ചെമ്പനീർപ്പൂവ് 3 [കുട്ടപ്പൻ] 1455

……….

ആ വെള്ള ബെൻസ് GLS  ആ വലിയ ഗേറ്റ് കടന്നു അകത്തേക്കുനീങ്ങി.

“വൃന്ദാവനം”. അതാണ്‌ ആ വലിയ വീടുന്റെ പേര്.  ഇന്ദിര ഒരു കൃഷ്ണ ഭക്ത ആയതാവാം ആ പേരിനു കാരണം.

” മുകളിൽ വേണ്ട….. ഇവന് ഭേദം ആകുന്നവരെ താഴെ മുറിയിൽ കിടന്നാ മതി”

എന്നെ താങ്ങിപിടിച്ചു സ്റ്റെപ് കയറാൻ തുടങ്ങിയ അഭിയോടും ജീവയോടുമായി അമ്മയുടെ ഓർഡർ വന്നു

“ഇന്ദുസേ എനിക് കുഴപ്പൊന്നുല്ല. ഞാൻ മു…. ”

“അത് നീയല്ല തീരുമാനിക്കുന്നത്.ഞാൻ പറഞ്ഞത് അനുസരിച്ച മതി”

എന്നെ മുഴുവിക്കാൻപോലും സമ്മതിക്കാതെ അമ്മയുടെ ഉറച്ച സ്വരം അവിടെ ഉയർന്നു

പ്രപഞ്ചത്തിലെ ഏറ്റവും വലിയപ്പോരാളിയോട് എതിർത്തിട്ട് കാര്യം ഇല്ല എന്ന് മനസിലായപ്പോ ‘U’ ടേൺ എടുത്ത് താഴെ ഉള്ള ഒരു മുറിയിൽ എന്നെ കൊണ്ട് കിടത്തി.

“എടാ അജു അന്നത്തെ ആ ആക്‌സിഡന്റ് ഇല്ലേ….. ” ജീവൻ പറഞ്ഞുതുടങ്ങി

” ജീവ അഭി ഒന്നിങ്ങുവന്നേ. ” ജയശങ്കർ അവരെ വിളിച്ച് പുറത്തേക് നടന്നു

” ഇപ്പൊ വരാടാ ” എന്നുപറഞ്ഞു അഭിയും ജീവയും ജയശങ്കറിന്റെ പിന്നാലെ പോയി

“എന്താ ജയച്ചാ” അഭി ചോദിച്ചു.

” അന്നത്തെ ആക്‌സിഡന്റ് നെ പറ്റി പറയാൻ ആണ്. അത് ഒരു ആക്‌സിഡന്റ് അല്ല. മെർഡർ അറ്റെപ്‌റ്റ് ആണ് ”

” എന്ത് ” രണ്ടുപേരും ഒരുപോലെയാണ് അത് ചോദിച്ചത്. രണ്ടാളും നല്ലപോലെ ഞെട്ടിയിട്ടുണ്ട്.

“ആരാ അച്ഛാ നമ്മുടെ അജൂനെ. എന്തിനാ അവനെ “.