തല്ലുകൂടി പുറത്തേക്കു നടന്ന അച്ചു  പെട്ടന്ന് എന്തോ കണ്ടിട്ട് പിടിച്ചു കെട്ടിയ പോലെ നിന്നു. ഞൊടിയിടയിൽ അവളുടെ മനസിൽ പല പദ്ധതികളും രൂപം കൊണ്ടു. 

“ടാ ഇതു നോക്കിയേ ” അവൾ അജിയെ വിളിച്ചു കാട്ടി.

 

” എന്ത് ”

 

പക്ഷേ അവൻ നോക്കിയിട്ട് ഒന്നും കണ്ടിരുന്നില്ല.

 

”ടാ പൊട്ടാ കണ്ണു തുറന്ന് നോക്ക് ” അവൾ വിരൽ ചൂണ്ടി പറഞ്ഞു.

 

” ടീ അത് ഒരു പുഴുവല്ലേ , നീയെന്താ ആദ്യമായാണോ പുഴുവിനെ കാണുന്നത് ”

 

” പുഴു തന്നാ എനിക്കുമറിയാം , പക്ഷേ ഈ പുഴുവിനെ പ്രത്യേകത എന്താ ” അവൾ പിരികം പൊക്കി ഒരു കുറ്റാന്വേഷകയുടെ ഭാവത്തോടെ ചോദിച്ചു.

 

“നീ ഒന്ന് ഉമ്മ വെച്ച് നോക്ക് അപ്പൊ അറിയാം ” അവന് അവളുടെ പറച്ചിൽ കേട്ട് ദേഷ്യം വന്നു

 

” എടാ ഇതു കൊണ്ടെരു ഉപകാരം ഉണ്ട് ‘

 

“ടി കൊരങ്ങേ വല്ലോം ഉണ്ടേൽ തെളിച്ചു പറയണം , അല്ലാതെ അത് ഇത് എന്നൊക്കെ പറഞ്ഞാൽ ഞാൻ എൻ്റെ പാട്ടിനു പോകും ”

 

“ആഹാ നീ പോകുമോ എങ്കിൽ എനിക്കൊന്നു കാണണമല്ലോ , പോടാ നീ പോ ”

 

“ചുമ്മാ പറഞ്ഞതല്ലേ മുത്തേ , നീ ഇങ്ങനെ പിണങ്ങിയാലോ ”

 

“അയ്യേ എന്തു ചളിയാടാ ”

 

“വേണ്ടങ്കിൽ വേണ്ട ഞാൻ സ്നേഹിക്കുന്ന എന്നെ സ്നേഹിക്കുന്നവൾ ഉണ്ടല്ലോ അവളോട് പറയാം ”