“ഇക്കാ….. ഇക്കോയി…..” 

“എന്താ നാജി അനക്ക് മാണ്ടേ ….എന്തിനാ രാവിലെ ഇയ്യു കിടന്നു കാറുന്നെ….”

 

“അതേയ്…..ഇക്കാ ഇങ്ങള് എനിക്കു മൂർദ്ധാവിൽ ഒരു ചുംബനം തരോ……”

 

“എങ്ങനെ…….”

 

“എനിക്കു മൂർദ്ധാവിൽ ഒരു ചുംബനം തരോന്നു ..”

 

ഓളുടെ ആ പൂതി കേട്ടു ഞമ്മള് ആകെ ഇടങ്ങേറിലായി…… ചുംബനം അത്  മുത്തം

ആന്നു പുടികിട്ടി…. പക്ഷേങ്കി… മറ്റേ സാധനം എന്താണപ്പ ….

 

ഞമ്മള് ഓളെ അടിമുടി ഒന്നു ഇരുത്തി നോക്കി…. നോട്ടം കണ്ടാണോ എന്തോ ഓള് ചോദിച്ചു…

 

“എന്താണ് ഇക്കാ ഇങ്ങള് ഞമ്മളെ ഇങ്ങനെ നോക്കണേ…. ചോദിച്ചത് തരീൻ….”

 

“അല്ല നാജി അതാണ് ഞമ്മളും നോക്കണേ.ഇതിൽ എവിടാ അന്റെ ആ പറഞ്ഞ സാധനം ഇരിക്കെനെ…”

 

ഞമ്മള് ഓളെ അടിമുടി നോക്കി ചോയിച്ചു..

 

“നിങ്ങള് എന്തൊരു മണ്ടൻ ആണ് ഇക്കു…ഈ ഗ്രൂപ്പിലെ എന്തോരം കഥകളിൽ ആണ്  ഭർത്താക്കന്മാർ അവരുടെ ഭാര്യമാർക്ക് മൂർദ്ധാവിൽ ചുംബനം കൊടുകുന്നേ…”

 

വല്യ കാര്യം പോലെ ഓള് പറഞ്ഞു നിർത്തി..

 

“ഓഹ്ഹ് അപ്പൊ അതാണ് കാര്യം…. ഈ ഫോൺ എന്ന കുന്ത്രാണ്ടം വാങ്ങി കൊടുത്തതിനു ശേഷം ഓള് ഞമ്മക്ക് പണി തന്നോണ്ട് ഇരിക്കുവാ… അതിന്റെ ഇടക്കാ ഓളുടെ ഒരു പൂതി….. എന്താണപ്പ ഇത്………. ഒരു പുടിയും കിട്ടാണില്ലലോ പടച്ചോനെ……”