ചെമ്പനീർപ്പൂവ് 3 [കുട്ടപ്പൻ] 1455

രാഗുവിന്റെ മിഴിയും ഈറനയായിരുന്നു.

പൊട്ടിപ്പെണ്ണ്. അജുവേട്ടൻ എന്ന് പറഞ്ഞാൽ പെണ്ണിന് പ്രാന്താണ്. അവന് അവളെ ഇഷ്ടം ആണെന്ന് അറിഞ്ഞിട്ടും വട്ടുകളിപ്പിക്കാൻ നോക്കിയതാ… പാവം… അന്ന് ചിന്നു എന്നെ വിളിച്ചുകരഞ്ഞ ആ കരച്ചിലോർത്തപ്പോൾ തന്നെ നെഞ്ചിലൊരു വിങ്ങൽ പോലെ

……….

പുറത്തേക്ക് ഇറങ്ങിയ അഭിയേയും ജീവനെയും കാണാനില്ലല്ലോ.

“ആരെ ഓർത്ത് കിടക്കുകയാണ് മിസ്റ്റർ അജയ് ”

അഭിയുടെ വകയുള്ള കളിയാക്കൽ.

രണ്ടിനും ഒടുക്കത്തെ ആയുസ്സ് ആണെന്ന് തോന്നുന്നു കണ്ടില്ലേ മനസ്സിൽ ഓർത്തപ്പോഴേക് കയറിവന്നത്.

“നിന്നെയൊക്കെ തന്നെയാ ഇപ്പൊ വരാന്ന് പറഞ്ഞുപോയിട്ട്… എത്ര നേരമായിടാ… എന്താ അച്ഛനും ആയിട്ട്”

ഞാൻ ചോദിച്ചു

“ഹേയ് ഒന്നുല്ലടാ… നിനക്ക് എങ്ങനെയാ ആക്‌സിഡന്റ് പറ്റിയത് എന്ന് അച്ഛൻ ചോദിക്കുവായിരുന്നു. ”

അഭി പറഞ്ഞു

” എന്നിട്ട് നീയെന്ത് പറഞ്ഞു ”

ആകാംഷ കൂടുതൽ ആയിരുന്നു എന്റെ ചോദ്യത്തിന്.

“ഓ എന്തോരു ശുഷ്‌കാന്തി…. അവനും അവന്റൊരു ചിന്നുവും… അതൊന്നും പറഞ്ഞില്ല. ശ്രെദ്ധിക്കണ്ടു റോഡ് ക്രോസ്സ് ചെയ്തെന്നെ പറഞ്ഞുള്ളു.

പിന്നെ അവളുടെ മറുപടി എന്താ വല്ലതും പറഞ്ഞിരുന്നോ”

എന്തോ അത് കേട്ടപ്പോ ഞാൻ ആകെ വല്ലാതായി. അത് മനസിലാക്കിയിട്ട് അവർ ഇരുവരും പെട്ടന്ന് ചോദിച്ചു

” എന്താടാ വല്ലാണ്ടിരിക്കുന്നെ..അവളെന്താ പറഞ്ഞെ? ”