ആമുഖം

നമസ്‌കാരം, ഞാൻ ഇവിടെ ആദ്യമായി ഒരു കഥ എഴുതുവാൻ ഉള്ള ശ്രമത്തിലാണ്, തെറ്റുകൾ ഉണ്ടാവും  ദയവായി ക്ഷമിക്കുക…. ഇതൊരു  കഥ എന്നു പറയാം അത്രേയുള്ളൂ. ഒരു വ്യക്തിയുടെ ജീവിതത്തിലെ ചില ഏടുകളാണ്… 

അറിയാതെ പറയാതെ 1

Author : ജെയ്സൻ

2018 July 22 രാവിലെ 9 മണി
ഇടമുറിയാതെ പെയ്യുന്ന മഴയെ കൂസാതെ ചൂളം വിളിച്ചു കുതിച്ചു പായുന്നു, വേറെ ആരുമല്ല ന്യൂ ഡൽഹി തിരുവനന്തപുരം കേരള എസ്പ്രെസ്സ്  അതും 4 മണിക്കൂർ ലെയ്റ്റായി,  കാരണം വേറൊന്നും അല്ല കാലവർഷം തന്നെയാണ്, അതിനാൽ കേരളത്തിൽ പലയിടത്തും മണ്ണിടിച്ചിലും ഉരുൾപൊട്ടല്ലും വെള്ളപ്പൊക്കവും.

സാധാരണ 8:30നു മുൻപ് എറണാകുളം ജങ്ഷനിൽ എത്തേണ്ട ട്രെയിൻ, ഇതുവരെ ആയിട്ട് പാലക്കാട് എത്തിയിട്ടില്ല.

ഞാൻ ഇപ്പോൾ ന്യൂ ഡൽഹിയിൽ നിന്നും  നാട്ടിലേക്ക് ഉള്ള യാത്രയിലാണ്. അതും കുറച്ചു നാളുകൾക്കു ശേഷം, കൃത്യമായി പറഞ്ഞാൽ 8 മാസം. ഇപ്പൊ നിങ്ങൾ കരുതും ഞാൻ ഏതോ സ്ഥലം മാറി വരുന്ന സർക്കാർ ഉദ്യോഗസ്ഥൻ ആണെന്ന്.

തെറ്റുധരിക്കേണ്ട ഞാൻ ജെയ്സൻ  ജീവിതത്തിന്റെ നല്ല സമയം എന്നു വെച്ചാൽ ഇരുപതാം വയസ്സിൽ  പ്രവാസജീവിതം തുടങ്ങി, എന്നാൽ ആ ജീവിതത്തിന് വലിയ ആയുസ്സ് ഉണ്ടായിരുന്നില്ല. ഏകദേശം 4 വർഷം ആയപ്പോൾ കമ്പനി സാമ്പത്തിക ബുദ്ധിമുട്ട് കാരണം ക്ലോസ്  ആയി, പച്ച മലയാളത്തിൽ പറഞ്ഞാൽ പൂട്ടികെട്ടി.