ചെമ്പനീർപ്പൂവ് 3 [കുട്ടപ്പൻ] 1454

“അവൻ ജീവനോടെ ഇവിടന്ന് പോകാൻ പാടില്ല…. ഇന്നേവരെ തോൽവി എന്താണെന്ന് ഞാൻ അറിഞ്ഞിട്ടില്ല. ഒരു ടാർഗറ്റും മിസ്സ്‌ ആയിട്ടില്ല. അവൻ പ്രണാനുവേണ്ടി എന്നോട് കേഴണം.”

അയാൾ അവനോട് പറഞ്ഞു

” ഹാഹാഹാ…… നിന്റെ മരണം എന്റെ കൈകൊണ്ടാണ്. അവസാന ആഗ്രഹം വല്ലതും ഉണ്ടോ….? ഹാഹാഹാ ”

അവൻ ആർത്തുചിരിച്ചുകൊണ്ട് എന്നോട് ചോദിച്ചു.

” ആരാ ഇതിന് പിന്നിൽ എന്നറിഞ്ഞ കൊള്ളാം എന്നുണ്ട് ചേട്ടാ”.

ഞാൻ ചിരിച്ചുകൊണ്ട് തന്നെ അയാളോട് ചോദിച്ചു.

“ഹഹഹ…. അത് ഞങ്ങളുടെ എത്തിക്സിന് എതിരാണല്ലോ കുട്ടാ… അപ്പൊ ഇനി യാത്രയില്ല……ജോണെ. കൊല്ലരുത് അവന്റെ മരണം എന്റെ കൈകൊണ്ട്. ഹഹഹ “.

ജോൺ എന്റെ നേരെ പാഞ്ഞുവന്നു..

ഞാൻ രണ്ടുസ്റ്റെപ് പിന്നിലേക്ക് മാറിനിന്നു.

അവൻ എന്റെ തൊട്ടടുത്തെത്തി ഇടിക്കാനായി കൈ ഉയർത്തിയാനേരംകൊണ്ട് അവന്റെ നെഞ്ചിന്റെ കൃത്യം നടുക്ക് ഞാൻ ഒരു പഞ്ച് കൊടുത്തു.

“കുന്തം വിഴുങ്ങിയ പോലെ നിക്കണ്ടു തല്ലിക്കൊല്ലേടാ അവനെ”.

രാജീവ്‌ ഉറക്കെ വിളിച്ചുപറഞ്ഞു.

അപ്പൊ തന്നെ ജോൺ വെട്ടിയിട്ട വാഴ പോലെ കമിഴ്ന്നടിച്ചു മുന്നോട്ട് വീണു.

“Wow” അജുവിന്റെ ഗാർഡ്സ് അത്ഭുതംകൂറി.

കാട്ടാളൻ രാജീവ്‌ അടക്കം അവന്റെ കൂടെ ഉണ്ടായിരുന്ന എല്ലാരുടെയുള്ളിലും ഭയത്തിന്റെ ലാഞ്ജന ഉണർന്നു.

തന്റെ കരുത്തനായ പോരാളിയെ നഷ്ടമായ രാജീവ്‌ പകച്ചിരുന്നു.

………..

അവന്റെ ഒറ്റയിടിക്ക് ജോൺ താഴെവീണ് കിടക്കുന്നു. അനക്കം ഇല്ല.  മരിച്ചോ എന്ന് സംശയം.

അവന്റെ മുഖത്ത് ഇപ്പോഴും ഗൂഢമായ ഒരു പുഞ്ചിരിമാത്രം.