( വീണ്ടുമൊരു പഴയ കഥയുമായി  വന്നിരിക്കുകയാണ് ഞാൻ.  യഥാർത്ഥത്തിൽ ഇത് ഒരു തുടർകഥ ആയിട്ടായിരുന്നു ഫേസ്ബുക്കിൽ പോസ്റ്റ്‌ ചെയ്തിരുന്നത്.. ഒരുപാട് പേജുകൾ ഇല്ലാത്തത് കൊണ്ട് എല്ലാം ഒരുമിച്ച് കൂട്ടി പോസ്റ്റ്‌ ചെയ്യുന്നു. അഭിപ്രയം അറിയിക്കുക. അത് പോലെ കഴിഞ്ഞ കഥക്ക് തന്ന സ്നേഹത്തിനു നന്ദി. )

ചീപ്  ത്രിൽസ് 

Cheap Thrills | Author : Jasfir

“അറ്റന്റൻസ് നമ്പർ വൺ… “

“വൺ.. “

“ടൂ “

“ത്രീ ആബ്സെന്റ ഫോർ “

കോളേജിൽ ക്ലാസ്സ്‌ തുടങ്ങിയ അന്ന് മുതൽ ഞാൻ പറയാൻ തുടങ്ങിയതാണീ ‘ത്രീ ആബ്സെന്റ ഫോർ’.

ഇതിപ്പോ ക്ലാസ്സ്‌ തുടങ്ങിയിട്ട് മൂന്ന് ആഴ്ചയായി.  ഇതു വരെ പുള്ളി ക്ലാസ്സിൽ വന്നിട്ടില്ല.  അഭിരാം എന്നോ മറ്റൊ ആണ് അവന്റെ പേര്. ഇനി വരുവോ എന്തോ..

ഓരോന്നോർത്തു കൊണ്ട് ഞാൻ ബുക്സ് എടുത്തു

എന്നെ കുറിച്ച് പറഞ്ഞില്ലല്ലോ..  ഞാൻ ആതിര.  തിരുവനതപുരം ഗവേർമെൻറ്  ആർട്സ് ആൻഡ് സയൻസ് ബികോം ആദ്യ വർഷ വിദ്യാർത്ഥിനി.  എന്റെ റോൾ നമ്പർ നാലായത്  കൊണ്ട് ത്രീ ആബ്സെന്റ ആണെന്ന് പറയാനുള്ള കടമ എനിക്കായിരുന്നു. ക്ലാസ്സ്‌ തുടങ്ങി ഇത്ര ദിവസങ്ങളായിട്ടും കാണാത്തത് കൊണ്ട്  അവനെ കാണാൻ എല്ലാവർക്കുമൊരു ആകാംഷ ഉണ്ടായിരുന്നു.  മറ്റുള്ള കുട്ടികൾ പറയുന്നത് പുള്ളി ഇനി വരാൻ ചാൻസ് ഇല്ല. വേറെ കോളേജ് കിട്ടിപോയിക്കാണും എന്നാണ്.

“മെ ഐ കമിങ് സർ.. ?”

അക്കൗണ്ടസി ബേസിക്സ്നെ കുറിച്ചൊക്കെ സാർ കത്തി കയറുമ്പോഴാണ്  വാതിൽക്കൽ നിന്നും ആ ശബ്ദം കേട്ടത്.