ചെമ്പനീർപ്പൂവ് [കുട്ടപ്പൻ] 1490

” അജു ദേ ഞാൻ പറഞ്ഞിട്ടുണ്ട് എന്റെ അടുത്ത് നിന്റെ വേഷംകെട്ടു വേണ്ടന്ന്. എന്നോട് മിണ്ടാൻ വരണ്ട എന്ന് പറഞ്ഞ വരണ്ട അത്രന്നെ. ”

അമ്മ ആണേൽ ഒടുക്കത്തെ കലിപ്പും.

” അമ്മേ….. അമ്മക് ഇഷ്ടല്ലാച്ച ഞാൻ അത് ചെയ്യോ. അമ്മക്കിപ്പോ ഞാൻ അമേരിക്കയിൽ പോവാമ്പാടില്ല അത്രല്ലേ ഉള്ളു. ഞാമ്പോണില്ല. ഇനിയേലും ഒന്ന് പിണക്കം മാറ്റമ്മേ. ന്റെ ഇന്ദുസ് ഇങ്ങനെ മുഖോം വീർപ്പിച്ച് നടക്കാനാകാണാൻ ഒരു രസൂല. ” ഞാൻ അമ്മയെ വരുതിയിൽ ആക്കാനായി പറഞ്ഞു

സത്യത്തിൽ എനിക്കും ഇവിടം വിട്ട് പോവാൻ തീരെ താല്പര്യം ഇല്ല. എന്നാലും അമ്മയെ ചൊടിപ്പിക്കാൻ ചുമ്മാ ഒരു നമ്പർ ഇട്ടു അത് നല്ലതുപോലെ എൽകുവേം ചെയ്തു.

“അജു നീ പോയപ്പിന്നെ അമ്മക് ആരാടാ ”

അമ്മയുടെ കണ്ണ് ചെറുതായി ഈറനായി.

“അമ്മേ ഞാൻ പോണില്ലന്ന് പറഞ്ഞില്ലേ പിന്നീതിപ്പോ എന്തിനാ കണ്ണ് നിറക്കുന്നേ…. അയ്യേ ദേ നോക്കിക്കേ ആ പെണ്ണെങ്ങാൻ കണ്ടോണ്ട് വന്ന അറിയാലോ അമ്മേ… കളിയാക്കി കൊല്ലും അമ്മേനെ… കണ്ണൊക്കെ തുടക്ക് ”

അവർ കണ്ണൊക്കെ തുടച്ച് അവനെ നോക്കി ചിരിച്ചു.

“ആഹാ എന്താ ചിരി….അമ്മയെ ചിരിച്ചുകാണാൻ തന്നെയാ ഭംഗി. അമ്മേ ഞാൻ ഒന്ന് പുറത്ത് പോയേച്ചും വരാം. ”

അമ്മയോട് അനുവതവും വാങ്ങി അവൻ പുറത്തേക് ഇറങ്ങി. മുറ്റത്തെ മരംകൊണ്ടുള്ള ഊഞ്ഞാലിൽ ഇരുന്ന് ചായകുടിക്കുവാ അമ്മു. രാവിലേ വെള്ളം കോരിയൊഴിച്ച കാരണം ആലുവ മണപ്പുറത്തുവച്ചുകണ്ട പരിചയം പോലുംകാണിക്കാതെ ഞാൻ എന്റെ ബുള്ളറ്റ് 500 ഇൽ കേറി അവിടന്ന് തിരിച്ചു. മിററിൽ കൂടി നോക്കിയപ്പോ അവൾ ഒരു കരച്ചിലിന്റെ വക്കത് എത്തിനിക്കുവാണ്. കാരണം വേറൊന്നുമല്ല ഇന്നേവരെ അവളോട്പറയാതെ ഞാൻ എവിടേക്കും പോയിട്ടില്ല.എന്നാലും ഞാൻ അത് മൈൻഡ് ചെയ്തില്ല. ഞാൻ നേരെ കൂട്ടുകാരെ കാണാൻ ആണുപോയത്. പണത്തിന്റെ ത്രസിൽ ഇട്ട് ഒരുപാട് പ്രണയ അഭ്യർത്ഥനയും സൗഹൃദവും ഒക്കെ വന്നെങ്കിലും അതിലൊന്നും താല്പര്യം കാണിച്ചില്ല. എന്റെ പണം കണ്ട് അല്ലാതെ ചങ്കുപറിച് തരുന്ന രണ്ടുകൂട്ടുകാർ. അഭിരാമും ജീവനും. രണ്ടാളും മീഡിയംക്ലാസ്സ്‌ ഫാമിലി ആണ് എന്നാൽ ഞങ്ങള്ക്ക് ഇടയിൽ അങ്ങനെയൊരു വേർതിരിവ് ഇല്ല. എന്റെ വീട്ടിൽ എന്നേക്കാൾ സ്വാതന്ത്ര്യം ഉള്ള മഹാൻ മാർ ആണ് ഇവർ രണ്ടാളും അതെ പോലെ തിരിച്ചും. ഇവരെ വിട്ടുപിരിയാൻ ഉള്ള മടി കൂടെ ആണ് അമേരിക്ക എന്ന പലരുടെയും സ്വർഗ്ഗരാജ്യം കീഴടക്കാൻ അവസരം ലഭിച്ചിട്ടും പോവാഞ്ഞത്.

അവരോട് സംസാരിച്ച നേരം പോയത് അറിഞ്ഞില്ല. അമ്മുവിനെ സോപ്പിടാൻ അടുത്തുകണ്ട കടയിൽ കയറി ഒരു ഡയറിമിക്കും വാങ്ങി ഞാൻ വീട്ടിലേക് തിരിച്ചു. ബൈക്ക് പോർച്ചിൽ കയറ്റിയപ്പോ തന്നെ അകത്ത് വാതിൽകൊട്ടിയടച്ച ശബ്ദം കേട്ടു. അതെ അമ്മു തന്നേ വിചാരിച്ചപോലെ തന്നെ കക്ഷി പിണക്കത്തിലാണ്. ഞാൻ ചെന്ന് വാതിലിൽ മുട്ടി. മുട്ടുവിൻ തുറക്കപ്പെടും എന്ന് പറയുന്നതൊക്കെ വെറുതെ ആണ്. ഞാൻ തന്നെ തുറക്കേണ്ടിവന്നു. കട്ടിലിൽ മുഖം പൂഴ്ത്തി കിടുക്കുവാണ് എന്റെ കാന്താരി.

” അമ്മുസേ….. ”

നോ റിപ്ലൈ

“ഹാ നല്ലോരു ഡയറിമിൽക്ക്. നിനക്ക് വേണ്ടല്ലോ ഞാൻ ഇന്ദുസിനു കൊടുത്തോളം ” എന്നും പറഞ്ഞു തിരിച്ചു പോവാൻ ഒരുങ്ങി

പെണ്ണ് ചാടിത്തുള്ളി എണീറ്റോ എന്നെ ഒരു നോട്ടം. അത് കണ്ടപ്പോളെ ന്റെ ചിരിപ്പൊട്ടി.