്തിക്കുകയും ചെയ്തു… മുറിവെല്ലാം കെട്ടി ഭേതമായപ്പോൾ പിന്നെയും വൈലെന്റ് ആയി… വേറെ വഴിയൊന്നും ഇല്ലാതെ ഇഞ്ചക്ഷൻ വച്ചു മായങ്ങേണ്ടി വന്നു…

പിന്നെ ഫിലിപ് അവൾക്കായി ഒരു സൈക്യാർട്ടീസ്റ്റിനെ കണ്ടു… അയാൾ ഒരുപാട് പരിശ്രമിച്ചു… എന്നാൽ അവളുടെ മനസ്സ് ആ മരുന്ന് ഉപേക്ഷിക്കാൻ 1 % പോലും തയ്യാറായിരുന്നില്ല… അതുകൊണ്ട് കൗണ്സിലിംഗും മരുന്നുകളൊന്നും ബലം കണ്ടില്ല…

അവൾ ആശിച്ചത് കിട്ടണമെന്ന് പിടിവാശിയിൽ ഫിലിപ്പിന് വഴങ്ങേണ്ടി വന്നു… അവൾ ചെയ്യുന്ന പ്രവർത്തിയിൽ അയാൾ കണ്ണടച്ചു… ഇന്നും സോഫി അത് തുടരുന്നു…