രാധമ്മയുടെ അരികിലെത്തിയ അഞ്ജലി അമ്മയോടായി ചോദിച്ചു.അമ്മേ…. ഇന്നു തന്നെ ഡിസ്ച്ചാർജ് ചെയ്യാം എന്നാ പറഞ്ഞ്.

ഉം… ഇന്നലെ എന്താ… നടന്നത് മോളെ…

അത് , അമ്മേ… ഞാനെങ്ങനെയാ….

അവളുടെ മുഖത്ത് വിരിഞ്ഞ നാണവും, പറയാൻ വാക്കുകൾക്കായി അവൾ പതറുന്നതും കണ്ടപ്പോ രാധമ്മയ്ക്ക് അത് ചോദിക്കണ്ടായിരുന്നു എന്ന അവസ്ഥയായി.

എന്നാ മോളെ അച്ഛനോട് പറ വേഗം ബില്ലടയ്ക്കാൻ

അതൊക്കെ ഞാൻ അടച്ചു അമ്മേ…

അതു വേണ്ടായിരുന്നു, അച്ചൻ

അതിനെന്താ അമ്മേ…ഞാൻ അടച്ചാൽ

അയ്യോ മോളെ ഞാനങ്ങനെ ഒന്നും ഉദ്ദേശിച്ചില്ല

എനിക്കറിയാം അമ്മേ… എന്നാ ഞാൻ ഏട്ടൻ്റെ അടുത്തേക്കു പോവട്ടെ.

അവൾ അമ്മയോടു പറഞ്ഞ് അരുണിനരികിലേക്കു പോയി. മുറിയിൽ കയറിയതും അവൾ കാണുന്നത് ശാന്തമായി ഉറങ്ങുന്ന അരുണിനെയാണ്, എന്തൊ അതവൾക്ക് സഹിക്കാവുന്നതിലും  അപ്പുറമായി തോന്നി. അവിടെ കിടന്ന കുപ്പിയിലെ വെള്ളം കുറച്ചെടുത്ത് അവൻ്റെ മുഖത്തേക്കൊഴിച്ചു. വെള്ളം മുഖത്തു വീണതും ചാടിപ്പിടഞ്ഞെഴുന്നേറ്റ അരുൺ കാണുന്നത് അഞ്ചുവിനെയാണ്.

സ്വസ്ഥമായൊന്നുറങ്ങാനും സമ്മതിക്കില്ല നശൂലം

അവനത് മനസിൽ പറഞ്ഞതും

സർ, വല്ലോം പറഞ്ഞോ…

അവളുടെ ചോദ്യം ഒരു നിമിഷം അവനെ ഞെട്ടിച്ചു താൻ മനസിൽ പറഞ്ഞത് അവളെങ്ങാനും കേട്ടോ… ഏയ് അതിനിടയില്ല. അവൻ സ്വയം പറഞ്ഞു.

അതെ, മാഷെ ഇന്നു ഡിസ്ച്ചാർജ് ആണ് , അപ്പോ എങ്ങനാ… കാര്യങ്ങൾ

എന്തു കാര്യം

ഞാൻ പറഞ്ഞതൊന്നും ഓർമ്മയില്ലെ

അല്ലേലും ഞാൻ നിന്നെ തൊടാൻ വരില്ല,

അതിന്നലെ കണ്ടതാണല്ലോ, അതു കൊണ്ട് വെറുതെ ഷോ ഇറക്കല്ലെ.

സത്യത്തിൽ തൻ്റെ വായടപ്പിക്കുന്ന ആ മറുപടി അവളിൽ നിന്നും അവൻ പ്രതീക്ഷിച്ചിരുന്നില്ല, മറുത്തൊന്നും പറയാനാവാതെ അവനും വിഷമിച്ചു നിക്കുമ്പോ… അടുത്ത അടിയുമായി അവൾ രംഗം കൊഴുപ്പിച്ചു.

എന്തേ…. നാവിറങ്ങി പോയോ…..

ആ സമയം അമ്മ കടന്നു വന്നതും , അഞ്ജലി പ്ലേറ്റു തിരിച്ചു.

എന്താ ഏട്ടാ… ഇത് , വേഗം റെഡിയായെ നമുക്ക് പോകണ്ടെ,